Byggðarráð og sveitarstjórn Norðurþings hefur reglulega fjallað um málefni Húsavíkurflugvallar og áætlunarflugs til Húsavíkur. Húsavíkurstofa og stéttarfélagið Framsýn sömuleiðis. Það er mikilvægt að halda uppi reglulegu áætlunarflugi til Húsavíkur fyrir heimafólk og atvinnulíf. Það ríkir fákeppni í innanlandsflugi og eru leiðir innanlands styrktar með ríkisframlagi. Það gildir ekki um Húsavík.

Í Þingeyjarsýslu eru stór verkefni fram undan eins og uppbygging í landeldi á fiski, Grænna iðngarða á Bakka, tvöföldun Þeistareykjavirkjunar og í ferðaþjónustu. Reglulegt áætlunarflug og greið loftleið milli höfuðborgarsvæðisins og Húsavíkur er ein af undirstöðum þess að vel takist til. Fulltrúar Norðurþings og stéttarfélagsins Framsýnar eiga fund með fulltrúum flugfélagsins Ernis næstkomandi mánudag vegna málsins.

Byggðarráð Norðurþings hefur komið þessum sjónarmiðum á framfæri við stjórn flugfélagsins Ernis, Isavia sem og stjórnvöld. Mikilvægi flugleiðarinnar til Húsavíkur og Húsavíkurflugvallar ætti að vera öllum ljóst sem hlekkur í frekari uppbygging og vexti svæðisins. Til að svo megi vera þarf aðkomu ríkisvaldsins rétt eins og á öðrum flugleiðum.

Úrskurðarnefnd umhverfis- og auðlindamála hefur hafnað kröfu eigenda hússins við Krákustíg 1 um að ógilda ákvörðun skipulagsráðs Akureyrarbæjar frá því í febrúar síðastliðnum vegna breytinga á deiliskipulagi á Norður-Brekku vegna breytinga á lóðamörkum Krákustígs 1. Deilt var um lögmæti ákvörðunar skipulagsráðs bæjarins, en breyting á deiliskipulagi fól í sér breytingu á lóðamörkum við umrætt hús og aðgengi frá lóð við Krabbastíg 4 að Krákustíg.

Síðustu dagar sumaropnunar í Hlíðarfjalli eru um næstu helgi. Það er um að gera að nýta tækifærið og stunda holla og góða útivist í fjallinu áður en slökkt verður á Fjarkanum og undirbúningur hefst fyrir skíðavertíðina.

Margar merktar hjólaleiðir eru í Hlíðarfjalli og merkt gönguleið er frá Strýtuskálanum upp á fjallsbrún. Sjá nánar hér: https://www.hlidarfjall.is/is/fjallid

Sunnudaginn 10. september verður síðasta bikarmót ársins í Fjallabruni Greifans á hjólum. Mótið hefst kl. 13 og eru áhugasamir hvattir til að mæta og fylgjast með og hvetja keppendur áfram til sigurs. 

Morgunblaðið segir frá því í morgun  að blikur séu á lofti i sambandi við flug  milli Húsavíkur og Reykajvíkur en Flugfélagið Ernir hefur  frá árinu 2012 flogið á milli sjö ferðir á viku. 

Listasafnið og Heilsuvernd vinna saman að því að fræða og gleðja íbúa, starfsfólk og gesti Hlíðar með tveimur myndlistarsýningum í ár og leiðsögn þeim tengdum.

Nemendur  við Menntaskólan á Akureyri fjölmenntu á Ráðhústorgið á Akureyri i dag til að láta í ljós óánægju  með fyrirhugaða sameiningu skólans við Verkmenntaskólan á Akureyri.  Ljóst er að fyrirætlun ráðherra  fellur í mjög grýttan jarðveg hjá nemendum við MA en minna hefur heyrst af viðbrögðum nemenda við VMA. 

Mótnælunum lauk svo með því að hópurinn söng Skólasöng MA eftir Davíð Stefánsson lagið samdi Páll Íslófsson.

Maður­inn sem fannst lát­inn inn­ar­lega í Eyjaf­irði á laug­ar­dags­kvöld hét Jón­as Vig­fús­son. Hann læt­ur eft­ir sig eig­in­konu, tvær upp­komn­ar dæt­ur og sjö barna­börn. Jón­as var fædd­ur árið 1951, bóndi á Litla-Dal í Eyja­fjarðarsveit. Hann var fyrr­ver­andi sveit­ar­stjóri í Eyja­fjarðarsveit og áður í bæði Hrís­ey og á Kjal­ar­nesi.

Nærri aldarfjórðungs starf með ungu fólki hefur kennt mér að unga kynslóðin hefur rödd og skoðanir sem vert er að hlusta á. Þessi afstaða Hugins kemur ekki á óvart en það gleður kennarahjartað að finna eldmóðinn sem býr að baki þessari yfirlýsingu.

