Standgata 17 var á dögunum auglýst til sölu en bæjarstjórn Akureyrar ákvaða að selja húsið sem stendur á góðum stað í bænum. Kvaðir fylgja kaupunum sbr eftirfarandi sem var að finna í söluyfirliti með þessari eign.
Tafir gætu orðið á umferð á næstu tímum á Öxnadalsheiði við Gil. Umferðaróhapp átti sér þarna stað á milli jeppabifreiðar og fólksflutningabifreiðar. Lögregla og björgunarlið er á staðnum og einungis önnur akreinin er opin. Unnið er að því að koma fólki til byggða. Engin slys urðu á fólki og biðlar lögreglan til ökumanna er fara fram hjá að sýna aðgæslu.
Þeir eru ekki bara góðir í fótbolta strákarnir í mfl karla í fótbolta hjá KA þvi þeir eru líka sannköllluð gæðablóð. Rétt fyrir jólin heimsóttu tveir fulltrúar liðsins barnadeild SAk færandi hendi. Hópurinn gaf fjóra ísskápa, örbylgjuofn, spjaldtölvu og drykki í skápana.
Þetta framtak þeirra er svo sannarlega mikilsvirði fyrir barnadeildina og mun nýtast þar mjög vel.
Jólin eru besti tími ársins í hugum margra og oft á tíðum nýtir fólk jólin til afslöppunar og samveru með fjölskyldu. Það vill þó gleymast að fjöldinn allur af dugnaðarforkum úti um allan bæ vinnur myrkranna á milli í jólavertíðinni.
Það stendur heilmikið til í Akureyrarkirkju á morgun 28 des kl 20.00 þegar þær vinkonurnar Snæbjörg Gunnarsdóttir sópran, María Sól Ingólfsdóttir sem einnig er sópran og Þóra Kristín Gunnarsdóttir píanóleikari bjóða til söngskemmtunnar sem þær kalla Á hæstri hátíð nú – hátíðartónleikar í Akureyrarkirkju
Vikublaðinu lék forvitni á að vita hvað stæði til og settum við okkur í samband við Maríu Sól sem m.a fékk Grímuna sem besti söngvari árisns 2021 fyrir söng í óperunni Ekkert er sorglegra en manneskjan og inntum hana eftir þvi hvað stæði fyrir dyrum.
Vegagerðin hefur framlengt samning við Andey ehf. um að halda uppi siglingum milli Hríseyjar og Árskógasands næstu þrjá mánuði, eða til 31. mars 2023. Þetta er gert til að siglingar Hríseyjarferju falli ekki niður en það myndi valda mikilli röskun á samgöngum við Hrísey. Þetta kemur fram á vef Vegagarðarinnar.
Vikublaðið setti sig í samband við Ingibjörgu Jónsdóttur sem er forstöðuljósmóðir á Fæðingardeild SAk og spurði um fjölda þeirra barna sem fæðst hafa á sjúkrahúsinu á þessu ári.
,,Í dag er staða sú að fæðingar það sem af er ári eru 425. Tvíburafæðingar hafa verið 7 á árinu þannig að fjöldi barna er 432 og skiptist það mjög jafnt á milli kynja því stúlkur eru 215 og drengir 217” segir Ingibjörg.
Viðskiptavinir og starfsfólk ELKO völdu tólf málefni sem hljóta styrki úr styrktarsjóði ELKO í formi peningagjafar, raftækja og afþreyingar.
Fimmtudaginn 22. desember veitti Kennarasamband Íslands 400 þúsund króna styrk til starfs Bjarmahlíðar, miðstöðvar fyrir þolendur ofbeldis á Akureyri. Um er að ræða hinn svokallaða Jólakortastyrk Kennarasambandsins en það hefur ekki sent jólakort um langt árabil og þess í stað látið fé af hendi rakna til stofnana, samtaka og félagasamtaka sem vinna að velferð barna og ungmenna.
Jólablað Vikublaðsins kannaði stemmninguna í Danmörku
Helga Bragadóttir var í haust ráðin prestur í Glerárkirkju. Sr. Helga, sem ólst upp fyrstu tíu árin á Siglufirði og flutti svo til Hafnarfjarðar
Hér verður reynt að svara spurningunni sem hefur brunnið á mörgum í langan tíma, hvað hver og einn af þeim bræðrum tekur í bekkpressu.
-Jóndís Inga og Hallgrímur Mar eiga von á sínu fyrsta barni saman í janúar
Jólin eru besti tími ársins í hugum margra og oft á tíðum nýtir fólk jólin til afslöppunar og samveru með fjölskyldu. Það vill þó gleymast að fjöldinn allur af dugnaðarforkum úti um allan bæ vinnur myrkranna á milli í jólavertíðinni. Hér fá þeir hópar sem fara á fullt fyrir okkur hin um jólin, og gleymast oft í umræðunni, verðskuldað hrós. Athugið, listinn er ekki tæmandi.
Tónlistarmaðurinn Birkir Blær heldur tónleika á Græna hattinum fimmtudaginn 29. desember kl. 21.00
Birkir býr í Stokkhólmi þar sem hann starfar sem tónlistarmaður. Hann er að vinna að útgáfu plötu og er einnig að koma fram við ýmis tækifæri. Birkir vakti gríðarlega athygli í Svíþjóð þegar hann tók þátt í Idol söngkeppninni þar í landi. Hann sigraði í keppninni og hefur verið á samningi hjá Universal útgáfunni síðan. Hann hefur komið fram með afar þekktum tónlistarmönnum í Svíþjóð og lagahöfundar sem hafa unnið fyrir marga af þekkstu tónlistarmönnum heimsins hafa lýst áhuga á að vinna með honum.
