Brynjólfur Ingvarsson veitir Flokki fólksins forystu á Akureyri
Jakob Frímann Magnússon skrifar
Með skömmum fyrirvara ákvað sá er þetta ritar að ganga til liðs við Flokk fólksins í Norðausturkjördæmi í aðdraganda Alþingiskosninganna í september 2021. Fjórar vikur voru til kosninga þegar baráttan hófst fyrir alvöru og fólst m.a. í að safna undirskriftum á fjölförnum stöðum svo framboð þessaunga flokks í NA mætti teljast löglegt og skráningarhæft.
Einn maður í fámennu baklandi flokksins hér nyrðra bar af öðrum að fórnfýsi og elju. Það var geðlæknirinn geðþekki, Brynjólfur Ingvarsson. Hann reyndist ávallt boðinn og búinn að leggja sig fram og sparaði sig hvergi. Hann sóttist ekki eftir neinu fyrir sjálfan sig en féllst eftir ítrekaðar áskoranir á að skipa 3. sæti listans..
Það vakti athygli mína og annarra hve margir hópuðust að lækninum og lýstu sig fúsa til að ljá honum undirskrift sína, hvar sem hann fór á sama tíma og fulltrúar annarra flokka áttu á brattann að sækja í þeim efnum.
Þegar afla þurfti aðfanga, húsgagna og annarra nauðsynja á nýopnaðri kosningaskrifstofu flokksins við Skipagötu var það Brynjólfur sem gekk fram fyrir skjöldu og axlaði ábyrgð.
Það fór þegar einkar vel með okkur Brynjólfi og ekki spillti fyrir þegar í ljós kom að afar okkar beggja höfðu gegnt krefjandi starfi kaupfélagsstjóra KEA. Það vakti sömuleiðis athygli mína hversu hraustur og þrekmikill maðurinn reyndist, þó kominn væri af léttasta skeiði. Daglegar gönguferðir, sundferðir, útreiðartúrar, sjálfsagi og heilbrigð lífssýn virðist lykillinn að eilífri æsku og lífskrafti þessa merka manns sem auk lækninga og mannúðarstarfa hefur ritað fjölda bóka, þ.m.t. prýðilegra ljóðabóka. Nýjasta bók Brynjólfs kom út á nýliðnu ári og hlaut góðar viðtökur enda ljóð læknisins góða bæði dýrt kveðin og fögur.
Fyrir utan góðan sigur Flokks fólksins í kosningunum sl. haust stendur það upp úr þá horft er um öxl hve ánægjulegt það var að kynnast og fá að starfa með Brynjólfi Ingvarssyni. Hann er sannkallað valmenni sem hefur helgað líf sitt því að hjálpa öðrum að öðlast betra líf. Einkunnarorð hans eru í raun þau sömu og Flokkur fólksins hefur gert að sínum:
Fólkið fyrst – svo allt hitt!
Það er Flokki fólksins mikið ánægjuefni að slíkur öndvegismaður skuli nú skipa 1. sæti framboðslistans í komandi bæjarstjórnarkosningum sem fram fara n.k. laugardag 14.maí. Viðbrögðin við framboðinu hafa skv. nýjustu könnunum öll verið á einn veg:
Akureyringar fagna mjög framboði Brynjólfs Ingvarssonar og Flokks fólksins.
Hann mun hér eftir sem hingað til með hollustu sinni og trygglyndi, standa vörð um velferð almennings og ekki síst þeirra sem eldri eru eða úr viðkvæmari hópum samfélagsins.
Þegar slíkir öðlingar gefa kost á sér til starfa ber að tryggja þeim gott brautargengi í kosningum – ekki síst þegar þeir gegna forystu í jafn vel skipuðum hópi og raun ber vitni hjá Flokki fólksins á Akureyri.
Ég hvet alla sem vettlingi geta valdið að ganga til kosninga n.k. laugardag og greiða atkvæði sitt Flokki fólksins þar sem hinn valmennið Brynjólfur Ingvarsson er í öndvegi. Þá mun vel fara.
Jakob Frímann Magnússon, þingmaður Flokks fólksins.