Down & Out fagnaði Þáttum af einkennilegum mönnum

Gunnar Már Gunnarsson skrifar um leikskólamál

Ásmundur Einar Daðason, mennta- og barnamálaráðherra, Sigríður Huld Jónsdóttir, skólameistari Verkmenntaskólans á Akureyri, og Karl Frímannsson, skólameistari Menntaskólans á Akureyri, héldu í dag fund með starfsfólki og nemendum beggja skóla þar sem kynntar voru tillögur stýrihóps um eflingu framhaldsskóla um sameiningu skólanna tveggja auk þess sem næstu skref í ferlinu voru kynnt.

Á heimasíðu Norðurorku segir frá þessu.

Stjórn og trúnaðarráð Framsýnar kom saman til fundar síðdegis í gær. Meðal þess sem var til umræðu á fundinum voru endalausar stýrivaxtahækkanir Seðlabanka Íslands.  Ljóst er að hækkanirnar hitta ekki síst láglaunafólk illa fyrir. Mikil reiði kom fram á fundinum með stöðu mála. Eftir kröftugar umræður samþykkti fundurinn samhljóða að senda frá sér svohljóðandi ályktun þar sem stýrivaxtahækkunum Seðlabankans og getuleysi stjórnvalda er mótmælt harðlega:

Spurningaþraut Vikublaðsins #22

Sótt hefur verið um allar nýjar lóðir sem í boði voru við Lækjarvelli á Grenivík. Þær voru í allt 8 og undir fjögur raðhús.

Áformað er að byggja í allt 19 íbúðir á svæðinu, „sem létta vonandi verulega á miklum húsnæðisskorti sem verið hefur,“ segir á vefsíðu Grýtubakkahrepps. Þá er einnig hafin eða um það bil að hefjast bygging á nokkrum einbýlishúsum á Grenivík. Einnig styttist í að 5 nýjar íbúðir í raðhúsi við Höfðagötu verði tilbúnar.

„Við erum að auglýsa eftir starfsfólki og vonandi náum við að manna vel hjá okkur fyrir haustið,“ segir Bergdís Ösp Bjarkadóttir forstöðumaður stuðningsþjónustu Akureyrarbæjar. „Staðan er enn þannig að við erum vandræðum í stuðningsþjónustunni vegna manneklu. Þjónustustigið er því enn skert og sér ekki fyrir endann á því fyrr en með haustinu.“

Sannarlega gerði ykkar einlægur sér ekki fulla grein fyrir mikilvægi dagsins þegar ég, tæplega eins árs, var í fylgd foreldra minna á Ráðhústorgi Akureyrar þann 17. júní árið 1944. Þar var saman kominn múgur manns í sínu fínasta pússi og allir virtust glaðir og kátir.  Íslenski fáninn blakti á mörgum stöngum í sunnan golunni, lúðrasveit spilaði af öllum lífs og sálar kröftum og karlakórar sungu ættjarðarsöngva.  

Lögreglan á Norðurlandi eystra sendi eftirfarandi tilkynningu út í morgun.

,,

Eins og við greindum frá í gær þá voru viðbragðsaðilar í Eyjafirði kallaðir út um kl. 15:00 vegna aðila sem hafði verið í smalamennsku innarlega í Eyjafirði og slasast. Var þetta hátt upp í hlíðum Hagárdals að norðanverðu. Mjög erfiðlega gekk að komast til mannsins og þá var ekki hægt að notast við þyrlu LHG, sem kominn var norður, vegna misvinda í dalnum og mikils uppstreymis.

Þegar viðbragðsaðilar komust til hans var hann látinn. Tók þá við flókin fjallabjörgunaraðgerð þar sem færa þurfti manninn niður eina 500 metra í mjög brattri hlíð og bera hann síðan tæplega 3 km niður dalinn að flutningstæki sem þar var.

Þegar á leið verkefnið var óskað liðsinnis björgunarsveita úr Skagafirði og Þingeyjarsýslu og mættu hópar frá þeim og lögðu verkefninu liðsinni sitt.

Aðgerðum í Hagárdal lauk um upp úr kl. 23:00 í gærkveldi.

Þökkum við öllum viðbragðsaðilum sem komu að verkefni þessu, sem var mjög krefjandi, kærlega fyrir þeirra aðstoð. Um tildrög atviksins er ekki frekar vitað og er rannsókn í höndum lögreglu.”

