Ný heimildamynd um Safnasafnið - höfuðsafn íslenskrar alþýðulistar
Ný heimildamynd um Safnasafnið frumsýnd 16 maí n.k. Mynd aðsend
Þann 16. maí nk., þegar Safnasafnið á Svalbarðseyri opnar dyr sínar fyrir sumarið, verður ný heimildamynd um þetta merka menningarsetur frumsýnd. Myndin fangar mikilvægt augnablik i sögu þessarar merku menningarstofnunar sem fagnaði 30 ára afmæli á síðasta ári.
Saga hugsjónar og sköpunarkrafts
Heimildamyndin varpar ljósi á ómetanlegt starf frumherjanna Níelsar Hafstein og Magnhildar Sigurðardóttur, sem af hugsjón stofnuðu safnið. Í myndinni er lýst því andrúmslofti sem fylgir því að heimsækja þessa perlu við Eyjafjörð um leið og frumherjarnir lýsa afstöðu sinni og nálgun til alþýðulistar. Safnasafnið þróaðist úr dýrmætri hugmynd í að verða höfuðsafn íslenskrar alþýðulistar í samtímanum.
Áhorfendur fá að kynnast þeirri einstöku upplifun sem það er að heimsækja safnið, þar sem saman fléttast safnkostur síðustu þriggja áratuga og verk margra okkar helstu samtímalistamanna.
Gjöf til íslenskrar menningar
Höfundar myndarinnar eru Stefán Jón Hafstein og Óskar Páll Sveinsson, kvikmyndagerðarmaður. Myndin er unnin án skuldbindinga eða skilyrða, og gefin safninu til eignar og varðveislu. Hún naut engra opinberra styrkja eða framlaga.
„Það er okkur mikið gleðiefni að geta nú miðlað frásögn af stöðu safnsins til enn breiðari hóps,“ segir Stefán Jón Hafstein. „Safnasafnið er gimsteinn í íslensku menningarlífi og myndin er tilraun til að fanga þann töfraheim sem þar hefur verið byggður upp.“
Aðgengi og sýningar
Myndin verður sýnd í Safnasafninu í sumar samhliða sýningum safnsins. Auk þess verður hún aðgengileg öllum áhugasömum á heimasíðu Safnasafnsins, safnasafnid.is.
Um Safnasafnið:
Safnasafnið á Svalbarðseyri er eitt sérstæðasta listasafn landsins. Það leggur áherslu á alþýðulist og verk sem spretta úr óbeisluðum sköpunarkrafti, og hefur í þrjá áratugi verið mikilvægur vettvangur fyrir fjölbreytileika í íslenskri myndlist. safnasafnið.is
Myndin er 45 mínútúr á lengd.
Gengið er um sýningarsali og gefin innsýn í það mikla verk sem þarna er unnið auk þess sem frumherjarnir Manghildur og Níels lýsa hugsjónum og afstöðu til alþýðulistar. Einnig er rætt við einn sýningarstjóranna, Bryndísi Símonardóttur um fagran hvítsaum alþýðukvenna á Íslandi.
Nýjast
-
Sterkara atvinnulíf – sterkari Akureyrarbær
Sveitarstjórnarkosningarnar 16. maí snúast um forgangsröðun. Fyrir mér er eitt ljóst: öflugt atvinnulíf er lykillinn að sterkum Akureyrarbæ. -
Ný heimildamynd um Safnasafnið - höfuðsafn íslenskrar alþýðulistar
Þann 16. maí nk., þegar Safnasafnið á Svalbarðseyri opnar dyr sínar fyrir sumarið, verður ný heimildamynd um þetta merka menningarsetur frumsýnd. Myndin fangar mikilvægt augnablik i sögu þessarar merku menningarstofnunar sem fagnaði 30 ára afmæli á síðasta ári. -
Nýr sérfræðingur í geðlækningum við geðdeild Sjúkrahússins á Akureyri
Ásgeir Bragason lauk stúdentsprófi frá Menntaskólanum við Hamrahlíð árið 1978 og hóf í kjölfarið nám í læknisfræði við Háskóla Íslands, þaðan sem hann útskrifaðist árið 1984. Að loknu kandídatsári starfaði hann sem aðstoðarlæknir á geðdeild Borgarspítalans en frá þessu er sagt að heimasíðu SAk. -
Kvennasamband Eyjafjarðar hefur áhyggjur af alvarlegri stöðu á Kristnesspítala
Kvennasamband Eyjafjarðar, KSE, lýsir yfir þungum áhyggjum af þeirri alvarlegu stöðu sem upp er komin á Kristnesspítala vegna skorts á nauðsynlegu viðhaldi og úrbótum um áraraðir. -
Íþróttahús á félagssvæði Þórs Samið verði við VA arkitekta
Umhverfis- og mannvirkjaráð Akureyrarbæjar hefur samþykkt að gagna til samninga við VA Arkitekta ehf um hönnun á íþróttahúsi og félagsaðstöðu á Þórssvæðinu. Alls bárust tilboð frá 10 bjóðendum en áður en tilboðsupphæðir voru opnaðar var farið yfir fjárhagslegt hæfi allra bjóðanda auk þess að gefa bjóðendum stig miðað við innsend gögn. -
Léttum byrðarnar og lækkum fasteignaskatta
Á undanförnum vikum hef ég orðið vör við upplýsingaóreiðu varðandi hvað fasteignagjöld og fasteignaskattur eru í raun og veru. Fasteignagjöld samanstanda af lóðarleigu, sorphirðugjaldi og vatns- og fráveitugjaldi sem ákvarðast af gjaldskrá Norðurorku og fasteignaskatti. -
Uppbygging veitukerfa við Norðurslóð í sumar
Í maí hefst uppbygging veitukerfa Norðurorku til að styðja við byggingu Fésta á nýjum stúdentagörðum við Norðurslóð. -
Ætlum við að kjósa auðlindirnar okkar úr landi?
Næstkomandi laugardag, þann 16. maí fáum við tækifæri til að kjósa þá er við teljum hæfasta til að þjóna hagsmunum sveitarfélags okkar sem best. Því er nauðsynlegt að vanda valið og hafa í huga að kosningar til sveitarstjórnar eru ólíkar Alþingiskosningum að því leyti að margir listar á landsbyggðinni samanstanda af einstaklingum úr ýmsum áttum, óbundnum stjórnmálaflokkum. Því geng ég eins og margir, óbundin til kosninga. -
Ný rannsókn varpar ljósi á svefn barna og greiningu kæfisvefns
Nýlega birtist vísindagrein þar sem fjallað er um svefn barna. Rannsóknin er hluti af umfangsmiklu rannsóknarverkefni á Sjúkrahúsinu á Akureyri (SAk) sem miðar að því að bæta greiningu og meðferð við kæfisvefni hjá börnum. Frá þessu segir á heimasíðu SAk nú í morgun.
