Sigur hjá Þór á heimavelli - Jafnt hjá KA á Skaganum
Leikur Þórs og Víkings Ó. fór rólega af stað og lítið markvert gerðist framan af fyrri hálfleik, heimamenn voru þó ívið sterkari. Besta færi fyrra hálfleiksins fékk Aleksandar Linta fyrir heimamenn er hann fékk boltann inn í teig gestanna, lék á varnarmann Víkings og var kominn í dauðafæri en þrumaði boltanum í hliðarnetið.
Staðan markalaus í hálfleik.
Seinni hálfleikur leiksins var heldur líflegri. Á 49. mínútu fengu gestirnir dæmda aukaspyrnu á stórhættulegum stað rétt fyrir utan teig. Josip Marosevic tók spyrnuna fyrir gestina og þrumaði boltanum í þverslána. Fínt skot og heimamenn sluppu með skrekkinn. Aðeins andartaki síðan var Ottó Hólm Reynisson kominn í fínt færi fyrir heimamenn en skot hans fór framhjá markinu.
Fyrsta mark leiksins kom eftir 58. mínútna leik og það gerði Sveinn Elías Jónsson fyrir heimamenn. Atli Sigurjónsson átti skot að marki gestanna sem markvörður Víkings varði en náði ekki að halda boltanum og Sveinn Elías fylgdi vel á eftir og skoraði á autt markið. 1-0 fyrir Þór.
Heimamenn héldu áfram að sækja og aðeins fjórum mínútum eftir markið var Sveinn Elías nálægt því að bæta við sínu öðru marki í leiknum er hann skallaði boltann framhjá markinu úr fínu færi eftir sendingu frá Atla Sigurjónssyni.
Á 70. mínútu komust heimamenn í 2-0 er Hreinn Hringsson, nýkominn inn á sem varamaður, kom boltanum í netið eftir darraðadans í teig gestanna og staða Þórs orðinn ansi vænleg.
Heimamenn voru þó ekki hættir. Aðeins fimm mínútum síðar skoraði Einar Sigþórsson þriðja mark Þórs í leiknum er hann fékk sendingu inn fyrir vörn gestanna og skoraði örugglega með góðu skoti. Staðan orðinn 3-0 fyrir Þór og allt leit út fyrir öruggan sigur heimamanna.
Eitthvað voru leikmenn Þórs værukærir í restina því leikmenn Víkings Ó. náðu að minnka muninn í 3-2 á skömmum tíma. Á 83. mínútu var það Josip Marosevic sem skoraði fyrir gestina eftir að hafa komist inn í sendingu inn í vörn Þórs og skoraði með fínu skoti framhjá Atla Má Rúnarssyni í marki Þórs. Gestirnir náðu svo öðru marki á 89. mínútu er Alfreð Elías Jóhannsson þrumaði boltanum í netið inn af stuttu færi. Staðan skyndilega orðinn 3-2.
Matthías Örn Friðriksson fékk sannkallað dauðafæri á uppbótartíma til þess að innsigla sigur heimamanna er hann fékk sendingu fyrir mark gestanna frá Hreini Hringssyni en Matthías þrumaði boltanum hátt yfir markið af stuttu færi.
Fleiri urðu mörkin ekki og lokatölur 3-2 sigur Þórs. Eftir leikinn er Þór kominn í sex stig í deildinni og hafa lyft sér upp í 9. sætið. KA- menn hafa 11 stig í 6. sæti deildarinnar.
Nýjast
-
Rausnarleg gjöf frá nemendum Síðuskóla til barnadeildar SAk
Barnadeild Sjúkrahússins á Akureyri fékk á dögunum einstaka gjöf þegar nemendur í 5., 6. og 7. bekk Síðuskóla ákváðu að leggja 550.000 krónur inn á styrktarreikning deildarinnar. Upphæðin safnaðist með sölu á handverki og veitingum sem nemendur stóðu fyrir á Barnamenningarhátíð í apríl. -
Metár umsókna við Háskólann á Akureyri
Umsóknir í Háskólann á Akureyri hafa aldrei í sögu skólans verið fleiri, en alls bárust um 2.340 umsóknir að þessu sinni. Þetta er um 15% aukning frá síðasta ári og rúmlega 8% aukning frá árinu 2018, sem var fyrra metár umsókna við háskólann. -
Kjarnafæði Norðlenska kaupa B Jensen
Kjarnafæði Norðlenska gekk frá kaupum á sláturhúsi, kjötvinnslu og verslun B. Jensen í seinustu viku. -
Framkvæmdir að hefjast við nýtt svæði á Torfunefsbryggju Samið um fyrstu bygginguna
Samningur milli HN og verktakafyrirtækisins Húsheildar/Hyrnu um byggingu fyrsta hússins á Torfunefssvæðinu hefur verið undirritaður og markar ákveðin skref í uppbyggingu svæðisins. -
Hinsegin hátíð á Norðurlandi eystra
Hinsegin hátíð á Norðurlandi eystra verður haldin í fyrsta skiptið dagana 18.–22. júní 2025. Öll sveitarfélög á Norðurlandi eystra standa að hátíðinni og stefnt er að því að viðburðir fari fram sem víðast í öllum landshlutanum. -
Magnaði Mendelssohn
Felix Mendelssohn (Bartholdy) er talinn hafa verð einn mesti tónsnillingur allra tíma. Undrabarn sem á sinni stuttu 38 ára æfi samdi eina fallegustu tónlist veraldar. Jafnvel önnur tónskáld kölluð hann "hinn nýja Bach" m.a. Liszt, Schumann og Berlioz. -
Glæsileg A-álma tekin í notkun í Glerárskóla
Ný og endurbætt A-álma hefur verið tekin í notkun í Glerárskóla. Gestum bauðst að líta á þær heilmiklu breytingar sem gerðar hafa verið á álmunni, en húsnæðið hefur verið endurnýjað á þann hátt að miklar breytingar hafa verið gerðar á vinnuumhverfi nemenda og starfsfólks. -
Fiskur frá smábátum dregur úr afköstum landvinnslunnar og bónusar starfsfólks lækka
Afköst í fiskvinnsluhúsum Samherja dragast verulega saman þegar keyptur er afli af strandveiðibátum til vinnslu. Starfsmaður sem hefur unnið í tæpa fimm áratugi hjá Útgerðarfélagi Akureyringa segir sláandi mun á gæðum hráefnis frá smábátum og togurum sem veiða á djúpslóð. Bónusar fiskvinnslufólks lækka þegar unninn er afli frá smábátum því mun tímafrekara er að verka fiskinn. -
Af slúbbertum og svörtum sauðum
Vísir birti nýlega frétt um nýútkomna skýrslu Viðskiptaráðs þar sem fjallað er um uppsagnarvernd opinberra starfsmanna. Sá sem fréttina ritar kýs að reyna að fá fleiri „smelli“ með því að leggja skýrsluhöfundi orð í munn eins og að kalla opinbera starfsmenn „slúbberta“.
