„Meiri niðurlægingu gat enginn veiðimaður lent í“
Ingólfur Sverrisson skrifar Þanka gamals Eyrarpúka
Sjaldan birtist okkur Eyrarpúkum skýrar munurinn á gæfu og ógæfu en þegar einhver okkar dró fagran þorsk úr sjó á Sláturhúsbryggjunni á meðan annar fékk marhnút á öngul sinn. Meiri niðurlægingu gat enginn veiðimaður lent í enda marhnúturinn, að okkar dómi, afar ljótur fiskur, alsettur göddum með þykkar varir og stóran kjaft auk þess að vera sagður fullur af bandormum. Þegar maður lenti í þeirri ógæfu að landa slíku kvikindi var jafnan brugðið á það ráð að losa það hið snarasta af önglinum, taka utan um gellurnar, kreista þær þéttingsfast þannig að kjafturinn opnaðist upp á gátt og skyrpa vænum hráka ofan í marhnútinn með eftirfarandi orðum: „Farðu til fjandans” og henda marsanum svo aftur í sjóinn. Sama gerðum við þegar lítil þorskkóð veiddust en þá var sagt blíðlega við þau: „Sendu stóra bróður til okkar.”
Þannig leið tíminn giska fljótt á bryggjunni þar sem við dunduðum með færin okkar, öngla, sökkur og beitur og freistuðum gæfunnar þegar öllu var rennt sjóinn. Eins og í öðrum útgerðum fylgdi þessu stússi náttúrlega töluvert slor og annað drullumall en það var einasta til að auka á ánægjuna og lífsgleðina þarna á bryggjunni við botn Eyjafjarðar.
Það voru þó fleiri en við Eyrarpúkarnir að vasast á þessum slóðum því stundum voru breskir tundurduflaslæðarar bundnir þar við festar með sínar stóru fallbyssur og fjölmörgu hermenn. Þessir drekar voru hér við land til að aðstoða breska togara sem voru sagðir við veiðar úti um allan sjó hér við land og jafnvel alveg uppi í kartöflugörðum; sel það þó ekki dýrara en ég keypti. Stundum komu hermennirnir úr þessum skipum til okkar á bryggjunni og forvitnuðust um líf okkar veiðimanna og aflabrögð. Við tókum þeim jafnan vel enda þótt þeir væru slappir í íslenskunni og kunnu greinilega bara útlensku. Þar sem ég var að dorga á bryggjusporðinum var mér stundum litið til þessara hermanna sem voru oft berir að ofan í hinni rómuðu Akureyrarblíðu. Velti ykkar einlægur þá gjarnan fyrir sér hvar þeir hefðu verið í styrjöldinni sem þá var ný afstaðin. Skoðaði úr fjarlægð hvort gróin sár leyndust á líkömum þeirra eftir hildarleikinn ógurlega. En þessi rannsóknarvinna bar engan árangur, allir heilir og spengilegir ungir menn. Af því dró ég þá ályktun að hlutskipti þeirra hafi verið það sama og marhnútanna sem komu á færin okkar; þeir sluppu án frekari áfalla enda þótt ekki hafi litið vel út um tíma.
En hvort sem heppnin var með marhnútunum, okkur strákunum eða hermönnum Hennar hátignar var augljóst að heppni marhnútanna fólst í ófríðleik þeirra og fordómum okkar félaganna gagnvart þeim sem við töldum ljóta og óæta í þokkabót. Heppni hermannanna fólst þó miklu frekar í tilviljunum því í stríðsátökum er algjörlega undir hælinn lagt hvort menn verða fyrir sprengjum eða skotum. Lukku okkar Eyrarpúkanna mátti hins vegar rekja til þess að hafa fæðst á þeim stað á Jörðinni þar sem ævintýrin gerast, frelsið í hávegum haft og sjálfsbjargarviðleitninni lítil takmörk sett. Þess vegna undum við jafnan glaðir og kátir við okkar hlutskipti á Eyrinni einu.
Ingólfur Sverrisson
Nýjast
-
Mikil aukning á hótunum og beitingu á ofbeldi gagnvart lögreglu á Norðurlandi eystra.
