Búið þið þarna allt árið?
Áskorandapenninn
Finnur Yngvi Kristinsson skrifar
Það er notalegt að vakna á morgnana, líta út um gluggann og heyra ekki í neinni umferð. Það er notalegt að þurfa ekki að eyða tíma sínum á umferðarljósum, í biðröðum eða í að skutlast út um allar trissur.
Að eyða tíma og að njóta tíma er ekki það sama. Maður eyðir ekki tíma með börnum sínum eða vinum, maður nýtur hans. Maður eyðir ekki tíma í afþreyingu eða skemmtun, maður nýtur hans.
Tíminn er auðlind sem hver og einn á, sú auðlind er takmörkuð. Tíminn er líka gjaldmiðill, sá eini sem allir eiga sameiginlegan og sá eini sem erfitt getur reynst að fá meira af. Við þurfum því að bera virðingu fyrir tímanum og reyna að njóta hans í stað þess að eyða honum.
Mér finnst lífsgæði felast í þeim tíma sem ég get notið, hvort sem það er með fjölskyldu, vinum eða jafnvel bara með sjálfum mér. Mér finnst mælikvarði lífsgæða ekki felast í því hversu margar verslunarmiðstöðvar eru nálægt mér eða hversu mörg leikhús eða bíó eru við hlið mér. Lífsgæði mælast ekki í eignum eða fjölda vina heldur í þeim tíma sem maður á til að njóta þessa.
Fyrir skömmu hringdi besti vinur minn í mig úr borginni. Hann var á leið til vinnu í morgunumferð höfuðborgarsvæðisins á mánudagsmorgni en ég var að ganga út um hurðina heima, leiddi dóttur mína á leikskólann og gekk síðan í vinnuna. Ég settist við skrifborðið, ræsti tölvuna og sótti mér tebolla og naut ennþá samtals við vin minn. 15 mínútum eftir að ég lokaði útidyrahurðinni heima var ég tilbúinn að vinna og búinn að fara með dóttur mína í daglega morgungöngu á leikskólann en vinur minn var ennþá fastur í umferðinni og hafði þokast áfram um 5 kílómetra. Ég vona að hann hafi notið tímans svona fyrst við vorum að spjalla saman en hann eyddi víst örugglega tímanum í umferðinni, tíma sem hann hafði þá ekki með fjölskyldunni. Þetta er daglegt viðfangsefni borgarbúa, viðfangsefni sem ég þarf ekki að eiga við þar sem ég kýs að búa í dag.
Þegar ég bjó á Siglufirði og sinnti því spennandi verkefni að stýra Sigló Hóteli ásamt eiginkonu minni vorum við oft spurð af því hvort við byggjum þar allt árið. Í dag bý ég í Hrafnagilshverfi í Eyjafjarðarsveit, þar hef ég ekki fengið þessa spurningu ennþá kannski vegna nálægðarinnar við Akureyri.
Fólk velur sér búsetu, það kýs almennt að búa sér heimili þar sem því líður vel. Til þess að geta notið tímans þarf maður að eiga tíma fyrir sig, tíma til að vera með sínum nánustu, tíma til að vera ekki í stöðugri keppni við tímann. Í dag kýs ég að búa ekki á höfuðborgarsvæðinu því ég ásælist ekki það sem þar er í boði nema í hæfilegum skömmtum og sæki það þá með tímabundinni viðveru. Mögulega breytist það í framtíðinni, það mun tíminn leiða í ljós.
Ég skora á Halldór Óla Kjartansson til að taka við keflinu.
