Rúmlega 80 starfsmenn SAk í verkfall
Sjúkrahúsið á Akureyri.
Ríflega þrjú þúsund félagar BHM verða í fjögurra klukkustunda allsherjarverkfalli í dag. Langflestir þeirra, eða 2.343, fara í verkfall klukkan tólf á hádegi en hátt í sex hundruð manns eru þegar í ótímabundnu verkfalli.
Verkfallið mun hafa verulega áhrif á starfsemi Sjúkrahússins á Akureyri (SAk) en samkvæmt upplýsingum Vikudags verða 80 manns í verkfalli í dag, þar á meðal eru ljósmæður, lífeindafræðingar, sjúkraþjálfarar og iðjuþjálfarar.
Á heimasíðu sjúkrahússins segir að lífeindafræðingar séu í ótímabundnu verkfalli frá kl. 08:00 12:00 alla daga en til kl. 16:00 í dag. Á meðan verkfalli lífeindafræðinga stendur verður einungis bráðatilfellum sinnt eins og um helgarstarfsemi væri að ræða
Ljósmæður fóru í verkfall á miðnætti og stendur þeirra verkfall yfir í sólarhring í senn alla mánudaga og fimmtudaga þar til samningar nást. Á meðan verkfalli ljósmæðra stendur verður þjónusta sem hér segir:
- Öllum konum í fæðingu verður sinnt samkvæmt venju svo og öllum bráðatilfellum.
- Konum sem eiga tíma í áhættumæðravernd verður sinnt af fæðingarlæknum og kölluð til ljósmóðir ef ástæða er til að tryggja öryggi móður og/eða barns.
- Ómskoðunum verður sinnt samkvæmt venju af fæðingarlæknum.
- Valkeisaraskurðir verða ekki framkvæmdir á verkfallsdögum.
- Valkvæðar gangsetningar verða ekki framkvæmdar á verkfallsdögum.
Ljóst er að verkföllin raska starfsemi sjúkrahússins verulega með tilheyrandi óþægindum fyrir sjúklinga. Almenna reglan er sú að að öllum bráðatilfellum er sinnt á boðuðum verkfallsdögum og áhersla lögð á að tryggja öryggi sjúklinga.
Nýjast
-
Vegagerðin vill ekki sjá rauð hjörtu í þeirra umferðarljósum
Á fundi skipulagsráðs Akureyrar í gær var tekið fyrir bréf sem ráðinu barst þann 11 júní s.l. frá Vegagerðinni þar sem þess er farið ákveðið leik við skipulagsyfirvöld að hjörtun verði fjarlægð úr umferðarljósunum sem Vegagerðin á. -
Hvatningastyrkur Félags íslenskra hjúkrunarfræðinga
Fimm hjúkrunarfræðingar fengu hvatningastyrk á aðalfundi Félags íslenskra hjúkrunarfræðinga sem haldinn var í Reykjavík þann 15. maí, ein þeirra var Elma Rún Ingvarsdóttir, sérfræðingur í barnahjúkrun á Sjúkrahúsinu á Akureyri. -
Tímabært að lækka fasteignaskatt
-segja fulltrúar S- og B-lista, en íbúar og fyrirtæki hafi tekið á sig miklar skattahækkanir í gegnum fasteignaskatt -
Samherji - Baldvin Þorsteinsson tekur við stýrinu
Baldvin Þorsteinsson hefur tekið við sem forstjóri Samherja hf. Þorsteinn Már Baldvinsson, faðir Baldvins, hefur látið af störfum eftir að hafa gegnt starfi forstjóra í 42 ár eða frá stofnun félagsins árið 1983. -
Styttri skóladagur og skráningardagar skila meiri ró og betri líðan í leikskólum
Ný rannsókn sýnir að gjaldfrjáls sex tíma leikskóli og skráningardagar hafa jákvæð áhrif á velferð barna og gæði leikskólastarfs á Akureyri og í Kópavogi. -
Björg EA 7 vígði endurbyggða Torfunefsbryggju á Akureyri
Endurbyggð Torfunefsbryggju við Pollinn á Akureyri var í dag vígð við hátíðalega athöfn. Togari Samherja, Björg EA 7, lagðist að bryggjunni og vígði þar með hið nýja mannvirki. -
Heilabrot – Nýsköpun fyrir betra samfélag
Heilabrot - vinnustofa í nýsköpun á sviði heilbrigðis- og velferðarmála á Norðurlandi - fór fram í síðustu viku í samvinnu Drift EA og Háskólans á Akureyri. Markmið verkefnisins var að skapa vettvang þar sem unnið er að þverfaglegum lausnum á áskorunum sem samfélagið á Norðurlandi stendur frammi fyrir í heilbrigðis- og velferðarmálum. Áskoranirnar komu frá breiðum hópi stofnana og fyrirtækja sem sýndu verkefninu mikinn áhuga. Þá var aðsókn lausnarmiðaðra þátttakenda einnig mikil og ekki vantaði útsjónarsemina. -
Benedikt Barðason skipaður skólameistari Verkmenntaskólans á Akureyri
Guðmundur Ingi Kristinsson, mennta- og barnamálaráðherra, hefur skipað Benedikt Barðason í embætti skólameistara Verkmenntaskólans á Akureyri til fimm ára frá 1. ágúst næstkomandi. -
Halldór Jón nýr skólameistari FSH
Halldór hefur starfað við skólann frá árinu 2017 sem aðstoðarskólameistari og áfangastjóri.
