„Við sátum stjarfir undir lestrinum“
Ingólfur Sverrisson skrifar Þanka gamals Eyrarpúka
Á æskuárum mínum á Akureyri var kristilegt starf fyrir börn og unglinga með töluverðum blóma. Nægir að nefna: Hjálpræðisherinn, KFUM- og K, Hvítasunnusöfnuðinn, Sjónarhæðarsöfnuðinn, kaþólskan söfnuð og svo Akureyrarkirkjuna sjálfa með séra Pétur Sigurgeirsson í stafni.
Útrás fyrir unga fólkið
Fljótt eftir að hann kom norður stofnaði hann Æskulýðsfélag Akureyrarkirkju fyrir þau börn sem voru fermd. Fram að fermingu gátu þau sótt hinn vinsæla Sunnudagaskóla þar sem gleðin ríkti en hún er andstæða hins svonefnda guðsótta sem enginn tók sér í munn enda ekkert að óttast. Bara vera góð og glöð því við vorum viss um að Jesús væri besti vinur barnanna.
Séra Pétur skynjaði fljótt að unga fólkið í Æskulýðsfélaginu þurfti að fá útrás fyrir krafta sína og hreyfiþörf. Þess vegna voru smíðaðir forláta róðrarbátar sem voru í eigu félagsins í nokkur ár. Þar voru mörg hraustleg áratökin tekin og mátti tíðum sjá róðrarbátana þjóta um Pollinn með hrópum þeirra og hvatningu sem sátu í skut.
Framhaldssagan vinsæl
KFUM- og K voru með sínar barnasamkomur í Zíon efst í Gránufélagsgötu. Þar stjórnaði söngkennarinn góði, Björgvin Jörgensson, öllu hjá okkur strákunum við miklar vinsældir. Hámarki náði hver samkoma þegar hann las framhaldssöguna um Sölva eftir séra Friðrik Friðriksson. Við sátum stjarfir undir lestrinum enda sagan skemmtileg og ekki spillti frábær lestur Björgvins.
Hefur þú fundið krist?
Stundum sáum við fólkið frá Hjálpræðishernum syngja af hjartans lyst á Ráðhústorgi og boða fagnaðarerindið af mikilli sannfæringu. Svo var það einu hverju sinni að við þrír elstu bræðurnir, ásamt Jonna frænda okkar, vorum á leið í bíó og sáum krakka streyma inn í húsið þeirra við Strandgötu. Þar sem við vorum ekki í tímanauð ákváðum við að fara inn og hlusta á söng og hljóðfæraslátt. Þegar við vorum sestir kom ein herkonan til okkar og spurði ljúflega hvort við hefðum fundið Jesús.
Höddi bróðir áttaði sig ekki alveg á hvað hún var að fara og spurði stundarhátt á móti: „Nú er hann týndur?” Við það þykknaði í konunni og hún bað okkur að fara út hið snarasta.
Þannig lauk þeirri hersamkomu heldur snautlega og við örkuðum beint til Stjána í Nýja bíó. Hann tók okkur fagnandi en við þurftum að beita mikilli kænsku til að sannfæra hann um að við værum töluvert eldri en við raunverulega vorum því mynd dagsins var bönnuð innan tólf ára. Frá þeim vélabrögðum verður ekki greint hér enda átti þetta að vera þanki í kristilegum anda.
Öflugt kristilegt æskulýðsstarf
Í Lundargötunni var Hvítasunnusöfnuðurinn undir stjórn heiðursmannsins Jóhanns Pálssonar sem vann á daginn við það þjóðþrifaverk að halda skolpræsum bæjarins í góðu lagi. Sagt var að barnasamkomur þar hafi verið vinsælar og ekkert skort á trúarsannfæringuna.
Á Sjónarhæð, norðan Samkomuhússins, var líflegt barna- og unglingastarf undir traustri stjórn Arthurs Gook sem kenndi Akureyringum auk þess fótbolta fyrstur manna og rak fyrstu útvarpsstöðina fyrir daga Ríkisútvarpsins. Til forna hefði slíkur maður trúlega verið sagður ekki einhamur.
Af þessari litlu frásögn að dæma er ljóst að kristilegt æskulýðsstarf var öflugt á Akureyri á árum áður og ekki því um að kenna ef eitthvað skortir á kristnihald í bænum í dag.