Vefurinn setti sig i samband við valinkunna Norðlendinga og sendi þeim nokkrar spurningar tengdum jólum og aðdraganda þeirra vildi hvað skiptir fólk máli á þessum tíma og hver væri eftirminnilegasta jólagjöfin amk. enn sem komið er. Það er Inga Vestmann í Pedrómyndum og ein aðalkonan í Dekurdögum sem fram fara í október hér í bæ árlega.
Helga Kristjana Geirsdóttir verslunarstjóri Nettó á Húsavík afhenti í gær Sr. Sólveigu Höllu Kristjánsdóttur, sóknarpresti á Húsavík jólastyrk fyrir hönd Nettó
Jóladagskrá Grímseyinga hófst liðna helgi en þá héldu Kiwanis klúbbur eyjarinnar og Kvenfélagið Baugur sitt árlega jólahlaðborð í félagsheimilinu Múla og tóku um 40 manns þátt. Þá var einnig kveikt á jólatrénu sem stendur við húsið
Nú þegar hillir undir að árið renni sitt skeið er gott að setjast niður og líta um öxl, skoða það sem vel hefur farið á árinu og það sem hefur áunnist í stóru og smáu.
Ég er svo lánsöm að í starfi mínu sem þingmaður fæ ég að kynnast fjölbreyttum verkefnum, vera í góðum tengslum við kjósendur og fólk í mínu kjördæmi. Það er alltaf ánægjulegt að ferðast um kjördæmið, kynnast nýju fólki og viðhalda góðum tengslum. Á ferðum mínum heyri ég að öll erum við samróma um það að vilja það besta fyrir okkar samfélag.
Í starfi mínu á árinu sem þingmaður og formaður fjárlaganefndar eru mörg mál sem standa upp úr og bara til að stikla á stóru langar mig til að nefna nokkur mál sem ég tel vera til mikilla bóta fyrir okkur öll.
Það er að mörgu að hyggja fyrir gæludýraeigendur yfir jól og áramót margt spennandi en kannksi ekki eins heppilegt fyrir gæludýrið. Þau á Dýraspítalanum Lögmannshlíð tóku saman heilræði sem þau birtu á Facebooksíðu þeirra
Heimasíða Norðurorku segir skemmtilega sögu.
Á dögunum voru veittar starfsaldursviðurkenningar hjá Norðurorku hf.
Það er gaman að segja frá því að almennt er starfsaldur hár í fyrirtækinu og starfsmannavelta lítil. Það voru 23 einstaklingar sem höfðu starfað í 10 ár eða lengur hjá Norðurorku þegar viðurkenningarnar voru veittar og var samanlagður starfsaldur þeirra 545 ár. Í slíkri reynslu býr mikill mannauður.
Einn þeirra sem hlaut viðurkenningu fyrir starfsaldur er Kjartan S. Friðriksson, 70 ára unglamb sem státaði af 54 ára starfsaldri þegar hann lét af störfum. Það þýðir að Kjartan vann fyrir Norðurorku, og forverum fyrirtækisins, allan sinn starfsaldur en slíkt er fágætt á vinnumarkaði nútímans.
-segir Ólíver Þorsteinsson, rithöfundur og bókaútgefandi
Nú á hádegi lágu niðurstöður rafrænnar atkvæðagreiðslu um nýja kjarasamninga Félags verslunar- og skrifstofufólks Akureyri og nágrenni (FVSA) við Samtök atvinnulífsins (SA) og Félag atvinnurekenda (FA) fyrir. Báðir samningar voru samþykktir með miklum meirihluta.
Oddfellowstúkan Sjöfn á Akureyri veitti Krabbameinsfélagi Akureyrar og nágrennis (KAON) 700 þúsund króna styrk í tilefni 70 ára afmælis félagsins fyrr á árinu.
Rafrænni atkvæðagreiðslu um nýjan kjarasamning við Samtök atvinnulífsins (SA) lauk á hádegi í dag og var hann samþykktur með 90.82% greiddra atkvæða.
Alls voru 1.905 á kjörskrá Félags verslunar- og skrifstofufólks Akureyri og nágrenni, þar af nýttu 523 atkvæðisrétt sinn og kjörsókn því 27.45%. Alls samþykktu 475 samninginn, eða 90.82% þeirra sem kusu, 41 höfnuðu samningnum eða 7.84% og 7 tóku ekki afstöðu, eða 1.34%.
„Ég færði mig frá Útgerðarfélagi Akureyringa til Samherja þegar þeir frændur höfðu gert út fyrsta skipið í hálft ár, frystitogarann Akureyrina EA. Á næsta ári verða liðin fjörutíu ár síðan saga Samherja hófst, þannig að ég hef verið hjá fyrirtækinu í rétt rúmlega 39 ár. Þótt ég láti nú formlega af störfum skila ég ekki lyklunum alveg strax, því við Kristján Vilhelmsson útgerðarstjóri höfum sammælst um að ég verði eftirmanni mínum innan handar næstu mánuðina,“ segir Ólafur Hermannsson lagerstjóri skipaþjónustu Samherja, sem eðli málsins samkvæmt er í hópi elstu starfsmanna Samherja.
Vefurinn setti sig i samband við valinkunna Norðlendinga og sendi þeim nokkrar spurningar tengdum jólum og aðdraganda þeirra vildi hvað skiptir fólk máli á þessum tíma og hver væri eftirminnilegasta jólagjöfin amk. enn sem komið er. Það er útvarpsmaðurinn góðkunni á Rás 1 Björn Þ. Sigbjörnsson sem er fyrir svörum.
