Tilraun hafin til að nýta trjákurl til ræktunar

09. maí, 2008 - 09:29
Tilraun hafin til að nýta trjákurl til ræktunar
Tilraun til að nýta trjákurl til ræktunar hófst á Háuborg í Eyjafjarðarsveit í gær, en um er að ræða samvinnuverkefni sem Háaborg, Félagsbúið Garður og Hríshóll í Eyjafjarðarsveit auk Tætingar á Akureyri taka þátt í. Bryndís Símonardóttir skógarbóndi í Háuborg segir að í vor hafi verið komin tími til að grisja og það væri mikið mál að losa sig við það sem til félli, dýrt væri að flytja afskurðinn til endurvinnslu á Akureyri.  Hún hafi séð umfjöllun um nýjan tætara hjá félaginu Tætingu í Vikudegi og haft samband við fyrirtækið.  Jörundur H. Þorgeirsson framkvæmdastjóri þess hafi verið fús að koma á staðinn og tæta það sem til féll við grisjun þar.  "Það er mun betri kostur að fá eitt tæki á staðinn heldur en að flytja efnið í mörgum ferðum fram og til baka um langan veg með tilheyrandi kostnaði og olíueyðslu," segir Bryndís og kveður mikið hagræði af þessu fyrirkomulagi.  Hún segir að eyfirsku bændurnir í félagi við Tætingu standi sameiginlega að verkefninu og vonar að bændur muni taka því fagnandi.

Kurlið sem til fellur er nýtt heima við, því er dreift á tún og flög, af því er mikil jarðvegsbót, það eykur kolefni og súrefni jarðvegsins og gerir hann léttari.  Að líkindum má spara áburðarkaup með því að hafa þennan háttinn á. Jörundur H. Þorgeirsson hjá Tætingu segir frábært að taka þátt í þessu verkefni, það sé mikilvægt að hver og einn geti nýtt afurðina heima við sér til hagsbóta og þannig sé um mjög jákvæða og umhverfisvæna tilraun að ræða.  Tætarinn er afkastamikill, hann vinnur úr um 230 rúmmetrum af efni á klukkustund og er glænýr.  "Ég tel mikla möguleika í þessu og við ætlum að sýna fólki að þetta er hægt," segir hann.

Til baka

Nýjast

  • Alþjóðaflugvöllur á Akureyri verði byggður upp

    • 16.05.2025
    Sveitarfélögin á Norðurlandi vestra og Norðurlandi eystra skora á ríkisstjórn Íslands og Alþingi að koma rekstri, uppbyggingu og markaðssetningu Akureyrarflugvallar fyrir hjá sérstakri stjórn eða félagi, sem hefur það að markmiði að alþjóðaflugvöllurinn sé byggður upp og kynntur sem ein af gáttum Íslands

  • Grafalvarleg staða í rekstri PCC Bakka rædd í atvinnuveganefnd Alþingis.

    • 16.05.2025
    Atvinnuveganefnd Alþingis hefur verið upplýst um grafalvarlega stöðu í rekstri PCC Bakka við Húsavík, þar sem stefnt gæti í rekstrarstöðvun undir lok sumars ef ekki tekst að snúa vörn í sókn.

  • Listasafnið á Akureyri Nýjar sýningar opnaðar

    • 16.05.2025
    Sýningar Heimis Hlöðverssonar, Samlífi, og Þóru Sigurðardóttur,Tími – Rými – Efni, verða opnaðar í Listasafninu á Akureyri á laugardag 17. maí kl. 15. Á opnunardegi verður leiðsögn með Heimi kl. 15.45.

  • Orkey fyrst á Íslandi með sjálfbærni- vottaða framleiðslu á lífeldsneyti

    • 16.05.2025
    Orkey hefur fengið alþjóðlega kolefnis- og sjálfbærnivottun, ISCC EU, á lífdísilframleiðslu sína á Akureyri fyrst fyrirtækja sem framleiða lífeldsneyti hérlendis.

  • Heyrn er ekki munaður – hún er þátttaka

    • 16.05.2025
    Það var ánægjulegt að sækja fund hjá Félagi eldri borgara á Akureyri (EBAK) síðastliðinn föstudag. Rétt rúmlega hundrað manns mættu – áhugasamir, upplýstir og málefnalegir. Þar skapaðist gott samtal um þau mál sem brenna mest á eldra fólki í dag. Ábendingar komu víða að og spurningarnar voru margar og skýrar. Það var sérstaklega áberandi að umræðan snerist ítrekað að sömu kjarnamálunum: skerðingum, lífeyrissjóðum en einnig að heilbrigðisþjónustu.

  • Sundlaug Akureyrar lokuð 18.-22. maí – opið lengur í Glerárlaug 18. maí

    • 15.05.2025
    Sundlaug Akureyrar verður lokuð dagana 18.-22. maí eða frá sunnudegi til fimmtudags í næstu viku.

  • Byggingaréttur á lóðum á Torfunefsbryggju boðin út í maí

    • 15.05.2025
    Byggingaréttur á tveimur lóðum við Torfunefsbryggju þar sem eru til staðar fimm byggingareitir verður boðin út nú síðar í maí.  

  • Sumarið er komið!

    • 15.05.2025
    Þetta dásamlega veður sem landsmenn  njóta er gleðiefni  og er þá vægt tekið til orða, á  heimasíðu  Þingeyjarsveitar er þessari blíðu fagnað.

  • Skýr og lausnamiðuð af­staða Fram­sóknar til veiðigjalda

    • 15.05.2025
    Framsókn hefur tekið skýra og málefnalega afstöðu í umræðunni um veiðigjöld. Við styðjum heilshugar réttmæta kröfu samfélagsins um að sameiginleg sjávarauðlind þjóðarinnar skili arði sem gagnast samfélaginu öllu. Hins vegar skiptir máli hvernig það er gert. Óvönduð skattheimta getur skaðað atvinnulíf, dregið úr nýsköpun og veikt byggðir sem byggja afkomu sína á sjávarútvegi.
Sjá meira