Öryggi á netmiðlum og fræðsla um stafrænt kynferðisofbeldi
Alfa Jóhannsdóttir er forvarnarfulltrúi á þróunar- og alþjóðasviði hjá Sambandi íslenskra sveitarfélaga. Silja Rún Reynisdóttir er lögreglumaður og forvarnarfulltrúi hjá lögreglunni á Norðurlandi eystra.
Ríkislögreglustjóri vinnur nú að aðgerðum gegn stafrænu ofbeldi gagnvart börnum í samræmi við samkomulag þess efnis við ráðuneyti félags- og dómsmála.
Meðal verkefna er vitundarvakning og aukin fræðsla meðal ungmenna í grunnskóla um stafrænt ofbeldi og mikilvægi samþykkis í stafrænum og kynferðislegum samskiptum. Fræðslan er talin mikilvæg en ungmenni í dag alast að miklu leyti upp í stafrænum heimi þar sem samfélagsmiðlar spila stórt hlutverk í lífi flestra.
Rannsókn UNICEF frá árinu 2019 sýnir að rúmlega 16% barna hafa orðið fyrir líkamlegu eða kynferðislegu ofbeldi fyrir 18 ára aldur. Í 9.-10. bekk hafa 8% stúlkna og 4% drengja orðið fyrir kynferðisofbeldi af hálfu einstaklings sem er ekki orðinn fullorðinn og þegar horft er til stafræns ofbeldis þá kemur fram í könnun Fjölmiðlanefndar 2021 að 23,9% kvenna á aldrinum 15-17 ára hafa verið þvingaðar til myndsendinga og 17,9% hafa lent í myndbirtingu gegn vilja sínum.
Farin er af stað vinna sem felur í sér að lögreglumenn innan umdæma lögreglunnar á Norðurlandi eystra, lögreglunnar á höfuðborgarsvæðinu, lögreglunnar á Suðurlandi og lögreglunnar á Suðurnesjum, heimsækja skóla á þeirra svæðum og fræði nemendur í 8. bekk. Fræðslan er í formi myndbands þar sem fjallað er um stafrænt ofbeldi, afleiðingar þess og mögulegar fyrirbyggjandi aðgerðir. Nemendur munu einnig hitta lögreglumenn og fá þar tækifæri til að spjalla og spyrja spurninga.
Lögreglan mun einnig kynna nýja útgáfu af 112 appinu (smáforriti) og verða kennarar og nemendur hvattir til að hlaða því niður. Appinu er ætlað að gefa öllum en þá sérstaklega ungu fólki, tækifæri til að tilkynna atvik til neyðarvarða, en neyðarverðir munu síðan sjá um að koma tilkynningum áfram til barnaverndar, lögreglu eða eftir því sem við á í hverju tilviki fyrir sig. Tilgangurinn er að auðvelda aðgengi barna og ungmenna að aðstoð og viðeigandi úrræðum ef þau verða fyrir ofbeldi af einhverju tagi.
Fræðslan mun standa yfir á næstu vikum á norðurlandi eystra og hafa skólar á svæðinu tekið vel í fræðsluerindið. Að þessu sögðu vilja greinarhöfundar hvetja foreldra og forráðamenn til að ræða við börn og ungmenni um stafræna miðla, ábyrgð hvers og eins þegar kemur að notkun þeirra og stuðla þannig að öruggari samskiptum.
Silja Rún Reynisdóttir er lögreglumaður og forvarnarfulltrúi hjá lögreglunni á Norðurlandi eystra.
Alfa Jóhannsdóttir er forvarnarfulltrúi á þróunar- og alþjóðasviði hjá Sambandi íslenskra sveitarfélaga.
Nýjast
-
Mikil aukning á hótunum og beitingu á ofbeldi gagnvart lögreglu á Norðurlandi eystra.