,,Það er ljóst að það að hér er um grafalvarlega stöðu að ræða. Svar dómsmálaráðherra við fyrirspurninni sýnir okkur að þróunin á starfssvæði lögreglustjórans á Norðurlandi eystra er með þeim hætti að það er nauðsynlegt að bregðast við. Það er mikilvægt að greina þessa stöðu. Hver er ástæðan fyrir þessari miklu fjölgun á brotum gegn lögreglumönnum og opinberum starfsmönnum á þessu landsvæði það er Norðurlandi eystra“ segir Njáll Trausti Friðbertsson þingmaður og oddviti Sjálfstæðisflokksins í Norðausturkjördæmi. -
Boðskapur frá forsetaframbjóðanda
Það hafa kannski margir klórað sér í hausnum yfir þátttöku minni í forsetakosningunum þar sem ég stíg nú eins og landkönnuður á nýjum slóðum og tek með mér ný og fersk sjónarhorn, smá húmor og djúpstæða trú á mátt hins ómögulega. Ég er eflaust ekki hinn hefðbundni frambjóðandi en ég er án efa ferskur blær inn í flokk frambjóðenda og það er einmitt það sem gerir þetta stóra verkefni svo skemmtilegt og hvetjandi. -
Líf að færast í Holtahverfi
Líf er að færast í nýtt Holtahverfi norður, svæði á milli Krossanesbrautar og smábátahafnar í Sandgerðisbót. Húsin rísa hvert á fætur öðru og fyrstu íbúarnir hafa komið sér fyrir í nýjum íbúðum. Enn er eitthvað eftir af lóðum og er Akureyrarbær um þessar mundir að auglýsa par- og raðhúsalóðir lausar til úthlutunar, en m.a. eru nokkrar lóðir lausar við Álfaholt, Hulduholt og Þursaholt. -
Frú Ragnheiður - Færri í nálaskiptaþjónustu en fleiri komu í bílinn
Fjöldi einstaklinga sem leitaði til Frú Ragnheiðar árið 2023 var 51 í 584 heimsóknum en árið 2022 voru einstaklingarnir 46 í 412 heimsóknum. Af þessum fjölda voru 10 viðbragðsaðilar og einstaklingar sem leituðu til verkefnisins til að fá Nyxoid nefúðann. Ekki er því um fjölgun skjólstæðinga í nálaskiptaþjónustu að ræða en þeim fækkaði um fimm milli ára, úr 46 í 41. -
Götuhornið - Gamlingi á villigötum
Mig hefur lengi langað til að senda bréf til Götuhornsins. Mér hefur legið ýmislegt á hjarta og fannst það eiga fullt erindi til lesenda. Þetta hefur þó ekki getað orðið fyrr en nú vegna vandræða sem ég lenti í og þurfti að greiða úr. -
Fyrsta alþjóðlega hótelið á landsbyggðinni mun opna á Akureyri árið 2025
Fyrirhugað er að fyrsta alþjóðlega hótelið á landsbyggðinni mun opna á Akureyri 2025 undir merkjum Curio Collection by Hilton. Framkvæmdin verður í samvinnu við Bohemian Hotels. „Bohemian Hotels ehf., í samstarfi við Hilton, tilkynnir með stolti undirritun tímamótasamnings um byggingu og rekstur tveggja hágæða hótela á Íslandi. Þessir samningar marka ákveðin tímamót í hótelgeiranum á Íslandi og færa Akureyri gistingu og þægindi á heimsmælikvarða til jafns við Reykjavík" segir i tilkynningu frá Bohemian Hotels. -
Kuldatíð seinkar vorverkum
Talsverðar líkur er á að kal verði í túnum í Svarfaðardal en sennilega sleppa önnur svæði í héraðinu betur þó ekki sé það fullvíst. Kuldatíð seinkar vorverkum bænda og gæti í versta falli orðið til þess að spretta fari seinna af stað en vanalega, snjór er yfir öllum túnum og því ekki hægt að bera á. -
Goblin opnar á Glerártorgi
„Eins leitt og okkur þykir að yfirgefa fallega miðbæinn okkar, erum við afar spennt fyrir þessum flutningum og hlökkum til að bjóða viðskiptavini okkar velkomna á Glerártorgi,“ segja þau Þorsteinn Marinósson og Ásta Hrönn sem eiga Goblin. Starfsemin hefur verið við Brekkugötu undanfarin ár en flyst nú í rýmra húsnæði á Glerártorgi. -
Lystigarðurinn - Kostar meira að pissa
Gjald fyrir afnot af salernisaðstöðu í Lystigarðinum á Akureyri hækkar 1. maí næstkomandi, út 150 krónum eins og áður var í 300 krónur. Gjaldið verður endurskoðað við gerð gjaldskrár Umhverfis- og mannvirkjaráðs Akureyrarbæjar árlega.
Athugasemdir