Áfall fyrir ferðaþjónustu á norðanverðu landinu
Farþegar á vegum Super Break á Akureyrarflugvelli. Mynd/Markaðsskrifstofa Norðurlands
Arnheiður Jóhannsdóttir framkvæmdastjóri Markaðsskrifstofu Norðurlands segir það mikið áfall að SuperBreak hafi farið í þrot og þau flug sem áætluð voru frá Bretlandi næsta vetur því fyrir bí. Tekjur sem komu inn á Norðurlandi á liðnum vetri vegna SuperBreak flugsins eruð áætlaðar um 500 milljónir króna, „og við bjuggumst við 7 til 10 þúsund gistinóttum hér á svæðinu næsta vetur.“
Arnheiður segir að bresku gestirnir hafi gert ferðaþjónustufyrirtækjum kleift að hafa opið yfir erfiðasta tíma vetrarins og þannig hafa þau þróað sína þjónustu. „Við vonum að þetta verkefni hafi haft góð áhrif á þjónustuna þannig að auðveldara verði að fá nýja aðila að verkefninu en við munum leita allra leiða til þess. Markaðssetning á Norðurlandi hefur verið kröftug í kringum þetta flug og vonandi skilar það sér í auknum áhuga Bretanna sem geta þá komið norður eftir öðrum leiðum,“ segir hún.
Breska ferðaskrifstofan Super Break hefur undanfarna tvo vetur boðið upp ferðir til Íslands þar sem flogið var beint frá nokkrum breskum borgum til Akureyrar. Til stóð að halda því flugi áfram eftir áramótin og var búið að boða fjórtán ferðir til Akureyrar frá Bretlandi á tímabilinu febrúar og út apríl árið 2020. Þau áform eru runnin út í sandinn því tilkynnt hefur verið m.a. á Twittersíðu ferðaskrifstofunnar að félagið hafi verið tekið til gjaldþrotaskipta.
Lyftistöng fyrir ferðaþjónustu
Þessar ferðir hafa verið mikil lyftistöng fyrir ferðaþjónustu á Norðurlandi á tímabili þegar hvað minnst er umleikis í atvinnugreininni. Í frétt á vefnum turisti.is kemur fram að gera megi ráð fyrir að um 3.500 farþegar hafi nýtt sér þennan ferðamáta á tímabilinu janúar, febrúar og mars fyrr á þessu ári. Um var að ræða pakkaferðir ýmist þriggja eða fjögurra nátta þannig að viðskiptavinir ferðaskrifstofunnar hafa staðið fyrir um 12 þúsund gistinóttum á norðlenskum hótelum fyrstu þrjá mánuði ársins Erlendir gestir nýttu um 35 þúsund hótelnætur á norðanverðu landinu á þessu tímabili og því ljóst að gjaldþrot bresku ferðaskrifstofunnar er áfall fyrir ferðaþjónustu í landshlutanum.
Nýjast
-
Lokaorðið - Sumardagurinn fyrsti.
Sumardagurinn fyrsti er ævaforn hátíðisdagur á Íslandi. Þó líði aldir og kynslóðir komi og fari er ekkert sem Íslendingar þrá heitar en vorið. Hjörtun slá þá í mildum samhljóma takti og loks er liðin vetrarþraut. Sumardagurinn er einnig þekktur sem barnadagurinn. Í þéttbýlinu gerði fólk sér dagamun og klæddist sparifötum. -
Mikil umferð um Akureyrarflugvöll s.l. daga
Mikil umferð hefur verið um Akureyrarflugvöll síðustu daga áætlunarflug, sjúkraflug, einkaþotur og töluverð þyrluumferð. -
Eik fasteignafélag vill byggja við Gleráreyrar
Á fundi skipulagsráðs Akureyrarbæjar í gær var tekin til umræðu tillaga frá Kollgátu, sem Ingólfur Guðmundsson og Andrea Sif Hilmarsdóttir kynntu f.h hönd Eikar fasteignafélags um uppbyggingu á lóðum 2-8 við Gleráreyrar og svæðis vestan þeirra. -
Sólarhringssund hjá Óðinskrökkum
Hið árlega sólarhringssund iðkenda í Óðni stendur nú sem hæst. Einn sundamaður syndir í einu og er þetta því nokkurs konar boðsund. -
Fékk ekki að lækka gjaldskrárhækkanir Orkuveitu Húsavíkur
Á fundi stjórnar Orkuveitu Húsavíkur í vikunni var tekin fyrir tillaga Valdimars Halldórssonar, varaformanns þess efnis að dregið yrði úr fyrirhuguðum gjaldskrárhækkunum en Valdimar taldi næga innistæðu fyrir hendi til að lækka umrædda hækkun -
Banaslys í Eyjafjarðarsveit
Alvarlegt umferðarslys varð á Eyjafjarðabraut eystri , skammt norðan við Laugaland skömmu eftir kl. 13:00 í dag. Þarna hafði bíll lent út af og voru tveir aðilar sem í honum voru úrskurðaðir látnir á vettvangi. Lögreglan á Norðurlandi eystra fer með rannsókn málsins og er hún á frumstigi og ekki frekari upplýsingar að hafa að sinni. -
Umferðarslys á Eyjafjarðarbraut eystri
Alvarlegt umferðarslys varð á Eyjafjarðabraut eystri , skammt norðan við Laugaland skömmu eftir kl. 13:00 í dag. Þarna hafði bíll lent út af og í honum voru tveir aðilar. Rannsókn á tildrögum slyssins stendur yfir á vettvangi og getur lögreglan ekki veitt frekari upplýsingar á þessu stigi málsins. -
Kirkjutröppurnar og gangstétt í Listagilinu
Framkvæmdir við kirkjutröppurnar eru hafnar að nýju eftir talsvert hlé og er búið að byggja yfir neðsta hluta trappanna, en þar er verið að vinna í húsnæði sem er undir tröppunum. Að því loknu verður hægt að hefja vinnu við sjálfar kirkjutröppurnar, þeirri vinnu hefur seinkað m.a. sökum þess að erfiðlega gekk að fá verktaka í verkefnið og það var umfangsmeira en var ráð fyrir gert. -
Hefur allt sem þarf
Fyrstu kynni mín af Höllu Tómasdóttur voru í tengslum við vinnustað þar sem hún kom einn dag og ræddi við hópinn. Þessi dagur breytti svolítið lífi mínu því þarna uppgötvaði ég í raun hvernig ég get tekið stjórn á eigin lífi. Halla varpaði á skjá mynd af vatnsglasi sem í var vökvi um það bil að miðju glasi. Hún talaði um viðhorf okkar og hvernig við tökumst á við það sem lífið færir okkur.
Athugasemdir