Samantekt og niðurstöður umsagnar
Ragnar Sverrisson.
Ferð án fyrirheits
Samþykkt var í bæjarráði í júlí 2019 að endurskoða gildandi deiliskipulag miðbæjarins frá árinu 2014. Engin markmið voru tilgreind með þeirri endurskoðun nema það eitt að “skoða” meðal annars “hvort áfram eigi að miða við færslu Glerárgötu eða miða við núverandi legu hennar.” Annað var það ekki og greinilega lagt í ferð án fyrirheits.
Ekkert samráð við bæjarbúa
Starfshópur sem skipaður var í framhaldinu til að annast þessa endurskoðun vann að henni á annað ár en hafði ekkert samráð við bæjarbúa í vinnu sinni þrátt fyrir skýr tilmæli frá Skipulagsstofnun um að gera það í tilvikum eins og þessu. Hópurinn skilaði síðan áliti til bæjarstjórnar þar sem boðaðar voru víðtækar breytingar á gildandi miðbæjarskipulagi. Bæjarstjórn leitaði heldur ekki umsagna bæjarbúa á breytingatillögunum áður en hún gerði þær að sínum og kynnti í desember árið 2020. Almenningi var veittur frestur til fyrstu viðbragða til 6. janúar 2021.
Engin svör - engar upplýsingar
Þrátt fyrir ítrekaðar fyrirspurnir á opinberum vettvangi eða á skrifstofum bæjarins fékkst enginn rökstuðningur frá bæjaryfirvöldum fyrir viðamestu breytingunum sem lagðar voru til. Ýmist var slíkum óskum mætt með grafarþögn eða vísað til þess að viðkomandi gæti lagt fram skriflegar athugasemdir við breytingarnar fyrir 21.03.21.
Vonlaust að taka upplýsta afstöðu
Þessi tregða kom einna skýrast fram í því að ekki var viðlit að fá fram rökstuðning eða réttlætingu fyrir breytingu á Glerárgötunni fyrir vestan Hof. Þannig var bókstaflega komið í veg fyrir að almenningur í bænum gæti mótað sér upplýsta afstöðu á þessum skipulagslega holskurði.
Leyndarhyggja leidd til öndvegis
Af þessu má ljóst vera að bæjaryfirvöld geta ekki vænst þess að fá eðlileg og upplýst viðbrögð frá bæjarbúum við breytingatillögum sínum. Grunn-upplýsingar liggja ekki fyrir, engar umræður hafa farið fram með bæjarbúum og málið allt í gíslingu bæjaryfirvalda. Leyndarhyggjan var þar með leidd til öndvegis.
Gjörbreytt vinnubrögð
Þetta var mikil breyting miðað við verklagið lengst af í þessu langa skipu-lagsferli þegar bæjarbúar voru virkir í stefnumótun og ræddu skipulagsmál miðbæjarins af miklum ákafa og höfðu þá sannarlega raunveruleg áhrif á þróun þessa mikilvæga málaflokks. Við lok þess farsæla ferlis var komist að sam-eiginlegri niðurstöðu árið 2014 sem nú er gildandi deiliskipulag miðbæjarins.
Bæjarbúar báðu ekki um þetta
En þá ákvað núverandi bæjarstjórn, frekar en að hefjast handa um að framkvæma fyrirliggjandi skipulag, að hræra í því án þess að nokkur ósk hafi komið fram um það frá bæjarbúum. Raunar með öllu hulið hver bað um þessa óláns endurskoðun deiliskipulags miðbæjarins frá 2014.
Taki aftur upp farsæl vinnubrögð
Þegar svona er komið í þessu mikilvæga málefni sýnist sá kostur vænstur að fresta afgreiðslu þess í bæjarstjórn. Bíða eftir að Covid-19 gangi yfir og taka málið eftir það upp á ný og þá í góðri samvinnu og sátt við bæjarbúa eins og gert var með góðum árangri við undirbúning og afgreiðslu gildandi miðbæjarskipulags.
Núverandi skipulag ljómandi gott
Margt bendir til að sú vinna muni leiða í ljós að núgildandi skipulag miðbæjarins sé ljómandi gott enda er það afrakstur lýræðislegra starfshátta, farsællrar aðkomu hæfileikaríks fagfólks og málamiðlana ólíkra sjónarmiða. Eftir sem áður þarf auðvitað að útfæra ýmislegt í því þegar til framkvæmda kemur. Þá skiptir mestu að þróa og bæta það sem búið er að ákveða í stað þess að rífa niður og skemma.
Töfin á reikning bæjarstjórnar
Sökina á töfum við að byggja miðbæinn samkvæmt gildandi skipulagi verður bæjarstjórnin hins vegar að axla ein. Í þeim efnum er ekki við aðra að sakast. Nánar í Facebook hópnum "Miðbærinn okkar".
-Ragnar Sverrisson, kaupmaður
Nýjast
-
Mikil aukning á hótunum og beitingu á ofbeldi gagnvart lögreglu á Norðurlandi eystra.
