270 milljóna króna samningur við tyrkneska skipasmíðastöð
Nortek ehf. hefur gert 270 milljóna samning við tyrknesku skipasmíðastöðina Celiktrans í Suður-Istanbúl. Samningurinn felur í sér að Nortek hannar og setur upp öryggis- og tæknibúnað ásamt fullbúnu gagnaveri í þrjá ísfisktogara sem skipasmíðastöðin er með í smíðum fyrir HB Granda. Skemmst er að minnast samnings sem Nortek gerði á dögunum um samskonar verkefni í 4 skip, fyrir Samherja, Útgerðarfélag Akureyrar og Fisk Seafood á Sauðárkróki.
Það var stærsti einstaki samningurinn sem Nortek hefur gert frá upphafi og nam verðmæti hans 350 milljónum króna. Þessir tveir samningar munu skapa fjölda hátæknistarfa á Íslandi og í Noregi en fyrirtækið mun þurfa að fjölga tæknimenntuðu starfsfólki vegna samninganna. Nortek leggur áherslu á að bjóða heildar öryggistæknilausnir fyrir fyrirtækin í landinu og hefur fyrirtækið sérhæft sig í og verið leiðandi í öryggistækni, nú seinni árin með sérstaka áherslu á öryggis-, upplýsinga- og vöktunarkerfi fyrir útgerðina.
,,Samningarnir tveir eru sterkar grunn stoðir fyrir fyrirtækið og tryggja rekstur Nortek næstu tvö árin. Samningarnir færa einnig systurfyrirtæki Nortek, Nordata umtalsverð verkefni og tekjur. Við erum mjög þakklát þessum útgerðarfyrirtækjum sem hafa hafa gefið okkur kost á að fara í þessa vegferð með þeim. Með samningnum tryggja íslensku útgerðarfyrirtækin sér búnað í hæsta gæðaflokki og þjónustu við hann hér heima en Nortek bæði selur og þjónustar búnaðinn, segir Guðrún Ýrr Tómasdóttir, markaðsstjóri Nortek.
Ný hugsun í lausnum
,,Við erum mjög stolt af því að þær nýjungar sem eru hér á ferð passa beint inn í kjarnastarfsemi fyrirtækisins. Fengum við erlenda framleidendur til liðs við okkur í vöruþróuninni sem er einstök á heimsvísu. Við settum inn nýja hugsun í brunakerfið, myndeftirlitið, varaaflið, vöktunarkerfið , slökkvikerfið og tölvusalina. Eitt af markmiðunum var að fækka skjám í brú en bæta jafnframt yfirsýn skipsstjórans með öllum kerfum skipsins, passa að allar viðvaranir komi skýrt fram og auka rekstraröryggi skipsins. Skipstjórinn fær myndir á skjáina sem gera honum kleift að stjórna og velja hagstæðustu og bestu lausnina við rekstur á skipinu. segir Guðrún.
Skipstjórinn velur hagstæðustu lausnina
Í vöktunarkerfinu sér skipstjórinn legu skipsins myndrænt, halla þess og hversu djúpt það ristir. Olíueyðsla og raforkunotkun sést einnig í rauntíma, allar upplýsingar og viðvaranir skráðar, ásamt því að siglingaljósum og ljósum á dekki er stjórnað frá skjánum. Undirmyndir í vöktunarkerfinu sýna olíubyrgðir, raforkuframleiðslu og raforkunotkun svo eitthvað sé nefnt. Búnaður verður til þess að útgerðirnar hagræða með sparnaði í olíu auk þess sem mengun verður minni. Einnig er haldið utan um allar viðvaranir í skipinu, þær skráðar á aðgengilegan máta og á einfaldan máta er hægt að draga upplýsingar frá helstu kerfum skipsins til þess að ná niður kostnaði og gera störf skipsstjórnarmanna og vélstjórnarmanna öruggari og þægilegri.
