Kennsla í lögreglufræði hefst við Háskólann á Akureyri
Háskólinn á Akureyri. Mynd: Daníel Starrason
Í dag mánudag, hefst kennsla í lögreglufræði við Háskólann á Akureyri. Þetta er í fyrsta skipti sem námið er kennt á háskólastigi hér á landi en síðasta útskrift úr Lögregluskólanum fór fram 26. ágúst síðastliðinn.
Tæpum þremur vikum eftir að mennta- og menningarmálaráðherra ákvað að fela Háskólanum á Akureyri námið á háskólastigi – og rúmlega 7 vikum eftir að óskað var eftir þátttökutilkynningum vegna námsins – hefja nú liðlega 150 manns námið alls staðar að af landinu.
Mennta- og menningarmálaráðherra mun ávarpa nýnema við opnunarhátíðina ásamt rektor, Eyjólfi Guðmundssyni, Frímanni B. Baldurssyni, varaformanni Landssambands lögreglumanna og Ólafi Erni Bragasyni, forstöðumanni Mennta- og starfsþróunarseturs lögreglu. MSSL mun annast starfsnámið í samvinnu við HA en allt að 40 nemar komast inn í starfsnámið.
„Það er mikill heiður að fá að segja nokkur orð við upphaf lögreglufræðináms á Íslandi. Mikilvæg tímamót í menntun lögreglumanna eiga sér stað þennan dag og mun ég að sjálfsögðu segja örfá orð til hvatningar fyrir nemendur!“ segir Ólafur Örn Bragason.
Rektor Háskólans á Akureyri telur yfirfærslu námsins á háskólastig í góðum höndum í HA. „Við höfum reynsluna af hjúkrunar- og iðjuþjálfunarfræði og því vitum við mæta vel að það er mikilvægt að koma til móts við starfandi lögreglumenn með próf úr Lögregluskólanum. Þeir hafa nú þegar sýnt náminu mikinn áhuga og í boði er að taka diplómagráðu á tveimur árum samhliða vinnu“, segir hann ennfremur.
Gert er ráð fyrir því að nemendur verði í tveggja daga lotu þar sem farið verður yfir skipulag námsins og nemendur fá tækifæri til að kynnast skólanum, starfsfólki og þjónustunni í HA.
Nýjast
-
Halldór Jón nýr skólameistari FSH
Halldór hefur starfað við skólann frá árinu 2017 sem aðstoðarskólameistari og áfangastjóri. -
Norðurþing og Björgunarsveitin Garðar efla samstarf
Með samningnum eru tengslin efld í því skyni að almannavarna- og æskulýðsstarf verði áfram þróttmikið -
Nýr áningarstaður í Hrísey – Lumar þu á nafni?
Ný gönguleið hefur verið tekin í notkun meðfram vesturströnd Hríseyjar. Á þeirri leið er gömul aflögð steypustöð sem nú hefur verið breytt í áningarstað. Áningarstaðurinn líkist einhvers konar ramma af húsi – þó það sé ekki hús í eiginlegri merkingu. -
Vilja nýta glatvarma til sniglaræktar
Sniglarækt hefur víða í Evrópu sannað sig sem vistvæn og arðbær búgrein með fjölbreyttum afurðum – allt frá lúxusmatvöru til hráefna í snyrtivöruiðnað. Nýnæmi verkefnisins felst í að aðlaga slíka ræktun að íslenskum aðstæðum með áherslu á sjálfbæra auðlindanýtingu og kolefnislágan rekstur. -
Laugardagur á Listasafninu á Akureyri
Laugardaginn 28. júní verður mikið um að vera á Listasafninu á Akureyri þar sem boðið verður upp á listamannaspjall við Þóru Sigurðardóttur kl. 15 undir stjórn Ann-Sofie N. Gremaud, en klukkan 14 sýnir Katrin Hahner gjörning í tengslum við þátttöku hennar í samsýningu norðlenskra listamanna, Mitt rými. -
Ertu ekki örugglega að fylgjast með?
Rauði krossinn á Íslandi hefur hleypt af stokkunum fræðslu- og forvarnarátaki um öryggi barna í sundi. Átakið er unnið í samstarfi við Reykjavíkurborg og Samtök forstöðumanna sundstaða á Íslandi (SFSÍ) og er því beint að öllu landinu. Árlega drukkna yfir 300 þúsund manns í heiminum eða um 30 manneskjur á hverjum einasta klukkutíma. Á Íslandi drukknuðu 68 manns á tíu ára tímabili frá 2013-2023. „Drukknun er algengari en flestir halda og stundum er því talað um hinn þögla faraldur,“ segir Hildur Vattnes Kristjánsdóttir, teymisstjóri skyndihjálpar hjá Rauða krossinum. -
,,Þessi umbótavinna hefur verið mikil og krefjandi"
Í kjölfar ítarlegrar úttektar Embættis landlæknis á geðþjónustu Sjúkrahússins á Akureyri (SAk) hefur verið ráðist í umfangsmiklar umbætur til að efla þjónustuna og bæta aðstæður fyrir bæði sjúklinga og starfsfólk. Markvisst hefur verið unnið að úrbótaáætlun með það að leiðarljósi að styrkja geðheilbrigðisþjónustu SAk. -
Akureyrarbær og Skátafélagið Klakkur undirrita viljayfirlýsingu
Akureyrarbær og Skátafélagið Klakkur hafa undirritað viljayfirlýsingu um eflingu samstarfs, framtíðaruppbyggingu og gerð heildstæðs rekstrarsamnings um starfsemi félagsins. -
Listasumar hefst á morgun
Hátíðin hefst með Opnu húsi í Kaktus, þar sem haldið verður upp á Jónsmessu með tilraunakenndu og opnu DJ – VJ kvöldi, og Opnu húsi í Deiglunni
