Aldraðir, Hvammur og hjúkrunarheimili
Samsett mynd/Hafþór Hreiðarsson
Þeir einstaklingar sem fæðast í dag geta búist við því að ná jafnvel 135 ára aldri. Lífslíkur á Íslandi eru með þeim mestu í Evrópu. Meðalævilengd karla á Íslandi er 81 ár og kvenna 84,1 ár. Sömuleiðis er ungbarnadauði í Evrópu minnstur á Íslandi. Okkur fjölgar hratt og við lifum lengur. Þessi þróun er þó engin trygging fyrir því að lífslíkur haldi áfram að aukast. Það er hinsvegar blekkingar hámarkinu sé náð.
Lýðheilsa stækkandi hóps eldri borgara
Árið 2013 stóð félag sjúkraþjálfara fyrir málþingi um farsæla öldrun. Þar kom meðal annars fram mikilvægi þess að skapa jákvæðara viðhorf samfélagsins í garð aldraðra. Sömuleiðis mikilvægi heilsutengdra lífsgæða aldraðra með áherslu á forvarnir enda góð heilsa; líkamleg, andlega og félagsleg nauðsynleg til að njóta efri áranna. Það var því miður að meirihluti fjölskylduráðs Norðurþings skyldi taka neikvætt í erindi Félags eldri borgara á Húsavík & nágrenni um sérstakt verkefni varðandi lýðheilsu aldraðra enda heilsueflandi samfélag. En í langlífinu felast tækifæri, s.s. að hækka lífeyristökualdur um eitt ár á fimm ára fresti næstu árin? En lífið án öldrunar verður sífellt lengra.
Loksins hjúkrunarheimili
Það eru umbreytingar aðeins handan við morgundaginn. Framundan er uppbygging hjúkrunarheimilis fyrir Þingeyinga á Húsavík. Loksins. Enda hefur ríkið dregið lappirnar í málinu undanfarinn áratug. Það klagar þó síst upp á núverandi heilbrigðisráðherra svo því sé haldið til haga. Það er að hluta til heimatilbúinn vandi. En hlutur sveitarfélaganna verður tæplega 900 milljónir króna. Hlutur Norðurþings er eins og staðan er núna, um 680 milljónir króna. Umræða um hvernig mæta á þessari fjárfestingu er þó afar skammt á veg komin. Því miður. Sömuleiðis skortir okkur kjark til að krefja ríkið um aukna aðkomu að verkinu, s.s. við byggingu tengigangs sem er tengibygging milli fyrirhugaðs hjúkrunarheimilis og Heilbrigðisstofnunar Norðurlands á Húsavík. Þessari gagnrýni verður væntanlega svarað að undirritaður sé illa að sér. Gott og vel. Meira en hundrað einstaklingar bíða eftir búseturéttaríbúðum og biðin ansi löng hjá mörgum.
Hvammur, hvað svo?
Með tilkomu nýs hjúkrunarheimilis ofar í Skálabrekkunni þarf að ræða; hvernig ætlar samfélagið að nýta núverandi húsnæði Hvamms? En Hvammur var byggt sem dvalarheimili fyrir sveitarfélögin frá Ljósavatnshreppi til Raufarhafnarhrepps. Fyrstu íbúarnir fluttu inn 1. maí árið 1981 og því fagnar Hvammur 40 ára afmæli um þessar mundir. Eðlilega höfum við fjarlægst upphafleg markmið með rekstri heimilisins; að þar myndu búa sjálfbjarga einstaklingar. Langstærsta hlutverk heimilisins í dag er hinsvegar rekstur á hjúkrunarrýmum. Þau munu færast í nýtt húsnæði og eftir stendur núverandi húsnæði sem var byggt fyrir fé heimamanna og með styrk úr Framkvæmdasjóði aldraðra. Ég vil því skora á Þingeyinga að ræða og velta fyrir sér framtíðarmöguleikum húsnæðisins. Við eigum, verðum og þurfum að ræða það; í sveitarstjórnum, við eldhúsborðið, í saumklúbbnum eða fjárhúsinu. Það er mikilvægt að hafa hagsmuni þessa stækkandi hóps íhuga og halda í upphaflegan tilgang og bjóða upp á fjölbreytt búsetuúrræði fyrir aldraða. Tryggja þannig ánægjulegt ævikvöld aldraðra í Þingeyjarsýslum.
Hjálmar Bogi Hafliðason
Oddviti framsóknar & félagshyggju í Norðurþingi
Nýjast
-
Mikil aukning á hótunum og beitingu á ofbeldi gagnvart lögreglu á Norðurlandi eystra.
