Þitt álit skiptir máli
Við bjóðum þér að hitta frambjóðendur Sjálfstæðsflokksins til að ræða málefni sveitarfélagsins, árangur á kjörtímabilinu sem senn lýkur og hvað sem þér liggur á hjarta um hvernig við getum bætt samfélagið í sameiningu. Við erum með opið hús í Nausti (húsnæði Björgunarsveitarinnar Garðars) á Húsavík alla laugardaga kl. 10:30-12:00. Þar gefst tækifæri til að hitta frambjóðendur Sjálfstæðisfélaganna í Norðurþingi í komandi sveitarstjórnarkosningum.
Frambjóðendur
Meðalaldur frambjóðenda Sjálfstæðisflokksins í Norðurþingi er 41,5 ár. Það eru meiri lýkur á að frambjóðandinn sé fæddur að vori og búi í þéttbýli. Við erum þó langt frá því að vera einsleitur hópur. Yngsti frambjóðandinn verður 29 ára á árinu og rekur eigið fyrirtæki og sá elsti 94 ára og stundaði farsælan rekstur eigin fyrirtækis í áratugi. Hópurinn býr yfir fjölbreyttri reynslu úr atvinnulífinu, af rekstri eigin fyrirtækja, störfum hjá einkaaðilum sem og í opinberri þjónustu.
Framboð Sjálfstæðisflokksins fyrir komandi kosningar skipar fólk sem hefur reynslu af því að starfa í nefndum sveitarfélagsins. Af sex efstu sem skipa listann hafa fimm verið fulltrúar í sveitarstjórn á yfirstandandi kjörtímabili, ýmist allt kjörtímabilið eða til skemmri tíma. Þá hafa sjö af tíu efstu frambjóðendum listans verið í fastanefndum sveitarfélagsins eða stjórn Orkuveitu Húsavíkur og flokkurinn átt formann byggðarráðs, fjölskylduráðs og stjórnar Orkuveitunnar á kjörtímabilinu auk varaformanns skipulags- og framkvæmdaráðs.
Úr stefnuskrá
Fyrir síðustu kosningar setti Sjálfstæðisflokkur fram afar metnaðarfulla stefnuskrá. Stór hluti hennar rataði í málefnasamning meirihluta sveitarstjórnar. Flest af því hefur þegar komist til framkvæmda eða er í farvegi. Þar má meðal annars nefna:
• að öllum börnum stendur til boða hafragrautur og ávaxtastund í grunnskólum sveitarfélagsins,
• bygginu íbúðakjarna fyrir fatlaða er lokið,
• fasteignaskattur á íbúðarhúsnæði hefur verið lækkaður úr 0,575% í 0,45%,
• frístundastyrkir barna hafa verið hækkaðir úr 6.000 kr. í 17.500 kr.,
• þjónusta dráttarbáts við Húsavíkurhöfn var tryggð,
• verkefnunum Raufarhöfn og framtíðin og Öxarfjörður í sókn var fylgt eftir með ráðningu starfsmanna eftir að verkefnunum lauk formlega.
Rekstur
Rekstur sveitarfélagsins hefur gengið nokkuð vel á kjörtímabilinu í þeim áskorunum sem fylgdu COVID-19. Skuldaviðmið A og B hluta hefur lækkað úr 94% í 77% , langtímaskuldbindingar sveitarfélagsins við lánastofnanir hafa verið greiddar niður um 600 mkr. og vaxtagjöld hafa lækkað úr 78 mkr. á ári í 56 mkr. á sama tíma og fjárfest hefur verið fyrir tæplega 1.8 milljarða kr. samtals í A og B-hluta.
Framtíðin
Handan kosninga bíða ótal verkefni kjörinna fulltrúa. Þó nokkur eru farin af stað og þarf að fylgja eftir til enda eins og nýrri aðstöðu frístundar og félagsmiðstöðvar barna og unglinga og uppbyggingu grænna iðngarða á Bakka. Á meðan öðrum verður ýtt úr vör, eins og hvert verður hlutverk Hvamms þegar nýtt hjúkrunarheimili verður tekið í notkun og hvernig verður uppbyggingu fiskeldis á Kópaskeri og í Öxarfirði best fylgt eftir.
Þessa dagana vinna frambjóðendur að stefnuskrá framboðsins. Okkur langar að heyra frá íbúum hvað brennur á þeim fyrir komandi kostningar því álit þitt skiptir okkur máli.
Endilega kíktu í kaffi!
Hafrún Olgeirsdóttir, 1. sæti á lista Sjálfstæðiflokksins í Norðurþingi.
Helena Eydís Ingólfsdóttir, 2. sæti á lista Sjálfstæðisflokksins í Norðurþingi.