Nýjast
-
Eyjafjarðarsveit - Katta- og hundahald
Nú er varptíminn í algleymingi og vert að minna á 15. gr. samþykktar um hunda og kattahald, en þar segir: „Eigendum og forráðamönnum katta ber að taka tillit til fuglalífs á varptíma, t.d. með því að takmarka útiveru þeirra og eftir atvikum hengja á þá bjöllu.” -
Akureyrarbær óskar eftir þátttakendum á Stórþing eldri borgara
Stórþing eldri borgara verður haldið í Menningarhúsinu Hofi á Akureyri föstudaginn 30. maí. Markmið þingsins er að kanna viðhorf einstaklinga 60 ára og eldri til þjónustu Akureyrarbæjar og safna hugmyndum að áframhaldandi þróun þjónustunnar. -
Húsfriðunarsjóður Akureyrar Aðalstræti 54 og 54a fá viðurkenningu
Húsin við Aðalstræti 54 og 54a, og eigendur þeirra, hlutu viðurkenningu Húsverndarsjóðs Akureyrar árið 2025 fyrir viðgerðir á síðustu árum sem gerðar hafa verið í góðu samræmi við aldur og gerð húsanna. -
Bærinn getur ekki aðstoðað
Bæjarráð Akureyrar getur ekki orðið við erindi frá gönguhópnum Club 1010. Hópurinn skoraði á Akureyrarbæ að aðstoða Félag eldri borgara á Akureyri um kaup á húsnæði við Hólabraut þar sem áður var ÁTVR fyrir starfsemi félagsins. Húsnæðið er við Hólabraut. Starfsemi Vínbúðarinnar var flutt á Norðurtorg en til stendur að selja húsið við Hólabraut. -
Hagnaður af rekstri Sparisjóðs Þingeyinga 179 milljónir króna
Aðalfundur Sparisjóðs Þingeyinga var haldinn 28. apríl s.l. á Fosshótel Húsavík. Rekstur Sparisjóðsins gekk vel á síðasta ári, hagnaður af starfseminni var 226 milljónir króna fyrir skatta og hagnaður eftir skatta var 179 milljónir króna. Um síðustu áramót voru heildareignir sparisjóðsins 14,7 milljarðar króna og hafa aukist um 1.553 milljónir á milli ára. Innlán voru á sama tíma um 12,8 milljarðar. Eigið fé sparisjóðsins var 1,5 milljarður í árslok og lausafjárstaða er sterk. -
Langþráður skeljasandur skilar sér til hafnar.
Skollans langri bið eftir skeljasandi lokið. 1250 tonnum landað í s.l. viku á Dalvík og Krossanesi og farmi ekið til 24 bænda til kölkunar við jarðvinnslu eða á tún. Auk þess fengu bændur í S-Þing. rúm 900 tonn og 340 tonn eru á leið til Reyðarfjarðar sem fer upp á Hérað. Mikilvægt er til að tryggja góð vaxtarskilyrði plantna með réttu sýrustigi jarðvegs þar sem ódýrasta leiðin er að nota skeljasand til kölkunar. -
Heitaloftsþurrkun fiskafurða á Laugum Starfsleyfi framlengt til 15. nóvember
Starfsleyfi Samherja fyrir heitaloftsþurrkun fiskafurða á Laugum í Reykjadal verður framlengt um 6 mánuði og gildir til 15. nóvember næstkomandi. Heilbrigðisnefnd Norðurlands hefur samþykkt framlengt starfsleyfi. -
Grófin fær styrk
Grófin Geðrækt á Akureyri hefur fengið styrk frá Rafiðnaðarsambandi Íslands upp á 500 þúsund krónur. -
Umgengni afleit og ásýnd verulegt lýti í umhverfinu
„Það er búið að ganga frá deiliskipulagi og framkvæmdaleyfi vegna geymslusvæðis liggur sömuleiðis fyrir. Því ætti ekkert að vera því að vanbúnaði hefja framkvæmdir við geymslusvæði og flytja þá hluti sem hafa varðveislugildi inn á svæðið í framhaldi af því,“ segir Leifur Þorkelsson framkvæmdastjóri Heilbrigðiseftirlits Norðurlands um ástand mála hjá fyrirtækinu Skútabergi á Moldhaugnahálsi.