Nýjast
-
Hefur allt sem þarf
Fyrstu kynni mín af Höllu Tómasdóttur voru í tengslum við vinnustað þar sem hún kom einn dag og ræddi við hópinn. Þessi dagur breytti svolítið lífi mínu því þarna uppgötvaði ég í raun hvernig ég get tekið stjórn á eigin lífi. Halla varpaði á skjá mynd af vatnsglasi sem í var vökvi um það bil að miðju glasi. Hún talaði um viðhorf okkar og hvernig við tökumst á við það sem lífið færir okkur. -
Svona er síminn hannaður til að stela athygli okkar
Af hverju er svona erfitt að leggja frá sér símann? Er efnið sem þar er að finna alltaf svo mikilvægt og áríðandi að það gengur fyrir þau samskipti sem við erum að eiga við fólkið í kringum okkur? Förum við í símann þegar að við erum undir stýri? (Já það telst líka með að gera það á rauðu ljósi). Lengjum við klósettferðirnar okkar til að vera lengur í símanum? Leggjum við símann alltaf á borðið á fundum, í kaffitímanum eða við matarboðið og leyfum þannig tilkynningunum á skjánum að stela athygli okkar? Setjum við börnin okkar fyrir framan skjá til þess að kaupa okkur sjálfum skjátíma? Leitum við í símann alltaf þegar að okkur leiðist? Erum við hrædd við að vera vandræðaleg á almannafæri og förum í símann til að þykjast vera að sinna einhverju mikilvægu frekar en að líta upp og leyfa huganum að reika? Dettum við út í samtölum við annað fólk því við ætluðum að fletta einhverju eldsnöggt upp en rákumst svo á eitthvað annað sem greip athygli okkar? Getum við átt gæðastundir með fjölskyldunni án þess að láta símann trufla okkur? -
Boðskapur frá forsetaframbjóðanda
Það hafa kannski margir klórað sér í hausnum yfir þátttöku minni í forsetakosningunum þar sem ég stíg nú eins og landkönnuður á nýjum slóðum og tek með mér ný og fersk sjónarhorn, smá húmor og djúpstæða trú á mátt hins ómögulega. Ég er eflaust ekki hinn hefðbundni frambjóðandi en ég er án efa ferskur blær inn í flokk frambjóðenda og það er einmitt það sem gerir þetta stóra verkefni svo skemmtilegt og hvetjandi. -
Nýr Kjalvegur – Hraðbraut í gegnum hálendið
Á Alþingi liggur nú fyrir þingsályktunartillaga um endurnýjun vegar yfir Kjöl með einkaframkvæmd en nokkrum sinnum hefur verið reynt að mæla fyrir málinu í gegnum tíðina án árangurs. -
1500 FRÆ
Meðmæli eru frækorn. Við erum að sá og fjárfesta til framtíðar. Við munum enn fremur uppskera eins og við sáum. Ef við sáum þeirri hegðun að frambjóðendur verði að vera þekkt andlit, með reynslu úr pólitík eða opinberri þjónustu – þá uppskerum við eftir því. Umsóknarkröfum ætti þá að breyta til samræmis hið snarasta sem og heiti starfsins. Embætti fyrir útvalda. Embætti fyrir fræga. Embætti fyrir völd og pólitík. -
Í ljósi fréttar um vorboðann ljúfa
Vefnum barst tölvupóstur með myndum og texta frá konu sem átti leið um miðbæ Akureyrar i morgun. Eins og sjá má var henni og liklega fleirum sem þar áttu leið um misboðið. -
Berjumst fyrir okkar málefnum, en til þess þurfum við og okkar samtök að glaðvakna.
Undanfarið hefur nokkuð verið rætt um kjör okkar eldri borgara og hvernig við séum afskipt þegar kemur að kjarabótum. -
Skýr markmið og þrautseigja skila árangri - Saga um gefandi samstarf
Gústaf Baldvinsson framkvæmdastjóri Seagold Ltd., sem er sölufélag Samherja í Bretlandi, skrifar hér um skemmtilegt og gefandi samstarf við Dag Benediktsson sem í síðasta mánuði náði þeim frábæra árangri að verða fimmfaldur Íslandsmeistari á skíðum. -
Fjármálalæsi Jöfnun stöðu allra barna
Við teljum afar brýnt að jafna stöðu allra barna þannig ekkert barn fari upp úr grunnskóla án þess að búa yfir lágmarksþekkingu í fjármálalæsi ekki frekar en börn fara út í umferðina án þess að kunna umferðarreglurnar.
Athugasemdir