„Þeir eru búnir að moka sína gröf“: Mótmæli á Akureyri
Talsverður fjöldi gaf ríkisstjórn Sigmundar Davíðs Gunnlaugssonar rauða spjaldið á Akureyri í dag. Mynd: eipi
Mikill fjöldi var saman kominn á Ráðhústorginu á Akureyri klukkan 18. í dag til að krefjast þess að ríkisstjórn Íslands fari frá. Boðað hafði verið til mótmælanna í Facebook-hópi undir nafninu „Ríkisstjórnin hverfi frá”. Mótmælendur létu vel í sér heyra og margir höfðu tekið með sér skilti og rauð spjöld sem þeir lyftu í gríð og erg.
Jón Þór Sigurðsson er einn þeirra sem tók til máls á mótmælafundinum. Dagskráin.is náði tali af honum: „Mér er gríðarlega ofboðið og eiginlega fyrir svo löngu,“ segir hann rámur og er greinilega heitt í hamsi. „Nú er tíminn, nú er lag. Nú fáum við annan séns til að breyta rétt. Þótt það sé gríðarleg ergja ráðandi, þá skynja ég samt mikla von í fólki. Það er mómentið sem við erum að leita að, við viljum skilja reiðina eftir og biturðina. Það eru svo margir sem vilja byggja upp nýtt samfélag með okkur, sérstaklega ungt fólk sem er bara komið gjörsamlega á þann stað að það getur ekki meira. 
Hann vill að boðað verði strax til kosninga, „en við viljum líka nýtt fyrirkomulag, nýja stjórnarskrá. Þjóðin er búin að samþykkja nýja stjórnarskrá, hún er til. Valdstjórnin núna gerir allt til að vefjast með hana í þinginu eins lengi og hægt er. Hún setur okkur hömlur en vilji okkar er alveg sýnilegur, hann sést í nýju stjórnarskránni. Það var þverskurður af þjóðfélaginu sem setti hana saman, það var langt ferli sem þar fór í gang, mikil vinna lögð í þetta,“ segir hann. Jón Þór er alveg skýr um það hver staða ríkisstjórnarinnar er í hans huga: „Þeir eru búnir að moka sína gröf, nú er bara að taka í gikkinn."
Það mátti skynja mikla reiði meðal fólks undir mótmælunum, fólk sem blaðamaður ræddi við var bæði gáttað og dofið. Hrönn Magnúsdóttir var ein þeirra sem blaðamaður ræddi við:
„Mér finnst forsætisráðherra hafa sýnt fullkomið siðleysi, hann er bara búinn að missa þjóðina með því að fara ekki eftir þeim leikreglum sem aðrir þurfa að fara eftir“
Nýjast
-
Styttri skóladagur og skráningardagar skila meiri ró og betri líðan í leikskólum
Ný rannsókn sýnir að gjaldfrjáls sex tíma leikskóli og skráningardagar hafa jákvæð áhrif á velferð barna og gæði leikskólastarfs á Akureyri og í Kópavogi. -
Björg EA 7 vígði endurbyggða Torfunefsbryggju á Akureyri
Endurbyggð Torfunefsbryggju við Pollinn á Akureyri var í dag vígð við hátíðalega athöfn. Togari Samherja, Björg EA 7, lagðist að bryggjunni og vígði þar með hið nýja mannvirki. -
Heilabrot – Nýsköpun fyrir betra samfélag
Heilabrot - vinnustofa í nýsköpun á sviði heilbrigðis- og velferðarmála á Norðurlandi - fór fram í síðustu viku í samvinnu Drift EA og Háskólans á Akureyri. Markmið verkefnisins var að skapa vettvang þar sem unnið er að þverfaglegum lausnum á áskorunum sem samfélagið á Norðurlandi stendur frammi fyrir í heilbrigðis- og velferðarmálum. Áskoranirnar komu frá breiðum hópi stofnana og fyrirtækja sem sýndu verkefninu mikinn áhuga. Þá var aðsókn lausnarmiðaðra þátttakenda einnig mikil og ekki vantaði útsjónarsemina. -
Benedikt Barðason skipaður skólameistari Verkmenntaskólans á Akureyri
Guðmundur Ingi Kristinsson, mennta- og barnamálaráðherra, hefur skipað Benedikt Barðason í embætti skólameistara Verkmenntaskólans á Akureyri til fimm ára frá 1. ágúst næstkomandi. -
Halldór Jón nýr skólameistari FSH
Halldór hefur starfað við skólann frá árinu 2017 sem aðstoðarskólameistari og áfangastjóri. -
Norðurþing og Björgunarsveitin Garðar efla samstarf
Með samningnum eru tengslin efld í því skyni að almannavarna- og æskulýðsstarf verði áfram þróttmikið -
Nýr áningarstaður í Hrísey – Lumar þu á nafni?
Ný gönguleið hefur verið tekin í notkun meðfram vesturströnd Hríseyjar. Á þeirri leið er gömul aflögð steypustöð sem nú hefur verið breytt í áningarstað. Áningarstaðurinn líkist einhvers konar ramma af húsi – þó það sé ekki hús í eiginlegri merkingu. -
Vilja nýta glatvarma til sniglaræktar
Sniglarækt hefur víða í Evrópu sannað sig sem vistvæn og arðbær búgrein með fjölbreyttum afurðum – allt frá lúxusmatvöru til hráefna í snyrtivöruiðnað. Nýnæmi verkefnisins felst í að aðlaga slíka ræktun að íslenskum aðstæðum með áherslu á sjálfbæra auðlindanýtingu og kolefnislágan rekstur. -
Laugardagur á Listasafninu á Akureyri
Laugardaginn 28. júní verður mikið um að vera á Listasafninu á Akureyri þar sem boðið verður upp á listamannaspjall við Þóru Sigurðardóttur kl. 15 undir stjórn Ann-Sofie N. Gremaud, en klukkan 14 sýnir Katrin Hahner gjörning í tengslum við þátttöku hennar í samsýningu norðlenskra listamanna, Mitt rými.
