Vinnsla hafin á ný hjá Norðurskel í Hrísey
„Þetta var auðvitað slæmt," segir Víðir Björnsson framkvæmdastjóri hjá Norðurskel, „eiginlega alveg rosalegt áfall, það er ekki hægt að segja annað." Nú er bjartara framundan og vinnsla hófst af fullum krafti í síðustu viku. Verið er að pakka kræklingi á markað í Belgíu og eins kom pöntun frá Frakklandi, „þeir hafa aldrei pantað hjá okkur áður, svo við erum himinlifandi með það," segir Víðir.
Varðandi eitrun þá sem upp kom í sumar segir Víðir að hún hafi gert mönnum ljósa grein fyrir því að nauðsynlegt sé að koma upp kræklingarækt á fleiri stöðum á landinu. Menn geti þá miðlað afurðum sín á milli því eitrun er iðulega staðbundin. Hann segir að í fyrra og á þessu ári hafi verið stofnuð 14 fyrirtæki um kræklingarækt víðs vegar um landið sem sýni að um vaxandi atvinnugrein sé að ræða í landinu. Félögin eru á svæðinu frá Hvalfirði, vestur, norður og austur um allt að Djúpavogi. Víðir segir að þeir sem nú séu að hefja framleiðslu geti lært af mistökum Norðurskeljamanna sem eru frumkvöðlar í kræklingarækt og hafa marga fjöruna sopið um árin varðandi veiðar og vinnslu. Þeir barnasjúkdómar séu nú að baki og Norðurskel miðli fúslega af reynslu sinni.
Áætlað er að Norðurskel framleiði um 40 tonn af skel í ár, en á næsta ári er stefnt að því að auka framleiðsluna til muna og áætlanir gera ráð fyrir að framleidd verði um 180 tonn árið 2010. „Við höfum fengið mjög góðar viðtökur, eyfirska skelin þykir mikið lostæti og söluhorfur framundan eru góðar, þannig að þrátt fyrir allt erum við bjartsýn á framtíðina," segir Víðir og bætir við að verðið sé gott og greitt er í evrum. Það bjargi miklu á þessum tíma.
Starfsmenn hjá Norðurskel eru nú 8 talsins, en um mánaðamót verður 6 starfsmönnum bætti við vegna mikilla verkefna framundan. „Og það munar um það í Hrísey, þetta er stór vinnustaður hér," segir Víðir.
Nýjast
-
Alþjóðaflugvöllur á Akureyri verði byggður upp
Sveitarfélögin á Norðurlandi vestra og Norðurlandi eystra skora á ríkisstjórn Íslands og Alþingi að koma rekstri, uppbyggingu og markaðssetningu Akureyrarflugvallar fyrir hjá sérstakri stjórn eða félagi, sem hefur það að markmiði að alþjóðaflugvöllurinn sé byggður upp og kynntur sem ein af gáttum Íslands -
Grafalvarleg staða í rekstri PCC Bakka rædd í atvinnuveganefnd Alþingis.
Atvinnuveganefnd Alþingis hefur verið upplýst um grafalvarlega stöðu í rekstri PCC Bakka við Húsavík, þar sem stefnt gæti í rekstrarstöðvun undir lok sumars ef ekki tekst að snúa vörn í sókn. -
Listasafnið á Akureyri Nýjar sýningar opnaðar
Sýningar Heimis Hlöðverssonar, Samlífi, og Þóru Sigurðardóttur,Tími – Rými – Efni, verða opnaðar í Listasafninu á Akureyri á laugardag 17. maí kl. 15. Á opnunardegi verður leiðsögn með Heimi kl. 15.45. -
Orkey fyrst á Íslandi með sjálfbærni- vottaða framleiðslu á lífeldsneyti
Orkey hefur fengið alþjóðlega kolefnis- og sjálfbærnivottun, ISCC EU, á lífdísilframleiðslu sína á Akureyri fyrst fyrirtækja sem framleiða lífeldsneyti hérlendis. -
Heyrn er ekki munaður – hún er þátttaka
Það var ánægjulegt að sækja fund hjá Félagi eldri borgara á Akureyri (EBAK) síðastliðinn föstudag. Rétt rúmlega hundrað manns mættu – áhugasamir, upplýstir og málefnalegir. Þar skapaðist gott samtal um þau mál sem brenna mest á eldra fólki í dag. Ábendingar komu víða að og spurningarnar voru margar og skýrar. Það var sérstaklega áberandi að umræðan snerist ítrekað að sömu kjarnamálunum: skerðingum, lífeyrissjóðum en einnig að heilbrigðisþjónustu. -
Sundlaug Akureyrar lokuð 18.-22. maí – opið lengur í Glerárlaug 18. maí
Sundlaug Akureyrar verður lokuð dagana 18.-22. maí eða frá sunnudegi til fimmtudags í næstu viku. -
Byggingaréttur á lóðum á Torfunefsbryggju boðin út í maí
Byggingaréttur á tveimur lóðum við Torfunefsbryggju þar sem eru til staðar fimm byggingareitir verður boðin út nú síðar í maí. -
Sumarið er komið!
Þetta dásamlega veður sem landsmenn njóta er gleðiefni og er þá vægt tekið til orða, á heimasíðu Þingeyjarsveitar er þessari blíðu fagnað. -
Skýr og lausnamiðuð afstaða Framsóknar til veiðigjalda
Framsókn hefur tekið skýra og málefnalega afstöðu í umræðunni um veiðigjöld. Við styðjum heilshugar réttmæta kröfu samfélagsins um að sameiginleg sjávarauðlind þjóðarinnar skili arði sem gagnast samfélaginu öllu. Hins vegar skiptir máli hvernig það er gert. Óvönduð skattheimta getur skaðað atvinnulíf, dregið úr nýsköpun og veikt byggðir sem byggja afkomu sína á sjávarútvegi.