"Óskynsamleg tímasetning" segir varaþingmaður Framsóknarflokksins
Hjálmar Bogi Hafliðason. Mynd/aðsend
Athygli vakti í gær þegar flokksmenn Framsóknarflokksins á Akureyri birtu áskorun til Sigmundar Davíðs Gunnlaugssonar forsætisráðherra um að segja af sér. Þeir telja að trúnaðarbrestur hafi skapast á milli forsætisráðherra og flokksmanna.
Sjálfur gaf Sigmundur Davíð lítið út á þetta útspil Akureyringanna í samtali við Bylgjuna í morgun, „Það voru kannski ekki svo mikil ný tíðindi í því heldur hvað varðaði þann hóp, sem þar var um að ræða,“ sagði Sigmundur. Hann bætti jafnframt við að hópurinn hefði áður skrifað greinar á sömu nótum þegar þeir hefðu viljað annan en hann í stöðu formanns. Þarna væri um afmarkaðan hóp að ræða sem hefði ekki talist til stuðningsmanna hans.
„Aðalatriðið í þessu öllu er að ég er í pólitík af því að ég hafði og hef ennþá mjög sterkar skoðanir á því hvað þyrfti að gera hér á Íslandi þannig að ég geri engar athugasemdir við það að fólk hafi ólíkar skoðanir á mér. Ég er í þessu bara vegna þess að ég hef trú á ákveðnum hlutum,“ sagði Sigmundur Davíð.
Hjálmar Bogi Hafliðason varaþingmaður Framsóknarflokksins og varafulltrúi B-lista í sveitarstjórn Norðurþings er ósáttur við þennan leik Akureyringa. Hann segir að auðvita tali menn saman í Framsóknarfélagi Þingeyinga, „svona hugsað hvað skal gera en það hefur ekki komið til að við ætlum að skora á Sigmund Davíð að segja af sér, enda er það ekki þannig sem við gerum hlutina,“ segir hann í samtali við Dagskrána.is. Hann segir að æskilegra sé að koma ánægju sinni eða óánægu til skila eftir öðrum leiðum, annað hvort við Sigmund Davíð beint eða til stjórnar flokksins, „ég er búinna að koma því áleiðis að sumir eru ósáttir,“ segir hann.
Honum finnst tímasetning þessarar áskorunar afar óheppileg, „Þetta er ekki vinsældar keppni, eins og að birta þetta á Facebook vitandi að þetta fari í fjölmiðla. Kannski var búið að tala við þetta fólk um að bíða aðeins eftir deginum í dag, því hann mun ráða ansi miklu, ráða svolítið úrslitum. Það lá ekkert á. Hafi menn þessa skoðun að vilja Sigmund frá, þá áttu menn að láta daginn í dag líða. Það er hann sjálfur sem mun skipta svolítið máli, því það er eftir daginn í dag sem hann sér hvort honum er yfirhöfuð stætt. Mér finnst þetta óskynsamleg tímasetning núna, því það lá ekkert á,“ Segir Hjálmar Bogi
Persónulega segist Hjálmar Bogi vera á móti þessari hugmyndafræði að geyma peninga í skattaskjólum, „ ef það er ekkert skattalegt hagræði af því að geyma peningana sína þarna, hversvegna gera menn það þá? Það er eina svarið sem mig vantar í raun frá Sigmundi,- afhverju voru þessir peningar þarna úti yfir höfuð?“
/EPE
Nýjast
-
Styttri skóladagur og skráningardagar skila meiri ró og betri líðan í leikskólum
Ný rannsókn sýnir að gjaldfrjáls sex tíma leikskóli og skráningardagar hafa jákvæð áhrif á velferð barna og gæði leikskólastarfs á Akureyri og í Kópavogi. -
Björg EA 7 vígði endurbyggða Torfunefsbryggju á Akureyri
Endurbyggð Torfunefsbryggju við Pollinn á Akureyri var í dag vígð við hátíðalega athöfn. Togari Samherja, Björg EA 7, lagðist að bryggjunni og vígði þar með hið nýja mannvirki. -
Heilabrot – Nýsköpun fyrir betra samfélag
Heilabrot - vinnustofa í nýsköpun á sviði heilbrigðis- og velferðarmála á Norðurlandi - fór fram í síðustu viku í samvinnu Drift EA og Háskólans á Akureyri. Markmið verkefnisins var að skapa vettvang þar sem unnið er að þverfaglegum lausnum á áskorunum sem samfélagið á Norðurlandi stendur frammi fyrir í heilbrigðis- og velferðarmálum. Áskoranirnar komu frá breiðum hópi stofnana og fyrirtækja sem sýndu verkefninu mikinn áhuga. Þá var aðsókn lausnarmiðaðra þátttakenda einnig mikil og ekki vantaði útsjónarsemina. -
Benedikt Barðason skipaður skólameistari Verkmenntaskólans á Akureyri
Guðmundur Ingi Kristinsson, mennta- og barnamálaráðherra, hefur skipað Benedikt Barðason í embætti skólameistara Verkmenntaskólans á Akureyri til fimm ára frá 1. ágúst næstkomandi. -
Halldór Jón nýr skólameistari FSH
Halldór hefur starfað við skólann frá árinu 2017 sem aðstoðarskólameistari og áfangastjóri. -
Norðurþing og Björgunarsveitin Garðar efla samstarf
Með samningnum eru tengslin efld í því skyni að almannavarna- og æskulýðsstarf verði áfram þróttmikið -
Nýr áningarstaður í Hrísey – Lumar þu á nafni?
Ný gönguleið hefur verið tekin í notkun meðfram vesturströnd Hríseyjar. Á þeirri leið er gömul aflögð steypustöð sem nú hefur verið breytt í áningarstað. Áningarstaðurinn líkist einhvers konar ramma af húsi – þó það sé ekki hús í eiginlegri merkingu. -
Vilja nýta glatvarma til sniglaræktar
Sniglarækt hefur víða í Evrópu sannað sig sem vistvæn og arðbær búgrein með fjölbreyttum afurðum – allt frá lúxusmatvöru til hráefna í snyrtivöruiðnað. Nýnæmi verkefnisins felst í að aðlaga slíka ræktun að íslenskum aðstæðum með áherslu á sjálfbæra auðlindanýtingu og kolefnislágan rekstur. -
Laugardagur á Listasafninu á Akureyri
Laugardaginn 28. júní verður mikið um að vera á Listasafninu á Akureyri þar sem boðið verður upp á listamannaspjall við Þóru Sigurðardóttur kl. 15 undir stjórn Ann-Sofie N. Gremaud, en klukkan 14 sýnir Katrin Hahner gjörning í tengslum við þátttöku hennar í samsýningu norðlenskra listamanna, Mitt rými.
