Færðu sjúkradeildinni gjafir að verðmæti 4,5 milljónir
Sjúkradeild Heilbrigðisstofnunar Norðurlands á Húsavík tók 19. október við veglegri gjöf frá Krabbameinsfélagi Suður-Þingeyinga. Um er að ræða tvö fullbúin sjúkrarúm og blöðruskanna, en samanlagt verðmæti gjafanna er um 4,5 milljónir króna.
Annað rúmið var keypt fyrir fé sem safnaðist með áheitum á hlaupara félagsins í Reykjavíkurmaraþoninu. Alls söfnuðust 707.010 krónur, sem hafa nú skilað sér í búnaði fyrir sjúkradeildina á Húsavík.
Í kveðju frá félaginu kemur fram að þakklæti til hlauparanna og allra þeirra sem lögðu söfnuninni lið sé efst í huga. Félagið sé afar stolt af framtaki hlauparanna. Stuðningur þeirra og annarra velunnara geri félaginu kleift að leggja samfélaginu lið með gjöfum sem þessari og halda jafnframt uppi þjónustu við skjólstæðinga sína.
Starf felst meðal annars í stuðningi og fræðslu fyrir fólk sem greinist með krabbamein og aðstandendur þess. Á vegum félagsins starfar stuðningshópurinn Lóan, sem hittist reglulega í Bjarnahúsi. Þar gefst fólki tækifæri til að miðla reynslu, sækja stuðning og eiga góðar stundir saman.
Gjöfin barst í Bleikum október, þegar athygli er vakin á krabbameinum hjá konum og sýnd samstaða með þeim sem greinast og aðstandendum þeirra. Yfirskrift Bleiku slaufunnar í ár er „Sjáðu þig“.
Framtak hlauparanna og gjöfin til sjúkradeildarinnar sýna með áþreifanlegum hætti hvernig mörg framlög geta orðið að mikilvægum stuðningi í heimabyggð. Þótt október sé helgaður árvekni og samstöðu heldur starfið áfram allt árið. Með þátttöku í fjáröflunum og stuðningi við félagið geta íbúar og fyrirtæki hjálpað til við að tryggja að sú þjónusta sé áfram til staðar þegar á þarf að halda.
Nýjast
-
Færðu sjúkradeildinni gjafir að verðmæti 4,5 milljónir
Sjúkradeild Heilbrigðisstofnunar Norðurlands á Húsavík tók 19. október við veglegri gjöf frá Krabbameinsfélagi Suður-Þingeyinga. Um er að ræða tvö fullbúin sjúkrarúm og blöðruskanna, en samanlagt verðmæti gjafanna er um 4,5 milljónir króna. -
Lokaorðið - Skuldbinding
Að skuldbinda sig til einhvers er að skylda sig til einhvers eða heita einhverju með hátíðlegi loforði samkvæmt íslenskri orðabók. Þetta orð hefur leitað á huga minn í talsverðan tíma. Ég er nú einu sinni þannig gerð að heilinn í mér á það til að festast í einhverjum hugrenningum og þetta orð er eitt af þeim. Mér finnst skuldbinding fólks fara þverrandi. -
Minnisvarði um síðutogarasjómenn vekur mikla athygli
Minnisvarðinn um síðutogara og síðutogarasjómenn hefur fengið afar jákvæðar viðtökur frá því hann var settur upp skammt norðan við athafnasvæði Siglingaklúbbsins Nökkva á Höefnerssvæðinu. Hann hefur vakið athygli bæði innanlands og utan. Eldri togarasjómenn stóðu fyrir söfnun vegna minnisvarðans, en þeir standa nú frammi fyrir því að um 1,5 milljónir króna vantar upp á til að greiða niður síðustu skuldir vegna þessa verkefnis. -
„Vinnustaður þar sem fólk hefur jöfn tækifæri til að hafa áhrif“
Háskólinn á Akureyri hefur hlotið viðurkenningu Jafnvægisvogarinnar fyrir árið 2026 fyrir kynjajafnvægi í efsta lagi stjórnunar. -
Farþegafjölgun hjá Sæfara á liðnu sumri..... um einn
Farþegum með Grímseyjarferjunni Sæfara fjölgaði milli ára samkvæmt nýjum tölum fyrir tímabilið 1. maí til 1. september. Sumarið 2025 flutti ferjan 6.028 farþega en sumarið 2026 voru farþegarnir 6.029. Það fjölgaði um einn farþega á tímabilinu. -
Lögreglan á Norðurlandi eystra Óskar eftir fjármögnun 7 nýrra stöðugilda
Lögreglan á Norðurlandi eystra fer fram á fjármögnun fyrir sjö ný stöðugildi, þar af fimm til almennrar eflingar löggæslu og tvö vegna verkefna sem tengjast ofbeldi gegn börnum. -
Vilja að dætur geti leitað jafnt til pabba og mömmu
Tögl og tíðir: Að greiða hár barns getur verið meira en verkefni sem þarf að ljúka áður en haldið er út í daginn. Stundin getur líka gefið færi á spjalli, samveru og tengslamyndun. Á námskeiðinu Tögl og tíðir hjá Þekkingarneti Þingeyinga fá feður tækifæri til að æfa hárgreiðslu og fræðast um blæðingar. Markmiðið er að efla bæði færni þeirra og öryggi í föðurhlutverkinu. -
Loftbrúin má ekki missa flugið
Fyrir okkur sem búum fjarri höfuðborginni skiptir máli að við getum greiðlega sótt þangað þjónustu án þess að slíkar ferðir valdi óþarfa fjárhagsáhyggjum. Það er grundvallaratriði að búseta ráði ekki möguleikum fólks til að nýta þá þjónustu sem byggð hefur verið upp fyrir alla landsmenn í höfuðborginni. Þar spilar innanlandsflugið lykilhlutverk. Boðaðar breytingar innviðaráðherra í tengslum við Loftbrúnna valda því miklum vonbrigðum. -
Tæplega 1300 manns starfa við ferðaþjónustu á Akureyri
„Ferðaþjónusta hefur á undanförnum árum orðið afar mikilvæg stoð í atvinnulífi á Akureyri,“ segir Jóhannes Þór Skúlason framkvæmdastjóri Samtaka ferðaþjónustunnar.