Ingólfur Sverrisson
Nýjast
-
Hætt við að hætta við
Bæjarráð Akureyrar hefur fallið frá tillögu sem fram kom um að halda ekki Listasumar á Akureyri að þessu sumri. Tillagan snérist um að í tilraunaskyni yrði ekki Listasumar í ár en fjárveiting sem ætluð væri til hátíðarinnar rynni þess í stað til Akureyrarvöku. -
Akureyri - Nauðsynlegt að fjölga í lögreglunni
„Þrátt fyrir fjölgun íbúa og gríðarlega fjölgun ferðamanna hefur verið bent á að jafn margir lögreglumenn sinni útkalli á Akureyri og nágrenni og var árið 1980, við því sé nauðsynlegt að bregðast og fjölga lögreglumönnum,“ segir í bókun bæjarstjórnar Akureyrar -
Bergið Headspace, ráðgjafasetur fyrir ungt fólk á Akureyri
„Starfsemin fer vel af stað hjá okkur og ljóst að þörf er fyrir þessa þjónustu,“ segir Erla Lind Friðriksdóttir ráðgjafi Bergsins á Akureyri, en Bergið Headspace er ráðgjafasetur fyrir ungt fólk á aldrinum 12 til 25 ára. Bergið var stofnað árið 2019 og hefur verið starfandi síðan á höfuðborgarsvæðinu. Starfsemin hófst á Akureyri í byrjun þessa mánaðar og er staðsett í Íþróttahöllinni á Akureyri, í sama húsnæði og Virkið. -
Fór að hekla á meðan hann var fótbrotinn
„Þetta var skemmtilegt verkefni og veitt mér mikla gleði,“ segir Kormákur Rögnvaldsson hársnyrtinemi sem dundaði sér við það að hekla heilmikið dúlluteppi, með 187 dúllum, 10X10 að stærð hver. Ástæða þess að hann hóf að hekla teppið var sú að hann fótbrotnaði og þegar fóturinn þarf hvíld er best að nýta hendurnar til að gera eitthvað uppbyggilegt á meðan brotið grær. -
Hreyfiglöð handboltakempa og lektor í lífeðlisfræði
Vísindafólkið okkar er mánaðarleg kynning á vísindafólkinu okkar. Vísindamanneskjan í apríl er Nanna Ýr Arnardóttir, lektor í lífeðlisfræði við Hjúkrunarfræðideild. Nanna Ýr hefur ofurtrú á hreyfingu sem forvörn hverskonar og hefur með það að leiðarljósi aflað sér yfirgripsmikillar þekkingar á því sviði. -
Rekstur Norðurorku skilaði 629 milljón króna hagnaði
Rekstur Norðurorku gekk vel á liðnu ári. Ársvelta samstæðunnar var 5 milljarðar króna. Hagnaður ársins var 629 milljónir króna eftir skatta, eigið fé er 10 milljarðar króna. Á aðalfundi félagsins fyrr í vikunni var ákveðið að ekki verði greiddur arður af hlutafé. Samstæðureikningur samanstendur af rekstri Norðurorku og dótturfélagsins Fallorku ehf. auk áhrifa frá hlutdeildarfélögunum Tengir hf. og NORAK ehf. -
Árangursrík sýning í Barcelona:
Sýningin tókst frábærlega. Það var stríður straumur gesta í básinn til okkar alla sýningardagana og mikill áhugi á okkar þjónustu og tæknilausnum," segir Hilmar Guðmundsson, sölu- og markaðsstjóri Slippsins Akureyri, um þátttöku fyrirtækisins í sjávarútvegssýningunni Seafood Expo Global í Barcelona á Spáni. Sýningin stóð í þrjá daga og lauk síðdegis í gær. -
Skemmdarverk unnin á rútum.
Hún var ekki skemmtileg aðkoma sem blasti við Jónasi Þór Karlssyni eigenda Sýsla Travel þegar hann kom, síðdegis í gær, til að líta til með bílakosti fyrirtækis hans sem staðsettar eru á nýju bílastæði við Laufásgötu 4 á Akureyri. Einhverjir lítt vandaðir höfðu farið um og brotið glugga í rútum Jónasar. Gluggar í svona bílum er sterkir svo nokkur fyrirhöfn hefur verið við að vinna þessi óskiljanlegu skemmdarverk. -
Ársfundur SSNE Skorar á stjórnvöld að tryggja nægt fé til löggæslu
„Lögreglan á Norðurlandi þarf að hafa þann styrk sem nauðsynlegur er ef upp koma alvarlegri mál í því skyni að geta sinnt hlutverki sínu og tryggt öryggi borgaranna,“ segir í ályktun sem samþykkt var á ársþingi SSNE sem haldið var í Þingeyjarsveit nýverið. Skorað var á stjórnvöld að tryggja nú þegar nauðsynleg fjárframlög til málaflokksins.
Athugasemdir