Hversu mikið er nógu mikið?
Egill P. Egilsson skrifar
Nú er sumarfríum að ljúka og fólk að snúa til sinna starfa eftir verðskuldaða afslöppun. En það er fleira en mannfólkið sem liggur að einhverju leyti í dvala yfir sumartímann. Það eru hitamálin í þjóðmálaumræðunni og nóg er af slíkum sem munu eflaust verða áberandi nú eftir sumarfrí.
Eyjafjarðarþokan
Eitt helsta hitamálið sem þó rataði í umræðuna í sumar er hin blágráa þoka sem hefur legið yfir Akureyri og Eyjafirði í sumar og kemur frá skemmtiferðaskipum.
Komur skemmtiferðaskipa til Akureyrar og Húsavíkur hefur fjölgað mikið undanfarin ár og virðist hafa náð nýjum hæðum eftir covid faraldurinn. Miðað við þróunina þá á þeim bara eftir að fjölga. Nú þegar hafa verið staðfestar komur fleiri skemmtiferðaskipa til Húsavíkur fyrir næsta sumar en allt þetta sumar. Á sama tíma er unnið að því að fá skipin til að koma einnig á jaðartímum.
Þessi tiltölulega nýja viðbót við ferðaþjónustuiðnaðinn hefur sína kosti og galla og er eðlilega umdeild.
Þéna á hafnargjöldum
Hafnirnar hafa auðvitað af þessu gríðarlegar tekjur enda reyna þau að fjölga komum eins og mest þær mega. En þó þróun í fjölda skemmtiferðaskipa sé hröð, þá er ekki sama hraðanum fyrir að fara þegar kemur að uppbyggingu innviða til að taka við þeim. Þar þarf að girða sig í brók ef það á yfir höfuð að veðja á þessa tegund ferðaþjónustu. Ef skipin geta ekki tengt sig við landrafmagn munu þau halda áframa að rýra loftgæði heimafólks. Svo má auðvitað spyrja sig hvort ekki megi setja stærri ábyrgð á útgerðir þessara skipa til að draga úr mengun sem frá þeim kemur. Þetta vandamál hefur verið sérstaklega slæmt á Akureyri þar sem fleiri og stærri skip leggja að bryggju.
En hver er þá ávinningurinn af komum skemmtiferðaskipa, annar en hafnargjöldin? Þessir farþegar stoppa stutt, hótelin hagnast eðlilega ekkert á þeim og að mér skilst gera veitingastaðir það aðeins mjög takmarkað.
En auðvitað skilja þessir farþegar talsverðan gjaldeyri eftir sig. Tugir rútuferða hvern einasta dag, skipulagðar gönguferðir með leiðsögn og þannig mætti lengi telja. Svo má líka gera ráð fyrir að þessir ferðamenn kaupi eitthvað, hvort sem það er útivistarfatnaður eða vínarbrauð og allt telur þetta.
Góð auglýsing
Það sem færri vita er að þessar stuttu heimsóknir virka líka eins og eins konar kynning á Íslandi fyrir farþega þessara skipa. Þau gera kannski 2-3 stutt stopp á Íslandi svo farþegarnir fái nasaþefinn af því sem landið hefur upp á að bjóða. Rétt nóg til að vekja forvitni og í mörgum tilfellum nóg til að þessir farþegar kynni sér Ísland þegar heim er komið og snýr síðan aftur á eigin vegum og stoppar lengur, gjarna úti á landi.
Horfa þarf á allt árið
En í allri umræðunni um að fjölga erlendum ferðamönnum og dreifa þeim um landið verður líka að vera rými til að spyrja sig; hversu margir eru nógu margir. Erum við með innviði til að taka við fleirum? Þola innviðir sem þegar eru til staðar meiri ágang? Og kannski það allra mikilvægasta, hversu marga í viðbót þolir náttúran og kyrrðin, varan sem við erum að selja?
Ég held að ferðaþjónustan og yfirvöld ættu að leggja alla áherslu á að fjölga heldur ferðafólki yfir vetrartímann og gera ferðaþjónustuna að sjálfbærri atvinnugrein allt árið um kring.
