Togaranum Víði EA lagt og fyrirhugað að leggja Árbak EA
Kristján Vilhelmsson útgerðarstjóri Samherja vildi ekki ræða við Vikudag um þessi mál, en hann sagði í samtali við RÚV, að þetta væri nauðsynleg aðgerð til að bregðast við kvótaskerðingu, en fyrirtækið hyggst fjölga í flota sínum á næsta fiskveiðiári.
Konráð Alfreðsson segir að í áhöfn Víðis auk afleysingamanna séu yfir 30 sjómenn og að líkindum á milli 15 og 17 á Árbak, þannig að hátt í 50 sjómenn missi vinnuna í kjölfar þess að skipunum verði lagt. "Þetta snertir fjölmargar fjölskyldur, líklega um 160 manns í allt þannig að þetta er gríðarlegt áfall," segir Konráð. Hann segir tíðindin þó ekki að öllu leyti koma á óvart, "og það er sjálfsagt bara tímaspursmál hvenær til dæmis Kaldbak verði lagt," segir hann. Umhverfið sé með þeim hætti nú á tímum kvótaniðurskurðar og nýrrar tækni við veiðar og vinnslu að það sé sjómönnum langt í frá hagstætt. Nú er mikið um að í landi sé unnið úr frystum fiski, hann þíddur upp þegar í land er komið. "Það er þróun í þessum efnum sem öðrum og við henni er ekki hægt að sporna," segir Konráð.
Hann segir að uppsagnir félagsmanna í Sjómannafélagi Eyjafjarðar sé áfall, sjómönnum fækki ár frá ári og staðan nú í ár sé alls ekki góð, "ég sé ekki fyrir mér hvað þessir menn eiga að fara að gera, staðan á atvinnumarkaði er ekki með besta móti um þessar mundir, þannig að þetta eru í alla staði mjög slæm tíðindi." Hann segist hafa miklar áhyggjur af stöðu útgerðar í Eyjafirði almennt og nefnir sem dæmi að á fyrrum stórútgerðarstaðnum Akureyri sjáist vart skip nú orðið. "Þau eru nánast alveg horfin og það má segja að það séu engin skip gerð út héðan lengur."
Nýjast
-
Fimm tilboð í göngubrú
Fimm tilboð bárust í byggingu á nýrri steinsteyptri göngubrú í götustæði Borgarbrautar, auk stígagerðar að aðliggjandi stígum, uppsetningu á grjótkörfum, stoðveggjum og uppsetningu á lýsingu. -
Feðgar útskrifast með stúdentspróf
Upp er runninn síðasti kennsludagur þessarar vorannar 2025. Í mörg horn hefur verið að líta síðustu daga fyrir bæði kennara og nemendur enda þarf að ljúka við hin ýmsu verkefni og einnig eru próf í mörgum námsáföngum. Fram undan eru námsmatsdagar og punkturinn verður síðan settur yfir i-ið með brautskráningu í Menningarhúsinu Hofi laugardaginn 24. maí. -
Nýtt diplómanám við HA fyrir fólk með fjölþættar stuðningsþarfir
Háskólinn á Akureyri leitar að brautryðjendum sem langar að taka þátt í spennandi þróunarverkefni og hefja nám við skólann. -
Krúttlegasta hjólamót árins haldið á Akureyri á sunnudaginn
Krónan, Akureyrardætur og Hjólreiðafélag Akureyrar standa fyrir hjólamóti fyrir krakka á aldrinum 2 til 12 ára og fer mótið fram í Kjarnaskógi sunnudaginn 18. maí næstkomandi. Um er að ræða fyrsta hjólamótið sem Krónan heldur á Akureyri en mótið er haldið að fyrirmynd Krónumótsins í Öskjuhlíð sem er orðinn árlegur viðburður í september ár hvert. Skráning á mótið er hafin og eru öll börn velkomin. -
JÖKLABLÁMI opnun í Verksmiðjunni á Hjalteyri 17 maí 2025, kl. 14:00
Sýningin Jöklablámi opnar í Verksmiðjunni á Hjalteyri 17 maí kl. 14:00 Sýningin stendur til og með 22 júní. Opið alla daga nema mánudaga frá 14:00 til 17:00 -
Ótryggt sjúkraflug frá Húsavík
Á fundi byggðaráðs Norðurþings á dögunum Óskaði Rebekka Ásgeirsdóttir S-lista eftir umræðu sjúkraflug frá Húsavíkurflugvelli. -
Erum hætt að deyja ung!
Þessi rúmlega miðaldra sem þetta skrifar sat nýlega málstofu sem fjallaði um gervigreind í umönnun eldra fólks. Fram að því hafði hún ekki mikið leitt hugann að gervigreind og hvernig best er að nýta hana. Sú greinda hafði til þessa notað mig til að sýna mér endalaust í viðbót ef ég hafði til dæmis verið að skoða mér skó á netinu. -
Landinn heimsækir lögreglufræðinámið á Akureyri
Á dögunum var hægt að horfa á þegar Landinn á RÚV heimsótti lögreglufræðinámið við Háskólann á Akureyri. Okkur lék forvitni á að vita hvernig þetta kom til og kynnast stemmningunni í slíkri heimsókn. Andrew Paul Hill, lektor við lögreglufræðina, varð fyrir svörum. Hann segir að það hafi ekki verið nein formleg kynning sem varð til þess að Landinn heimsótti þau heldur þvert á móti hafi það verið heppileg tilviljun og jákvætt viðhorf áhugasamra aðila sem leiddi þetta spennandi verkefni af sér. -
Kisukot áfram á einkaheimili
Fyrir liggja drög að þjónustusamningi til eins árs um tímabundna meðhöndlun á köttum þar sem gert er ráð fyrir að Kisukot verði áfram starfrækt við Löngumýri á Akureyri svo sem verið hefur í rúman áratug.