Vísindaskóli unga fólksins annað árið í röð
Ánægðir krakkar í Vísindaskólanum
Vísindaskóli unga fólksins verður starfræktur annað árið í röð við Háskólann á Akureyri vikuna 20.-24. júní. Skólinn er ætlaður börnum á aldrinum 11-13 ára. Viðbrögð við þessari nýjung í fyrra voru einstaklega góð en þá tóku 90 börn þátt í fjölbreyttri dagskrá vísinda og ævintýra. Að þessu sinni verður boðið upp á ný þemu þannig að börnin sem voru með í fyrra geta nú kynnst nýjum verkefnum með nýjum nemendum.
Skólinn er byggður upp á fimm þemum og fá nemendur að taka þátt í þeim öllum. Einn daginn fá þau að kynnast mannslíkamanum og mikilvægi þess að hugsa vel um heilsuna. Þá verða kynnt grundvallar atriði í fyrstu hjálp. Annan daginn kynnast þau Biophiliu sem er menntaverkefni mennta- og menningarmálaráðuneytis, Norrænu ráðherranefndarinnar, Reykjavíkurborgar, Háskóla Íslands og Bjarkar Guðmundsdóttur. Þar verða náttúruvísindi, tónlist og tækni tengd saman á nýstárlegan hátt. Þriðja daginn verður starfræktur Litli heimsspekiskólinn þar sem nemendur munu ræða um gott og illt, tilfinningar og hugmyndir sínar. Settur verður upp dómstóll barnanna og farið í heimsókn á lögreglustöðina. Fjórða daginn fá nemendur að kynnast jörðinni, loftlagsbreytingum, gróðurhúsaáhrifum og veðurfari. Gerðar verða margvíslegar tilraunir þessu tengt í eðlis- og efnafræði. Fimmta daginn kynnast þau tölvuheiminum út frá tækni og tölvuleikjum. Sett verður á fót fréttarás Vísindaskólans þar sem nemendur læra að búa til fréttir og taka viðtöl.
Háskólinn á Akureyri lítur á þessa starfssemi sem mikilvægan lið í samfélagsþjónustu en tilgangurinn skólans er tvíþættur. Í fyrsta lagi er honum ætlað að auka framboð á uppbyggilegum tilboðum fyrir börn þegar formlegu skólastarfi lýkur að vori og hins vegar er ætlunin að kynna skólann fyrir ungmennum á svæðinu og færa hann nær norðlenskum heimilum. Kennarar HA og nemendur á lokastigi munu annast kennsluna.
Innritun við skólann er hafinn en gert ráð fyrir að taka við svipuðum fjölda nemenda og í fyrra. Allar nánari upplýsinga má finna á heimasíðu skólans www.visindaskoli.is en þar má finna ítarlega dagskrá. (unak.is)/EPE
Nýjast
-
Styttri skóladagur og skráningardagar skila meiri ró og betri líðan í leikskólum
Ný rannsókn sýnir að gjaldfrjáls sex tíma leikskóli og skráningardagar hafa jákvæð áhrif á velferð barna og gæði leikskólastarfs á Akureyri og í Kópavogi. -
Björg EA 7 vígði endurbyggða Torfunefsbryggju á Akureyri
Endurbyggð Torfunefsbryggju við Pollinn á Akureyri var í dag vígð við hátíðalega athöfn. Togari Samherja, Björg EA 7, lagðist að bryggjunni og vígði þar með hið nýja mannvirki. -
Heilabrot – Nýsköpun fyrir betra samfélag
Heilabrot - vinnustofa í nýsköpun á sviði heilbrigðis- og velferðarmála á Norðurlandi - fór fram í síðustu viku í samvinnu Drift EA og Háskólans á Akureyri. Markmið verkefnisins var að skapa vettvang þar sem unnið er að þverfaglegum lausnum á áskorunum sem samfélagið á Norðurlandi stendur frammi fyrir í heilbrigðis- og velferðarmálum. Áskoranirnar komu frá breiðum hópi stofnana og fyrirtækja sem sýndu verkefninu mikinn áhuga. Þá var aðsókn lausnarmiðaðra þátttakenda einnig mikil og ekki vantaði útsjónarsemina. -
Benedikt Barðason skipaður skólameistari Verkmenntaskólans á Akureyri
Guðmundur Ingi Kristinsson, mennta- og barnamálaráðherra, hefur skipað Benedikt Barðason í embætti skólameistara Verkmenntaskólans á Akureyri til fimm ára frá 1. ágúst næstkomandi. -
Halldór Jón nýr skólameistari FSH
Halldór hefur starfað við skólann frá árinu 2017 sem aðstoðarskólameistari og áfangastjóri. -
Norðurþing og Björgunarsveitin Garðar efla samstarf
Með samningnum eru tengslin efld í því skyni að almannavarna- og æskulýðsstarf verði áfram þróttmikið -
Nýr áningarstaður í Hrísey – Lumar þu á nafni?
Ný gönguleið hefur verið tekin í notkun meðfram vesturströnd Hríseyjar. Á þeirri leið er gömul aflögð steypustöð sem nú hefur verið breytt í áningarstað. Áningarstaðurinn líkist einhvers konar ramma af húsi – þó það sé ekki hús í eiginlegri merkingu. -
Vilja nýta glatvarma til sniglaræktar
Sniglarækt hefur víða í Evrópu sannað sig sem vistvæn og arðbær búgrein með fjölbreyttum afurðum – allt frá lúxusmatvöru til hráefna í snyrtivöruiðnað. Nýnæmi verkefnisins felst í að aðlaga slíka ræktun að íslenskum aðstæðum með áherslu á sjálfbæra auðlindanýtingu og kolefnislágan rekstur. -
Laugardagur á Listasafninu á Akureyri
Laugardaginn 28. júní verður mikið um að vera á Listasafninu á Akureyri þar sem boðið verður upp á listamannaspjall við Þóru Sigurðardóttur kl. 15 undir stjórn Ann-Sofie N. Gremaud, en klukkan 14 sýnir Katrin Hahner gjörning í tengslum við þátttöku hennar í samsýningu norðlenskra listamanna, Mitt rými.