,,Það er ljóst að það að hér er um grafalvarlega stöðu að ræða. Svar dómsmálaráðherra við fyrirspurninni sýnir okkur að þróunin á starfssvæði lögreglustjórans á Norðurlandi eystra er með þeim hætti að það er nauðsynlegt að bregðast við. Það er mikilvægt að greina þessa stöðu. Hver er ástæðan fyrir þessari miklu fjölgun á brotum gegn lögreglumönnum og opinberum starfsmönnum á þessu landsvæði það er Norðurlandi eystra“ segir Njáll Trausti Friðbertsson þingmaður og oddviti Sjálfstæðisflokksins í Norðausturkjördæmi. -
Boðskapur frá forsetaframbjóðanda
Það hafa kannski margir klórað sér í hausnum yfir þátttöku minni í forsetakosningunum þar sem ég stíg nú eins og landkönnuður á nýjum slóðum og tek með mér ný og fersk sjónarhorn, smá húmor og djúpstæða trú á mátt hins ómögulega. Ég er eflaust ekki hinn hefðbundni frambjóðandi en ég er án efa ferskur blær inn í flokk frambjóðenda og það er einmitt það sem gerir þetta stóra verkefni svo skemmtilegt og hvetjandi. -
Líf að færast í Holtahverfi
Líf er að færast í nýtt Holtahverfi norður, svæði á milli Krossanesbrautar og smábátahafnar í Sandgerðisbót. Húsin rísa hvert á fætur öðru og fyrstu íbúarnir hafa komið sér fyrir í nýjum íbúðum. Enn er eitthvað eftir af lóðum og er Akureyrarbær um þessar mundir að auglýsa par- og raðhúsalóðir lausar til úthlutunar, en m.a. eru nokkrar lóðir lausar við Álfaholt, Hulduholt og Þursaholt. -
Frú Ragnheiður - Færri í nálaskiptaþjónustu en fleiri komu í bílinn
Fjöldi einstaklinga sem leitaði til Frú Ragnheiðar árið 2023 var 51 í 584 heimsóknum en árið 2022 voru einstaklingarnir 46 í 412 heimsóknum. Af þessum fjölda voru 10 viðbragðsaðilar og einstaklingar sem leituðu til verkefnisins til að fá Nyxoid nefúðann. Ekki er því um fjölgun skjólstæðinga í nálaskiptaþjónustu að ræða en þeim fækkaði um fimm milli ára, úr 46 í 41. -
Götuhornið - Gamlingi á villigötum
Mig hefur lengi langað til að senda bréf til Götuhornsins. Mér hefur legið ýmislegt á hjarta og fannst það eiga fullt erindi til lesenda. Þetta hefur þó ekki getað orðið fyrr en nú vegna vandræða sem ég lenti í og þurfti að greiða úr. -
Fyrsta alþjóðlega hótelið á landsbyggðinni mun opna á Akureyri árið 2025
Fyrirhugað er að fyrsta alþjóðlega hótelið á landsbyggðinni mun opna á Akureyri 2025 undir merkjum Curio Collection by Hilton. Framkvæmdin verður í samvinnu við Bohemian Hotels. „Bohemian Hotels ehf., í samstarfi við Hilton, tilkynnir með stolti undirritun tímamótasamnings um byggingu og rekstur tveggja hágæða hótela á Íslandi. Þessir samningar marka ákveðin tímamót í hótelgeiranum á Íslandi og færa Akureyri gistingu og þægindi á heimsmælikvarða til jafns við Reykjavík" segir i tilkynningu frá Bohemian Hotels. -
Kuldatíð seinkar vorverkum
Talsverðar líkur er á að kal verði í túnum í Svarfaðardal en sennilega sleppa önnur svæði í héraðinu betur þó ekki sé það fullvíst. Kuldatíð seinkar vorverkum bænda og gæti í versta falli orðið til þess að spretta fari seinna af stað en vanalega, snjór er yfir öllum túnum og því ekki hægt að bera á. -
Goblin opnar á Glerártorgi
„Eins leitt og okkur þykir að yfirgefa fallega miðbæinn okkar, erum við afar spennt fyrir þessum flutningum og hlökkum til að bjóða viðskiptavini okkar velkomna á Glerártorgi,“ segja þau Þorsteinn Marinósson og Ásta Hrönn sem eiga Goblin. Starfsemin hefur verið við Brekkugötu undanfarin ár en flyst nú í rýmra húsnæði á Glerártorgi. -
Lystigarðurinn - Kostar meira að pissa
Gjald fyrir afnot af salernisaðstöðu í Lystigarðinum á Akureyri hækkar 1. maí næstkomandi, út 150 krónum eins og áður var í 300 krónur. Gjaldið verður endurskoðað við gerð gjaldskrár Umhverfis- og mannvirkjaráðs Akureyrarbæjar árlega.
Athugasemdir