Nýjast
-
Banaslys í Eyjafjarðarsveit
Alvarlegt umferðarslys varð á Eyjafjarðabraut eystri , skammt norðan við Laugaland skömmu eftir kl. 13:00 í dag. Þarna hafði bíll lent út af og voru tveir aðilar sem í honum voru úrskurðaðir látnir á vettvangi. Lögreglan á Norðurlandi eystra fer með rannsókn málsins og er hún á frumstigi og ekki frekari upplýsingar að hafa að sinni. -
Umferðarslys á Eyjafjarðarbraut eystri
Alvarlegt umferðarslys varð á Eyjafjarðabraut eystri , skammt norðan við Laugaland skömmu eftir kl. 13:00 í dag. Þarna hafði bíll lent út af og í honum voru tveir aðilar. Rannsókn á tildrögum slyssins stendur yfir á vettvangi og getur lögreglan ekki veitt frekari upplýsingar á þessu stigi málsins. -
Kirkjutröppurnar og gangstétt í Listagilinu
Framkvæmdir við kirkjutröppurnar eru hafnar að nýju eftir talsvert hlé og er búið að byggja yfir neðsta hluta trappanna, en þar er verið að vinna í húsnæði sem er undir tröppunum. Að því loknu verður hægt að hefja vinnu við sjálfar kirkjutröppurnar, þeirri vinnu hefur seinkað m.a. sökum þess að erfiðlega gekk að fá verktaka í verkefnið og það var umfangsmeira en var ráð fyrir gert. -
Hefur allt sem þarf
Fyrstu kynni mín af Höllu Tómasdóttur voru í tengslum við vinnustað þar sem hún kom einn dag og ræddi við hópinn. Þessi dagur breytti svolítið lífi mínu því þarna uppgötvaði ég í raun hvernig ég get tekið stjórn á eigin lífi. Halla varpaði á skjá mynd af vatnsglasi sem í var vökvi um það bil að miðju glasi. Hún talaði um viðhorf okkar og hvernig við tökumst á við það sem lífið færir okkur. -
Söngveisla í Glerárkirkju á sumardaginn fyrsta
Tíunda kóramót eldri borgara á Norðurlandi fer fram á morgun sumardaginn fyrsta. Fyrsta kóramót eldri borgara var haldið á Húsavík á lokadaginn 11 maí 2002 með þátttöku fimm kóra sem komu frá Húsavík, Akureyri, Dalvík, og Hrísey, Siglufirði og Skagafirði. -
Samherji og Ice Fresh Seafood á stærstu sjávarútvegssýningu heims
Alþjóðlega sjávarútvegssýningin Seafood Expo Global í Barcelona á Spáni opnaði í gær, 23. apríl. Sýningin er sú stærsta sinnar tegundar í heiminum á sviði veiða, vinnslu og sölu sjávarafurða. Samherji og Ice Fresh Seafood eru að venju með stóran og vel útbúinn bás, þar sem tekið er á móti gestum frá öllum heimshlutum og afurðir kynntar. Ice Fresh Seafood sér um að selja afurðir Samherja og fleiri fyrirtækja. -
Himinhátt innanlandsflug
Í samtölum mínum við fólk af landsbyggðinni um samgöngur og flug heyrist sífellt háværari umræða um hækkandi verð á flugferðum innanlands. Íbúum landsbyggðarinnar er orðið tíðrætt um að ekki fyrir svo löngu hafi það frekar borgað sig að keyra milli Akureyrar og Reykjavíkur ef þrír voru í bílnum. Í dag þurfi ekki einu sinni að hugsa sig um hvort eigi að keyra eða fljúga, jafnvel þó að Loftbrúin sé notuð og einungis einn sé á ferð. Fólk grínast með að það sé ódýrara að millilenda í London á leið sinni til Reykjavíkur, en það er sorgleg staðreynd að það er ekkert grín. -
Sumardagurinn fyrsti í Sigurhæðum klukkan 13
Ferskustu listamennirnir í Pastel ritröð kynna verk sín:Nr. 37: Þorbjörg Þóroddsdóttir: Vögguvísuatómapar.Nr. 36: Egill Logi Jónasson: Hohner mér vel.Egill Logi aka Drengurinn fengurinn er tónlistar- og myndlistarmaður. Hann starfar á Akureyri og er hluti af listhópnum Kaktus.Þorbjörg Þóroddsdóttir er 19 ára ungskáld frá Akureyri. Hún varð stúdent frá MA í fyrra, stundaði nám við lýðháskóla á Jótlandi í haust og vinnur nú á leikskóla. Hún hefur unnið til þrennra verðlauna í ritlistarsamkeppni Ungskálda. -
Dr. Áslaug Ásgeirsdóttir skipuð rektor Háskólans á Akureyri
Dr. Áslaug Ásgeirsdóttir hefur verið skipuð sem rektor Háskólans á Akureyri frá og með 1. júlí næstkomandi. Skipan Áslaugar er samkvæmt ákvörðun Háskólaráðs frá 2. apríl síðastliðnum um að tilnefna hana sem næsta rektor skólans. Háskóla-, iðnaðar- og nýsköpunarráðherra samþykkti tillöguna og tekur Áslaug við rektorsstöðunni 1. júlí næstkomandi. Alls bárust fimm umsóknir um embættið en skipað er til fimm ára.
Athugasemdir