Kvennasamband Eyjafjarðar hefur áhyggjur af alvarlegri stöðu á Kristnesspítala
Skortur á viðhaldi ógnar starfsemi Kristnesspítala
Kvennasamband Eyjafjarðar, KSE, lýsir yfir þungum áhyggjum af þeirri alvarlegu stöðu sem upp er komin á Kristnesspítala vegna skorts á nauðsynlegu viðhaldi og úrbótum um áraraðir.
Í ályktun sem samþykkt var á aðalfundi KSE segir að endurhæfingadeildin á Kristnesspítala gegni lykilhlutverki í heilbrigðisþjónustu fyrir íbúa Norðurlands og víðar. Þar fari fram mikilvæg þjónusta við einstaklinga sem þurfa á sérhæfðri endurhæfingu að halda eftir veikindi, slys eða skurðaðgerðir. „Núverandi ástand húsnæðis og skortur á viðhaldi ógnar þessari starfsemi með alvarlegum hætti,“ segir í ályktun.
Gripið verði til aðgerða tafarlaust
Sambandið telur brýnt að gripið verði tafarlaust til aðgerða til að tryggja öruggt og viðunandi umhverfi fyrir sjúklinga og starfsfólk. Ástandið sé ekki einungis spurning um aðbúnað heldur einnig um öryggi, gæði þjónustu og virðingu fyrir þeim fjölmörgu sem treysta á þessa mikilvægu heilbrigðisþjónustu eins og starfsfólk, sjúklinga og aðstandendur þeirra.
„Kvennasamband Eyjafjarðar skorar á heilbrigðisyfirvöld og stjórnvöld að bregðast án tafar við og tryggja fjármagn til nauðsynlegs viðhalds og uppbyggingar svo ekki þurfi að draga úr eða leggja niður starfsemi sem er samfélaginu svo mikilvæg."
Nýjast
-
Kvennasamband Eyjafjarðar hefur áhyggjur af alvarlegri stöðu á Kristnesspítala
Kvennasamband Eyjafjarðar, KSE, lýsir yfir þungum áhyggjum af þeirri alvarlegu stöðu sem upp er komin á Kristnesspítala vegna skorts á nauðsynlegu viðhaldi og úrbótum um áraraðir. -
Íþróttahús á félagssvæði Þórs Samið verði við VA arkitekta
Umhverfis- og mannvirkjaráð Akureyrarbæjar hefur samþykkt að gagna til samninga við VA Arkitekta ehf um hönnun á íþróttahúsi og félagsaðstöðu á Þórssvæðinu. Alls bárust tilboð frá 10 bjóðendum en áður en tilboðsupphæðir voru opnaðar var farið yfir fjárhagslegt hæfi allra bjóðanda auk þess að gefa bjóðendum stig miðað við innsend gögn. -
Léttum byrðarnar og lækkum fasteignaskatta
Á undanförnum vikum hef ég orðið vör við upplýsingaóreiðu varðandi hvað fasteignagjöld og fasteignaskattur eru í raun og veru. Fasteignagjöld samanstanda af lóðarleigu, sorphirðugjaldi og vatns- og fráveitugjaldi sem ákvarðast af gjaldskrá Norðurorku og fasteignaskatti. -
Uppbygging veitukerfa við Norðurslóð í sumar
Í maí hefst uppbygging veitukerfa Norðurorku til að styðja við byggingu Fésta á nýjum stúdentagörðum við Norðurslóð. -
Ætlum við að kjósa auðlindirnar okkar úr landi?
Næstkomandi laugardag, þann 16. maí fáum við tækifæri til að kjósa þá er við teljum hæfasta til að þjóna hagsmunum sveitarfélags okkar sem best. Því er nauðsynlegt að vanda valið og hafa í huga að kosningar til sveitarstjórnar eru ólíkar Alþingiskosningum að því leyti að margir listar á landsbyggðinni samanstanda af einstaklingum úr ýmsum áttum, óbundnum stjórnmálaflokkum. Því geng ég eins og margir, óbundin til kosninga. -
Ný rannsókn varpar ljósi á svefn barna og greiningu kæfisvefns
Nýlega birtist vísindagrein þar sem fjallað er um svefn barna. Rannsóknin er hluti af umfangsmiklu rannsóknarverkefni á Sjúkrahúsinu á Akureyri (SAk) sem miðar að því að bæta greiningu og meðferð við kæfisvefni hjá börnum. Frá þessu segir á heimasíðu SAk nú í morgun. -
Heilabilun og samþætting þjónustu
Tíðni heilabilunar er talin vera um 2% hjá 65 ára fólki og tvöfaldast á hverjum fimm árum eftir það, fram undir nírætt þegar um þriðjungur er talin vera með heilabilun af einhverjum toga. Lífslíkur fram á efri ár hafa farið vaxandi um nokkurt skeið og er fjöldi fólks með heilabilunarsjúkdóma því ört vaxandi. Eins og staðan er í dag má gera ráð fyrir að þegar fólk greinist með heilabilun hafi hún verið byrjuð nokkru fyrr. -
,,Hvenær hættiði að tala um þessa sundlaug?“
Þessi spurning heyrðist nýverið á ágætum fundi sem við í VG sóttum, og þótti okkur hún heldur áhugaverð. Sundfélagið Óðinn hefur beðið eftir yfirbyggðri keppnislaug á Akureyri síðan árið 1969. Í meira en hálfa öld hefur þörfin verið ljós, en samt hefur ekki tekist að fylgja þeirri framtíðarsýn eftir með raunverulegri uppbyggingu. -
Sameinum kraftana – byggjum sterkara sveitarfélag
Sveitarfélagaskipan í Eyjafirði endurspeglar ekki lengur þann veruleika sem fólk býr við dag frá degi. Á hverjum morgni sækir fjöldi íbúa nærsveita til Akureyrar atvinnu, skóla, íþróttir, þjónustu og verslanir og heldur aftur heim um kvöldið. Í daglegu lífi virkar Eyjafjörður nú þegar sem eitt samofið samfélag, með Akureyri sem öfluga miðju, jafnvel þótt sveitarfélagamörkin gefi til kynna annað.