Egill P. Egilsson
Nýjast
-
Tvö ný fræðsluskilti í Grímsey
Í vikunni voru sett upp tvö skilti í Grímsey tengd Norðurstrandarleiðinni (e. Arctic Coast Way) sem greina annarsvegar frá eðli heimskautsbauganna og hinsvegar sögu Grímseyjar. -
Mærudagar á Húsavík fagna 30 ára afmæli með mikilli skemmtidagskrá
Í ár fagnar bæjarhátíðin Mærudagar á Húsavík sínu 30. afmæli með fjölbreyttri og spennandi skemmtidagskrá fyrir alla aldurshópa. -
Endurnýjun á dreifilögn í Reykjahverfi
Orkuveita Húsavíkur er í framkvæmdum en verið er að endurnýja dreifilögn hitaveitu á rúmlega 3 km kafla í Reykjahverfi frá Smiðjuteig að Skógum -
Ánægja með gott Listasumar 2024
Mikil og góð stemning var í Listagilinu síðasta laugardag þegar þar var haldið hið svokallaða Karnivala eða lokahátíð Listasumars 2024 -
Grunnskólinn á Raufarhöfn í yfirhalningu
Gengið hefur verið frá samningi við verktaka um að mála húsið -
Andrea Fáfnis Ólafs og Viðar Breiðfjörð með samsýningu á Mærudögum
Andrea Fáfnis Ólafs og Viðar Breiðfjörð halda samsýningu í Hlyn við Garðarsbraut yfir Mærudagana. Listamennirnir eiga bæði ættir og barnæsku að rekja til Húsavíkur. -
Aðalgeir Heiðar Karlsson - Minningarorð
Aðalgeir Heiðar Karlsson fæddist 1.október 1948 á Húsavík. Hann var sonur útgerðarhjónanna Heru Sigurgeirsdóttur f. 22. maí 1916, d. 8. ágúst 1999 og Karls Óskars Aðalsteinssonar, f. 8. maí 1912, d. 24. jan. 1982. Aðalgeir var yngstur fimm systkina sem eru í aldursröð: Sigurbjörg Guðrún, f. 6. feb. 1935, d. 26. maí 2019, Sigrún Ólöf f. 22. jan. 1937, Aðalsteinn Pétur f. 27. okt. 1943, d. 15. júlí 2008 og Óskar Eydal f. 27. nóv. 1944, d. 14. apríl 2017. Karl Óskar Geirsson f. 28. nóv. 1955, sonur Sigrúnar, ólst einnig upp í Höfða og var alltaf eins og einn af systkinunum. Alli var af mikilli sjómannaætt en var mjög lítið á sjó en vann landvinnu. Hann var snöggur til að ráða sig til vinnu þegar Norðurverk hóf störf við gerð Laxárvirkjunar 3 og vann þar fram að verklokum sem bílstjóri á borbíl og sem sprengju sérfræðingur. Við Laxárvirkjun kynnist hann eftirlifandi eiginkonu sinni, Guðnýju Heiðveigu Gestsdóttur, f. 13.júní 1952. Guðný er fædd og uppalin í Múla í Aðaldal, foreldrar hennar voru Heiðveig Sörensdóttir, f. 6.maí 1914, d. 2.mars 2002 og Gestur Kristjánsson, f. 10.nóvember 1906, d. 9.ágúst 1990. Strax vorið eftir þau kynni flutti Aðalgeir í Múla, fór að taka þátt í búskapnum af fullum krafti ásamt því að sinna vinnu við Laxárvirkjun. Aðalgeir og Guðný opinberuðu um páskana 1971 og giftu sig 2. apríl 1972. Þau hófu félagsbúskap ásamt foreldrum Guðnýjar og keyptu síðar af þeim eignir þeirra í Múla eftir að þau hættu búskap árið 1986 og fluttu til Húsavíkur. Aðalgeir og Guðný bjuggu alla tíð í Múla meðan heilsan leyfði. Þau seldu jörðina í sumarið 2021 og fluttu til Akureyrar. Alli og Guðný í Múla voru með fjölmörg börn í sumardvöl í sveit og eins voru þau með fósturbörn bæði til skemmri og lengri tíma. Þrjú af þeim börnum fengu varanlegt aðsetur hjá þeim hjónum í Múla og má svo sannarlega segja að þau hafi dottið í lukkupottinn, Ólafur Svanur Ingimundarson, f. 3.ágúst 1965, Einar Jóhann Sigurðsson, f. 6. ágúst 1983 og Aðalheiður Ágústa Jónsdóttir, f. 2. október 1987. Ólafur Svanur er kvæntur Emmu Gísladóttur, f. 17.maí 1967 og eiga þau tvo syni Gísla Ólaf og Jón Aðalgeir og 6 barnabörn. Einar Jóhann er kvæntur Þórhildi Einarsdóttur, f. 31. ágúst 1983, og eiga þau tvö börn saman Kristján Guðna og Heiðveigu Halldóru. Einar á einnig dóttur úr fyrra sambandi, Lilju Dögg, f. 3.mars 2005. Aðalheiður er gift Sigmundi Birgi Skúlasyni, f. 19.maí 1982 og eiga þau þrjú börn Heiðar Inga, Fannar Atla og Margréti Guðnýju. Aðalgeir lést á hjúkrunarheimilinu Lögmannshlíð 12.júlí s.l. og útför hans fór fram miðvikudaginn 24.júlí kl 14:00 frá Grenjaðarstaðarkirkju í Aðaldal. Elsku afi okkar, við vitum ekki hvernig okkur á að líða, þetta er allt svo skrýtið. -
Þyrla sótti slasaða hjólreiðarmenn í Jökulsárgljúfur
Laust eftir hádegi í dag kom tilkynning til lögreglu og sjúkraflutningamanna á Húsavík um reiðhjólaslys við Jökulsárgljúfur. Þar hafi reiðhjólamaður fallið fram af kletti og þá hafði samferðamaður hans einnig slasast við að reyna að koma honum til aðstoðar -
Mæðgur hafa stjórnað kórum í samanlagt 71 ár
Kynslóðir kórfélaga frá Hóffý og Ástu sameinast og halda saman tónleika í Húsavíkurkirkju
Athugasemdir