Lögreglan á Norðurlandu eystra sendi frá sér svohljóðandi tilkynningu fyrir skömmu.:

,,Um kl. 15:00 í dag fékk lögreglan á Norðurlandi eystra tilkynningu um slasaðan gangnamann innarlega í Eyjafirði. Ljóst var strax að um krefjandi verkefni var að ræða í brattri hlíð og voru sjúkraflutningar á Akureyri og björgunarsveitir í Eyjafirði kallaðar út sem og þyrla Landhelgisgæslunnar.

Verið er vinna að því að koma viðbragðsaðilum á vettvang.

Fréttin verður uppfærð þegar frekari upplýsingar liggja fyrir.”

Segir í áður nefndri tilkynningu. 

„Það er ljóst að sauðfé fækkar enn og við sjáum ekki fyrir endann á því. Það er grafalvarlegt mál og erfitt að stoppa það ferli. Ekki bætir úr skák að forsvarsmenn stórverslana sem skila milljörðum í hagnað fá óhindrað að koma fram í fjölmiðlum og vara við þeim hækkunum sem bændur eru nú í haust að fá frá afurðastöðvum,“ segir Sigmundur Hreiðarsson framleiðslustjóri Kjarnafæðis-Norðlenska í sláturhúsinu á Húsavík.

Fram kemur á vef Akureyrarbæjar að á  fundi bæjarráðs Akureyrar í gær hafi m.a verið rætt um starfsemi Hafnasamlags Norðurlands en eins og  fram hefur komið hefur mikil umræða verið meðal fólks um komur skemmtiferðaskipa til bæjarins í sumar. 

Eftirfarandi bókun var samþykkt samhljóða á fundi ráðsins.

Tónlistarhátíðin Eyrarrokk er haldin ár hvert í októbermánuði á tónleikastaðnum Verkstæðinu sem staðsettur er á Akureyri. Verkstæðið er nýlegur tónleikastaður sem einnig hýsir Vitann matsölustað á Strandgötu 53, en heilmiklar endurbætur hafa verið gerðar á staðnum til að gera hann sem bestan til að hýsa slíka tónlistarveislu sem fram undan er.

Hjólreiðafélag Akureyrar stóð fyrir áskorun fyrir félagsmenn sína í ágúst þar sem markmiðið var að hjóla 1000 km og fá fyrir grobbréttinn  og bol því till staðfestingar. Þónokkur fjöldi hjólara skráði sig til leiks og hófust hjólarar á svæðinu strax við að safna kílómetrum en enginn að jafn miklum krafti og Ríkarður Guðjónsson. En Ríkarður sem verður sextugur þann 29. september næstkomandi gerði sér lítið fyrir og hjólaði 2.060 kílómetra á 74 klukkustundum og fór nærri tvær ferðir uppá fjallið Everest eða 15.000 metra uppávið.

Rekstrarhagnaður Samherja hf. nam 9,9 milljörðum króna á árinu 2022 og jókst um rúmlega 800 milljónir króna milli ára. Hagnaður af rekstri samstæðu Samherja hf., þegar tekið hefur verið tillit til afkomu hlutdeildarfélaga og fjármagnsliða, nam 14,3 milljörðum króna eftir skatta en var 17,8 milljarðar króna á árinu 2021.

Þetta er á meðal þess sem kemur fram í ársreikningi Samherja hf. fyrir árið 2022 sem samþykktur var á aðalfundi félagsins hinn 24. ágúst síðastliðinn.

Þorsteinn Már Baldvinsson, forstjóri Samherja hf., gerði grein fyrir uppgjörinu á aðalfundinum og nefndi í ræðu sinni að í heild hefði afkoman verið góð á árinu 2022. Sumt hafi gengið betur en árið á undan en annað ekki. Uppgjörið litaðist að hluta til af þeim breytingum sem hefðu orðið á efnahagsreikningi Samherja hf. á árinu en þær veigamestu fólust í því að ýmsar eignir voru færðar til félagsins Kaldbaks ehf.

Þurfum að sýna ábyrgð í nýtingu orkunnar

„Þetta kom mér algjörlega að óvörum, ég vissi ekki hvaða erindi þau áttu við mig núna,“ segir Liesel Malmquist íbúi við Skógarhlíð 29 í Hörgársveit. Fulltrúar úr sveitarstjórn mættu til hennar og afhentu umhverfisverðlaun Hörgársveitar fyrir fallega lóð. Liesel fékk einnig umhverfisverðlaun fyrir lóð sína við Skógarhlíð fyrir 15 árum síðan.

Í haust og vetur verður hægt að ferðast með flugi frá Akureyri um allan heim. Breska flugfélagið easyJet hefur flug til Akureyrar í lok október og Icelandair býður upp á beint flug á Keflavíkurflugvöll þaðan sem hægt er að tengja við flugáætlun félagsins bæði til Bandaríkjanna og Evrópu.