Afkoma Norðurorku batnaði til muna á milli ára
Rekstrarafgangur síðasta árs, eftir afskriftir, nam 760 milljónum króna en árið 2008 var afgangurinn 504 milljónir króna. Franz Árnason forstjóri Norðurorku segir að menn hafi í raun ekki átt von á öðru en að halda sjó á milli ára en hins vegar komi á óvart hversu tekjuaukningin er mikil. Hann segir fjórar megin ástæður skýra þessar breytingar varðandi afkomu fyrirtækisins - auknar tekjur, lægri rekstrarkostnaður, sala á hlut fyrirtækisins í Þeistareykjum og endurmat eigna.
"Tekjur jukust um 11%, eða um tæpar 220 milljónir króna og rekstrarkostnaður lækkaði um 50 milljónir króna. Sala á hlut fyrirtækisins í Þeistareykjum ehf. skilaði sér inn í fjármagnstekjur þannig að hagnaður ársins eftir fjármagnsliði og reiknaðan tekjuskatt er 1,2 milljarður króna en tap upp á rúma 2,3 milljarða varð af rekstri árið áður. Þó ekki hefði komið til sölunnar á hlutnum í Þeistareykjum hefði samt orðið hagnaður af rekstri síðasta árs. Hin góða rekstrarniðurstaða, ásamt endurmati eigna, gerir það að verkum að eigið fé Norðurorku er nú 37,1% í stað 2,6% í árslok 2008."
Franz segir að fyrir liggi samþykkt stjórnar Norðurorku þess efnis að þeir fjármunir sem koma inn fyrir söluna á Þeistareykjum skuli notaðir til að greiða niður skuldir. Hann segir jafnframt að ef ekki verði frekari kollsteypur í efnahagsmálum muni Norðurorka geta staðið við allar skuldbindingar félagsins á komandi árum, ef verðskrár verða látna endurspegla verðlagsbreytingar samkvæmt viðurkenndum mælikvörðum. "Ef krónan styrkist og verðbólga minnkar kann að myndast svigrúm sem nýta má til hagsbóta fyrir viðskiptavini. Það virðist hins vegar ganga mjög illa að lækka verðbólguna hér á landi, þrátt fyrir göfug markmið."
Franz segir að þó svo að verulegur hluti skulda Norðurorku sé í erlendum myntum sé vaxtarmunur en gífurlegur, innlendum skuldum í óhag. "Innlendu lánin hækka auk þess með verðbólgu, þannig að á síðasta ári var umtalsvert hagstæðara að skulda í erlendri mynt," segir Franz.
Hjá Norðurorku starfa um 50 manns og hefur lítil breyting orðið þar síðustu ár. "Við fjölguðum ekki starfsmönnum í þenslunni, heldur keyptur vinnu að. Fyrir vikið höfum við ekki þurft að fækka starfsmönnum og engar áætlanir um slíkt. Hins vegar var yfirvinna skorin töluvert niður." Franz segir að ekki sé þörf fyrir stórar framkvæmdir á næstunni en þó sé verið að skoða möguleika á að leggja hitaveitu frá Hrafnagili suður að Grund og Árbæ. "Hvort af því verður ræðst af vilja þeirra íbúa sem þarna búa."
Nýjast
-
Gamla verslunin í Vaglaskógi jöfnuð við jörðu
„Það eiga margir góðar minningar um þessa verslun,“ segir Helen Jónsdóttir en gamla góða búðin í Vaglaskógi var jöfnuð við jörðu nýverið. Allt var tekið nema hellan fékk að vera og væntir Helen þess að eitthvað verði gert á staðnum. „Vonandi verður settur upp fallegur áningarstaður þarna, með borðum og bekkjum og jafnvel skilti sem greinir frá sögu verslunarinnar.“ -
Hamrastígur og Kirkjugarðsstígur Finnur ehf bauð lægst í stígagerðina
Gengið verður til samninga við lægstbjóðenda, Finn ehf í gerð tveggja stíga á Akureyri, Hamrastígs og Kirkjugarðsstígs, en fyrirtækið átti lægsta boð í bæði verkin. -
Alþjóðaflugvöllur á Akureyri verði byggður upp
Sveitarfélögin á Norðurlandi vestra og Norðurlandi eystra skora á ríkisstjórn Íslands og Alþingi að koma rekstri, uppbyggingu og markaðssetningu Akureyrarflugvallar fyrir hjá sérstakri stjórn eða félagi, sem hefur það að markmiði að alþjóðaflugvöllurinn sé byggður upp og kynntur sem ein af gáttum Íslands -
Grafalvarleg staða í rekstri PCC Bakka rædd í atvinnuveganefnd Alþingis.
Atvinnuveganefnd Alþingis hefur verið upplýst um grafalvarlega stöðu í rekstri PCC Bakka við Húsavík, þar sem stefnt gæti í rekstrarstöðvun undir lok sumars ef ekki tekst að snúa vörn í sókn. -
Listasafnið á Akureyri Nýjar sýningar opnaðar
Sýningar Heimis Hlöðverssonar, Samlífi, og Þóru Sigurðardóttur,Tími – Rými – Efni, verða opnaðar í Listasafninu á Akureyri á laugardag 17. maí kl. 15. Á opnunardegi verður leiðsögn með Heimi kl. 15.45. -
Orkey fyrst á Íslandi með sjálfbærni- vottaða framleiðslu á lífeldsneyti
Orkey hefur fengið alþjóðlega kolefnis- og sjálfbærnivottun, ISCC EU, á lífdísilframleiðslu sína á Akureyri fyrst fyrirtækja sem framleiða lífeldsneyti hérlendis. -
Heyrn er ekki munaður – hún er þátttaka
Það var ánægjulegt að sækja fund hjá Félagi eldri borgara á Akureyri (EBAK) síðastliðinn föstudag. Rétt rúmlega hundrað manns mættu – áhugasamir, upplýstir og málefnalegir. Þar skapaðist gott samtal um þau mál sem brenna mest á eldra fólki í dag. Ábendingar komu víða að og spurningarnar voru margar og skýrar. Það var sérstaklega áberandi að umræðan snerist ítrekað að sömu kjarnamálunum: skerðingum, lífeyrissjóðum en einnig að heilbrigðisþjónustu. -
Sundlaug Akureyrar lokuð 18.-22. maí – opið lengur í Glerárlaug 18. maí
Sundlaug Akureyrar verður lokuð dagana 18.-22. maí eða frá sunnudegi til fimmtudags í næstu viku. -
Byggingaréttur á lóðum á Torfunefsbryggju boðin út í maí
Byggingaréttur á tveimur lóðum við Torfunefsbryggju þar sem eru til staðar fimm byggingareitir verður boðin út nú síðar í maí.