,,Það er ljóst að það að hér er um grafalvarlega stöðu að ræða. Svar dómsmálaráðherra við fyrirspurninni sýnir okkur að þróunin á starfssvæði lögreglustjórans á Norðurlandi eystra er með þeim hætti að það er nauðsynlegt að bregðast við. Það er mikilvægt að greina þessa stöðu. Hver er ástæðan fyrir þessari miklu fjölgun á brotum gegn lögreglumönnum og opinberum starfsmönnum á þessu landsvæði það er Norðurlandi eystra“ segir Njáll Trausti Friðbertsson þingmaður og oddviti Sjálfstæðisflokksins í Norðausturkjördæmi. -
Boðskapur frá forsetaframbjóðanda
Það hafa kannski margir klórað sér í hausnum yfir þátttöku minni í forsetakosningunum þar sem ég stíg nú eins og landkönnuður á nýjum slóðum og tek með mér ný og fersk sjónarhorn, smá húmor og djúpstæða trú á mátt hins ómögulega. Ég er eflaust ekki hinn hefðbundni frambjóðandi en ég er án efa ferskur blær inn í flokk frambjóðenda og það er einmitt það sem gerir þetta stóra verkefni svo skemmtilegt og hvetjandi. -
Líf að færast í Holtahverfi
Líf er að færast í nýtt Holtahverfi norður, svæði á milli Krossanesbrautar og smábátahafnar í Sandgerðisbót. Húsin rísa hvert á fætur öðru og fyrstu íbúarnir hafa komið sér fyrir í nýjum íbúðum. Enn er eitthvað eftir af lóðum og er Akureyrarbær um þessar mundir að auglýsa par- og raðhúsalóðir lausar til úthlutunar, en m.a. eru nokkrar lóðir lausar við Álfaholt, Hulduholt og Þursaholt. -
Frú Ragnheiður - Færri í nálaskiptaþjónustu en fleiri komu í bílinn
Fjöldi einstaklinga sem leitaði til Frú Ragnheiðar árið 2023 var 51 í 584 heimsóknum en árið 2022 voru einstaklingarnir 46 í 412 heimsóknum. Af þessum fjölda voru 10 viðbragðsaðilar og einstaklingar sem leituðu til verkefnisins til að fá Nyxoid nefúðann. Ekki er því um fjölgun skjólstæðinga í nálaskiptaþjónustu að ræða en þeim fækkaði um fimm milli ára, úr 46 í 41. -
Götuhornið - Gamlingi á villigötum
Mig hefur lengi langað til að senda bréf til Götuhornsins. Mér hefur legið ýmislegt á hjarta og fannst það eiga fullt erindi til lesenda. Þetta hefur þó ekki getað orðið fyrr en nú vegna vandræða sem ég lenti í og þurfti að greiða úr. -
Fyrsta alþjóðlega hótelið á landsbyggðinni mun opna á Akureyri árið 2025
Fyrirhugað er að fyrsta alþjóðlega hótelið á landsbyggðinni mun opna á Akureyri 2025 undir merkjum Curio Collection by Hilton. Framkvæmdin verður í samvinnu við Bohemian Hotels. „Bohemian Hotels ehf., í samstarfi við Hilton, tilkynnir með stolti undirritun tímamótasamnings um byggingu og rekstur tveggja hágæða hótela á Íslandi. Þessir samningar marka ákveðin tímamót í hótelgeiranum á Íslandi og færa Akureyri gistingu og þægindi á heimsmælikvarða til jafns við Reykjavík" segir i tilkynningu frá Bohemian Hotels. -
Kuldatíð seinkar vorverkum
Talsverðar líkur er á að kal verði í túnum í Svarfaðardal en sennilega sleppa önnur svæði í héraðinu betur þó ekki sé það fullvíst. Kuldatíð seinkar vorverkum bænda og gæti í versta falli orðið til þess að spretta fari seinna af stað en vanalega, snjór er yfir öllum túnum og því ekki hægt að bera á. -
Goblin opnar á Glerártorgi
„Eins leitt og okkur þykir að yfirgefa fallega miðbæinn okkar, erum við afar spennt fyrir þessum flutningum og hlökkum til að bjóða viðskiptavini okkar velkomna á Glerártorgi,“ segja þau Þorsteinn Marinósson og Ásta Hrönn sem eiga Goblin. Starfsemin hefur verið við Brekkugötu undanfarin ár en flyst nú í rýmra húsnæði á Glerártorgi. -
Lystigarðurinn - Kostar meira að pissa
Gjald fyrir afnot af salernisaðstöðu í Lystigarðinum á Akureyri hækkar 1. maí næstkomandi, út 150 krónum eins og áður var í 300 krónur. Gjaldið verður endurskoðað við gerð gjaldskrár Umhverfis- og mannvirkjaráðs Akureyrarbæjar árlega.
Athugasemdir