Minnisvarði um síðutogarasjómenn vekur mikla athygli
Minnisvarðinn um síðutogara og síðutogarasjómenn hefur fengið afar jákvæðar viðtökur frá því hann var settur upp og hefur hann víða vakið athygli, innanlands sem utan. Minnisvarðinn tekur sig sérlega vel út þegar kvölda tekur. Mynd Hilmar Friðjónsson
Minnisvarðinn um síðutogara og síðutogarasjómenn hefur fengið afar jákvæðar viðtökur frá því hann var settur upp skammt norðan við athafnasvæði Siglingaklúbbsins Nökkva á Höefnerssvæðinu. Hann hefur vakið athygli bæði innanlands og utan. Eldri togarasjómenn stóðu fyrir söfnun vegna minnisvarðans, en þeir standa nú frammi fyrir því að um 1,5 milljónir króna vantar upp á til að greiða niður síðustu skuldir vegna þessa verkefnis.
Sigfús Ólafur Helgason einn forsvarsmanna verkefnisins segir viðbrögðin frábær. „Okkur berast nánast daglega skilaboð og símtöl frá fólki sem hrósar minnismerkinu og þakkar fyrir framtakið. Kertakrossinn við minnisvarðann hefur vakið athygli og að honum hafa fjölmargir komið til að tendra á kerti til minningar um ástvini sína. Þá hefur svæðið í auknum mæli fest sig í sessi sem helgur minningarstaður sjómanna,“ segir hann.
Öfluðu ríkinu tekna
Þá nefnir Sigfús að minnisvarðinn hafi einnig vakið athygli utan landsteinanna. „Erlendir ferðamenn hafa lýst aðdáun sinni á verkinu og umfjöllun hefur birst í erlendum miðlum, meðal annars í Hull á Bretlandi. Nú þegar skammdegið nálgast njóta ljósin í minnismerkinu sín sérstaklega vel og skapa eftirminnilega stemningu.“
Sigfús segir að verkefnið hafi reynst dýrara en upphaflega var gert ráð fyrir. Ríkið veitti 1,5 milljóna króna styrk til framkvæmdarinnar, en á móti þurfti að greiða rúmlega 2,4 milljónir króna í virðisaukaskatt vegna verkefnisins. „Þannig að við öfluðum ríkinu tæplega einnar milljóna króna í hreinar tekjur í ríkissjóð af þessu fallega minnismerki. Þetta er svo galið að það er eiginlega hlægilegt.“
Markmiðið að borga allt upp fyrir áramót
Sigfús bendir á að verkefnið hafi allt verið unnið í sjálfboðavinnu þar sem fremstir í flokki fóru fjórir fyrrverandi sjómenn. „Staðan er þannig að þrátt fyrir mikinn stuðning fjölmargra velunnara vantar enn 1,5 milljónir króna til að greiða síðustu skuldir vegna verkefnisins,“ segir hann. Því hafi verið opnað fyrir frjáls framlög frá einstaklingum og fyrirtækjum. „Markmiðið er að allar skuldir vegna minnisvarðans verði greiddar fyrir áramót,“ segir Sigfús og er bjartsýnn á að það muni ganga upp. „Í öllum þeim verkefnum sem við fyrrum sjómenn höfum komið að hefur okkur tekist að ljúka verkinu. Við erum sannfærðir um að það muni einnig takast núna,“
Nýjast
-
Lokaorðið - Skuldbinding
Að skuldbinda sig til einhvers er að skylda sig til einhvers eða heita einhverju með hátíðlegi loforði samkvæmt íslenskri orðabók. Þetta orð hefur leitað á huga minn í talsverðan tíma. Ég er nú einu sinni þannig gerð að heilinn í mér á það til að festast í einhverjum hugrenningum og þetta orð er eitt af þeim. Mér finnst skuldbinding fólks fara þverrandi. -
Minnisvarði um síðutogarasjómenn vekur mikla athygli
Minnisvarðinn um síðutogara og síðutogarasjómenn hefur fengið afar jákvæðar viðtökur frá því hann var settur upp skammt norðan við athafnasvæði Siglingaklúbbsins Nökkva á Höefnerssvæðinu. Hann hefur vakið athygli bæði innanlands og utan. Eldri togarasjómenn stóðu fyrir söfnun vegna minnisvarðans, en þeir standa nú frammi fyrir því að um 1,5 milljónir króna vantar upp á til að greiða niður síðustu skuldir vegna þessa verkefnis. -
„Vinnustaður þar sem fólk hefur jöfn tækifæri til að hafa áhrif“
Háskólinn á Akureyri hefur hlotið viðurkenningu Jafnvægisvogarinnar fyrir árið 2026 fyrir kynjajafnvægi í efsta lagi stjórnunar. -
Farþegafjölgun hjá Sæfara á liðnu sumri..... um einn
Farþegum með Grímseyjarferjunni Sæfara fjölgaði milli ára samkvæmt nýjum tölum fyrir tímabilið 1. maí til 1. september. Sumarið 2025 flutti ferjan 6.028 farþega en sumarið 2026 voru farþegarnir 6.029. Það fjölgaði um einn farþega á tímabilinu. -
Lögreglan á Norðurlandi eystra Óskar eftir fjármögnun 7 nýrra stöðugilda
Lögreglan á Norðurlandi eystra fer fram á fjármögnun fyrir sjö ný stöðugildi, þar af fimm til almennrar eflingar löggæslu og tvö vegna verkefna sem tengjast ofbeldi gegn börnum. -
Vilja að dætur geti leitað jafnt til pabba og mömmu
Tögl og tíðir: Að greiða hár barns getur verið meira en verkefni sem þarf að ljúka áður en haldið er út í daginn. Stundin getur líka gefið færi á spjalli, samveru og tengslamyndun. Á námskeiðinu Tögl og tíðir hjá Þekkingarneti Þingeyinga fá feður tækifæri til að æfa hárgreiðslu og fræðast um blæðingar. Markmiðið er að efla bæði færni þeirra og öryggi í föðurhlutverkinu. -
Loftbrúin má ekki missa flugið
Fyrir okkur sem búum fjarri höfuðborginni skiptir máli að við getum greiðlega sótt þangað þjónustu án þess að slíkar ferðir valdi óþarfa fjárhagsáhyggjum. Það er grundvallaratriði að búseta ráði ekki möguleikum fólks til að nýta þá þjónustu sem byggð hefur verið upp fyrir alla landsmenn í höfuðborginni. Þar spilar innanlandsflugið lykilhlutverk. Boðaðar breytingar innviðaráðherra í tengslum við Loftbrúnna valda því miklum vonbrigðum. -
Tæplega 1300 manns starfa við ferðaþjónustu á Akureyri
„Ferðaþjónusta hefur á undanförnum árum orðið afar mikilvæg stoð í atvinnulífi á Akureyri,“ segir Jóhannes Þór Skúlason framkvæmdastjóri Samtaka ferðaþjónustunnar. -
Akureyri Kynjajafnvægi í efsta stjórnendalagi
Akureyrarbær hefur hlotið viðurkenningu Jafnvægisvogarinnar 2026 fyrir að hafa náð markmiði um kynjajafnvægi í efsta stjórnendalagi. Viðurkenningin er staðfesting á þeirri vegferð sem sveitarfélagið hefur verið á með því að skapa vinnustað þar sem öll hafa jöfn tækifæri til að vaxa, leiða og hafa áhrif. Fjölbreytt stjórnendateymi tekur betri ákvarðanir, stuðlar að sterkari menningu og betri árangri fyrir sveitarfélagið og samfélagið allt.