Nýjast
-
Banaslys í Eyjafjarðarsveit
Alvarlegt umferðarslys varð á Eyjafjarðabraut eystri , skammt norðan við Laugaland skömmu eftir kl. 13:00 í dag. Þarna hafði bíll lent út af og voru tveir aðilar sem í honum voru úrskurðaðir látnir á vettvangi. Lögreglan á Norðurlandi eystra fer með rannsókn málsins og er hún á frumstigi og ekki frekari upplýsingar að hafa að sinni. -
Umferðarslys á Eyjafjarðarbraut eystri
Alvarlegt umferðarslys varð á Eyjafjarðabraut eystri , skammt norðan við Laugaland skömmu eftir kl. 13:00 í dag. Þarna hafði bíll lent út af og í honum voru tveir aðilar. Rannsókn á tildrögum slyssins stendur yfir á vettvangi og getur lögreglan ekki veitt frekari upplýsingar á þessu stigi málsins. -
Kirkjutröppurnar og gangstétt í Listagilinu
Framkvæmdir við kirkjutröppurnar eru hafnar að nýju eftir talsvert hlé og er búið að byggja yfir neðsta hluta trappanna, en þar er verið að vinna í húsnæði sem er undir tröppunum. Að því loknu verður hægt að hefja vinnu við sjálfar kirkjutröppurnar, þeirri vinnu hefur seinkað m.a. sökum þess að erfiðlega gekk að fá verktaka í verkefnið og það var umfangsmeira en var ráð fyrir gert. -
Hefur allt sem þarf
Fyrstu kynni mín af Höllu Tómasdóttur voru í tengslum við vinnustað þar sem hún kom einn dag og ræddi við hópinn. Þessi dagur breytti svolítið lífi mínu því þarna uppgötvaði ég í raun hvernig ég get tekið stjórn á eigin lífi. Halla varpaði á skjá mynd af vatnsglasi sem í var vökvi um það bil að miðju glasi. Hún talaði um viðhorf okkar og hvernig við tökumst á við það sem lífið færir okkur. -
Söngveisla í Glerárkirkju á sumardaginn fyrsta
Tíunda kóramót eldri borgara á Norðurlandi fer fram á morgun sumardaginn fyrsta. Fyrsta kóramót eldri borgara var haldið á Húsavík á lokadaginn 11 maí 2002 með þátttöku fimm kóra sem komu frá Húsavík, Akureyri, Dalvík, og Hrísey, Siglufirði og Skagafirði. -
Samherji og Ice Fresh Seafood á stærstu sjávarútvegssýningu heims
Alþjóðlega sjávarútvegssýningin Seafood Expo Global í Barcelona á Spáni opnaði í gær, 23. apríl. Sýningin er sú stærsta sinnar tegundar í heiminum á sviði veiða, vinnslu og sölu sjávarafurða. Samherji og Ice Fresh Seafood eru að venju með stóran og vel útbúinn bás, þar sem tekið er á móti gestum frá öllum heimshlutum og afurðir kynntar. Ice Fresh Seafood sér um að selja afurðir Samherja og fleiri fyrirtækja. -
Himinhátt innanlandsflug
Í samtölum mínum við fólk af landsbyggðinni um samgöngur og flug heyrist sífellt háværari umræða um hækkandi verð á flugferðum innanlands. Íbúum landsbyggðarinnar er orðið tíðrætt um að ekki fyrir svo löngu hafi það frekar borgað sig að keyra milli Akureyrar og Reykjavíkur ef þrír voru í bílnum. Í dag þurfi ekki einu sinni að hugsa sig um hvort eigi að keyra eða fljúga, jafnvel þó að Loftbrúin sé notuð og einungis einn sé á ferð. Fólk grínast með að það sé ódýrara að millilenda í London á leið sinni til Reykjavíkur, en það er sorgleg staðreynd að það er ekkert grín. -
Sumardagurinn fyrsti í Sigurhæðum klukkan 13
Ferskustu listamennirnir í Pastel ritröð kynna verk sín:Nr. 37: Þorbjörg Þóroddsdóttir: Vögguvísuatómapar.Nr. 36: Egill Logi Jónasson: Hohner mér vel.Egill Logi aka Drengurinn fengurinn er tónlistar- og myndlistarmaður. Hann starfar á Akureyri og er hluti af listhópnum Kaktus.Þorbjörg Þóroddsdóttir er 19 ára ungskáld frá Akureyri. Hún varð stúdent frá MA í fyrra, stundaði nám við lýðháskóla á Jótlandi í haust og vinnur nú á leikskóla. Hún hefur unnið til þrennra verðlauna í ritlistarsamkeppni Ungskálda. -
Dr. Áslaug Ásgeirsdóttir skipuð rektor Háskólans á Akureyri
Dr. Áslaug Ásgeirsdóttir hefur verið skipuð sem rektor Háskólans á Akureyri frá og með 1. júlí næstkomandi. Skipan Áslaugar er samkvæmt ákvörðun Háskólaráðs frá 2. apríl síðastliðnum um að tilnefna hana sem næsta rektor skólans. Háskóla-, iðnaðar- og nýsköpunarráðherra samþykkti tillöguna og tekur Áslaug við rektorsstöðunni 1. júlí næstkomandi. Alls bárust fimm umsóknir um embættið en skipað er til fimm ára.
Athugasemdir