,,Það er ljóst að það að hér er um grafalvarlega stöðu að ræða. Svar dómsmálaráðherra við fyrirspurninni sýnir okkur að þróunin á starfssvæði lögreglustjórans á Norðurlandi eystra er með þeim hætti að það er nauðsynlegt að bregðast við. Það er mikilvægt að greina þessa stöðu. Hver er ástæðan fyrir þessari miklu fjölgun á brotum gegn lögreglumönnum og opinberum starfsmönnum á þessu landsvæði það er Norðurlandi eystra“ segir Njáll Trausti Friðbertsson þingmaður og oddviti Sjálfstæðisflokksins í Norðausturkjördæmi. -
Boðskapur frá forsetaframbjóðanda
Það hafa kannski margir klórað sér í hausnum yfir þátttöku minni í forsetakosningunum þar sem ég stíg nú eins og landkönnuður á nýjum slóðum og tek með mér ný og fersk sjónarhorn, smá húmor og djúpstæða trú á mátt hins ómögulega. Ég er eflaust ekki hinn hefðbundni frambjóðandi en ég er án efa ferskur blær inn í flokk frambjóðenda og það er einmitt það sem gerir þetta stóra verkefni svo skemmtilegt og hvetjandi. -
Líf að færast í Holtahverfi
Líf er að færast í nýtt Holtahverfi norður, svæði á milli Krossanesbrautar og smábátahafnar í Sandgerðisbót. Húsin rísa hvert á fætur öðru og fyrstu íbúarnir hafa komið sér fyrir í nýjum íbúðum. Enn er eitthvað eftir af lóðum og er Akureyrarbær um þessar mundir að auglýsa par- og raðhúsalóðir lausar til úthlutunar, en m.a. eru nokkrar lóðir lausar við Álfaholt, Hulduholt og Þursaholt. -
Frú Ragnheiður - Færri í nálaskiptaþjónustu en fleiri komu í bílinn
Fjöldi einstaklinga sem leitaði til Frú Ragnheiðar árið 2023 var 51 í 584 heimsóknum en árið 2022 voru einstaklingarnir 46 í 412 heimsóknum. Af þessum fjölda voru 10 viðbragðsaðilar og einstaklingar sem leituðu til verkefnisins til að fá Nyxoid nefúðann. Ekki er því um fjölgun skjólstæðinga í nálaskiptaþjónustu að ræða en þeim fækkaði um fimm milli ára, úr 46 í 41. -
Götuhornið - Gamlingi á villigötum
Mig hefur lengi langað til að senda bréf til Götuhornsins. Mér hefur legið ýmislegt á hjarta og fannst það eiga fullt erindi til lesenda. Þetta hefur þó ekki getað orðið fyrr en nú vegna vandræða sem ég lenti í og þurfti að greiða úr. -
Fyrsta alþjóðlega hótelið á landsbyggðinni mun opna á Akureyri árið 2025
Fyrirhugað er að fyrsta alþjóðlega hótelið á landsbyggðinni mun opna á Akureyri 2025 undir merkjum Curio Collection by Hilton. Framkvæmdin verður í samvinnu við Bohemian Hotels. „Bohemian Hotels ehf., í samstarfi við Hilton, tilkynnir með stolti undirritun tímamótasamnings um byggingu og rekstur tveggja hágæða hótela á Íslandi. Þessir samningar marka ákveðin tímamót í hótelgeiranum á Íslandi og færa Akureyri gistingu og þægindi á heimsmælikvarða til jafns við Reykjavík" segir i tilkynningu frá Bohemian Hotels. -
Kuldatíð seinkar vorverkum
Talsverðar líkur er á að kal verði í túnum í Svarfaðardal en sennilega sleppa önnur svæði í héraðinu betur þó ekki sé það fullvíst. Kuldatíð seinkar vorverkum bænda og gæti í versta falli orðið til þess að spretta fari seinna af stað en vanalega, snjór er yfir öllum túnum og því ekki hægt að bera á. -
Goblin opnar á Glerártorgi
„Eins leitt og okkur þykir að yfirgefa fallega miðbæinn okkar, erum við afar spennt fyrir þessum flutningum og hlökkum til að bjóða viðskiptavini okkar velkomna á Glerártorgi,“ segja þau Þorsteinn Marinósson og Ásta Hrönn sem eiga Goblin. Starfsemin hefur verið við Brekkugötu undanfarin ár en flyst nú í rýmra húsnæði á Glerártorgi. -
Lystigarðurinn - Kostar meira að pissa
Gjald fyrir afnot af salernisaðstöðu í Lystigarðinum á Akureyri hækkar 1. maí næstkomandi, út 150 krónum eins og áður var í 300 krónur. Gjaldið verður endurskoðað við gerð gjaldskrár Umhverfis- og mannvirkjaráðs Akureyrarbæjar árlega.
Athugasemdir