Skuggalegur maður á ferð í grennd við Bakka!
Afar skuggaleg mannvera á framkvæmdasvæðinu skammt frá Bakka. Mynd: SS.
Myndin hér að ofan var send til héraðsfréttablaðsins Skarps á Húsavík seinnipart síðastliðins föstudags. Hún er augljóslega tekin á framkvæmdasvæðinu í grennd við á Bakka, þar sem Héðinshöfði og Lundey eru hér í baksýn.
Við fyrstu sýn sýnist mannveran á myndinni vera augljós innfluttur terroristi, kolsvartklætt gerpi frá toppi til táar og reynir að hylja andlit sitt. Vissulega er viðrinið óvenju miðjuþykkt, ef ekki beinlíns feitt, af hryðjuverkamanni að vera, en ástæðan gæti auðvitað verið þverhandarþykkt sprengjubelti innanklæða. Stafirnir BB á grænum treflinum gætu bent til að hér væri Boko Harum maður á ferð, fremur en Framsóknar, en það væri náttúrlega að bera í bakkafullan lækinn að álykta sem svo.
Að sjálfsögðu sendi ritstjóri Skarps myndina af þessu grunsamlega gerpi til viðbragðsaðila á borð við Víkingasveitina, FBI og Skotfélag Húsavíkur, sem er með æfingasvæði á þessum slóðum og gæti hugsanlega plaffað á dólginn ef hann væri að flandra þarna að staðaldri.
En sem betur fer, eins og allir vita, er FBI með augu í hnakkanum, í frakkanum, fylgist með krakkanum og já, einnig á Bakkanum. Og Federalpiltar sendu ritstjóra Skarps snimmendis eftirfarandi skeyti, lauslega snarað hér að hluta til úr amerísku: „Þú varst sjálfur staddur á þesssun bletti klukkkan 10.43 á föstudag, you fucking icelandic idiot!“
Og ritstjóri Skarps kveikti strax á perunni, þetta var hann sjálfur – og sprengjubeltislaus með öllu, en bara svona vel dúðaður í kuldanum. Og hefur þegar beðið FBI og aðra hlutaðeigendur afsökunar á þessu ástæðulausa frumhlaupi. JS
Nýjast
-
Gamla verslunin í Vaglaskógi jöfnuð við jörðu
„Það eiga margir góðar minningar um þessa verslun,“ segir Helen Jónsdóttir en gamla góða búðin í Vaglaskógi var jöfnuð við jörðu nýverið. Allt var tekið nema hellan fékk að vera og væntir Helen þess að eitthvað verði gert á staðnum. „Vonandi verður settur upp fallegur áningarstaður þarna, með borðum og bekkjum og jafnvel skilti sem greinir frá sögu verslunarinnar.“ -
Hamrastígur og Kirkjugarðsstígur Finnur ehf bauð lægst í stígagerðina
Gengið verður til samninga við lægstbjóðenda, Finn ehf í gerð tveggja stíga á Akureyri, Hamrastígs og Kirkjugarðsstígs, en fyrirtækið átti lægsta boð í bæði verkin. -
Alþjóðaflugvöllur á Akureyri verði byggður upp
Sveitarfélögin á Norðurlandi vestra og Norðurlandi eystra skora á ríkisstjórn Íslands og Alþingi að koma rekstri, uppbyggingu og markaðssetningu Akureyrarflugvallar fyrir hjá sérstakri stjórn eða félagi, sem hefur það að markmiði að alþjóðaflugvöllurinn sé byggður upp og kynntur sem ein af gáttum Íslands -
Grafalvarleg staða í rekstri PCC Bakka rædd í atvinnuveganefnd Alþingis.
Atvinnuveganefnd Alþingis hefur verið upplýst um grafalvarlega stöðu í rekstri PCC Bakka við Húsavík, þar sem stefnt gæti í rekstrarstöðvun undir lok sumars ef ekki tekst að snúa vörn í sókn. -
Listasafnið á Akureyri Nýjar sýningar opnaðar
Sýningar Heimis Hlöðverssonar, Samlífi, og Þóru Sigurðardóttur,Tími – Rými – Efni, verða opnaðar í Listasafninu á Akureyri á laugardag 17. maí kl. 15. Á opnunardegi verður leiðsögn með Heimi kl. 15.45. -
Orkey fyrst á Íslandi með sjálfbærni- vottaða framleiðslu á lífeldsneyti
Orkey hefur fengið alþjóðlega kolefnis- og sjálfbærnivottun, ISCC EU, á lífdísilframleiðslu sína á Akureyri fyrst fyrirtækja sem framleiða lífeldsneyti hérlendis. -
Heyrn er ekki munaður – hún er þátttaka
Það var ánægjulegt að sækja fund hjá Félagi eldri borgara á Akureyri (EBAK) síðastliðinn föstudag. Rétt rúmlega hundrað manns mættu – áhugasamir, upplýstir og málefnalegir. Þar skapaðist gott samtal um þau mál sem brenna mest á eldra fólki í dag. Ábendingar komu víða að og spurningarnar voru margar og skýrar. Það var sérstaklega áberandi að umræðan snerist ítrekað að sömu kjarnamálunum: skerðingum, lífeyrissjóðum en einnig að heilbrigðisþjónustu. -
Sundlaug Akureyrar lokuð 18.-22. maí – opið lengur í Glerárlaug 18. maí
Sundlaug Akureyrar verður lokuð dagana 18.-22. maí eða frá sunnudegi til fimmtudags í næstu viku. -
Byggingaréttur á lóðum á Torfunefsbryggju boðin út í maí
Byggingaréttur á tveimur lóðum við Torfunefsbryggju þar sem eru til staðar fimm byggingareitir verður boðin út nú síðar í maí.