Heilsuvernd óskar eftir lóð við Þingvallastræti
Ástand húsnæðis Hlíðar er enn til umræðu vegna þess hve dapurt lélegt það er
Heilsuvernd hefur óskað eftir því að fá úthlutað lóð við Þingvallastræti 23 á Akureyri undir heilbrigðisþjónustu fyrir aldraða í tímabundnar dvalir og endurhæfingu auk þjónustu við slíka starfssemi. Heilsuvernd Hjúkrunarheimili á Akureyri rekur í tvær einingar í Austurbyggð og Vestursíðu samkvæmt samningi við Sjúkratryggingar Íslands.
Ástand húsnæðis Hlíðar hefur verið ófullnægjandi og er unnið að endurbótum á álmu 3. Þeim á að vera lokið á næsta ári og í kjölfarð opna ný rými sem lokuð hafa verið vegna myglu.
Álmur 1 og 2 hafa einnig verið í bágbornu ástandi og stefnir í frekari lokanir rýma og tilfærslu skrifstofu þaðan á næstu misserum. Unnin hefur verið greining á endurbótum á vegum FSRE/COWI sem er ekki talin fýsileg á þessum einingum og nýbygging talin ákjósanlegasti kostur.
Óviðunandi að bíða með lausnir
Horft er til Þursaholts með úrbætur, en áætlanir gera ráð fyrir að það húsnæði verði tilbúið á árunum 2029 eða 2030. „Félagið telur óviðunandi að bíða með lausnir á vanda húsnæðis í álmu 2 og 3 þangað til og horfir því til framtíðarlausnar með hluta af starfssemi sinni. Unnið er að því að geta opnað fleiri dagendurhæfingarrými til viðbótar við bið og skammtímarými á lóðinni við Þingvallastræti sem er skilgreind sem verslun og þjónusta.
Við teljum því að möguleg uppbygging á lóðinni sem félagið geti hraðað falli vel að verkefnum þess og stuðli að betri þjónustu fyrir aldraða á Akureyri. Þess vegna óskar félagið eftir beinni úthlutun undir heilbrigðisþjónustu og tengda starfssemi á lóðinni við Þingvallastræti 23,“ segir í erindi frá framkvæmdastjóra Heilsuverndar.
Skipulagsráð fjallaði um umsókn Heilsuverndar um lóðina og kemur fram í bókun að ráðið geti ekki úthlutað lóðinni þar sem hún hefði ekki verið auglýst. Skipulagsfulltrúa var falið að ræða mögulega staðsetningu fyrir fyrirhugaða þjónustu við umsækjenda.
Nýjast
-
Blómlegt hjá Guðbjörgu í Bergi
Guðbjörg Ringsted opnar málverkasýninguna Blómlegt í Bergi, Menningarhúsinu á Dalvík á laugardag, 9 maí. -
Heilsuvernd óskar eftir lóð við Þingvallastræti
Heilsuvernd hefur óskað eftir því að fá úthlutað lóð við Þingvallastræti 23 á Akureyri undir heilbrigðisþjónustu fyrir aldraða í tímabundnar dvalir og endurhæfingu auk þjónustu við slíka starfssemi. Heilsuvernd Hjúkrunarheimili á Akureyri rekur í tvær einingar í Austurbyggð og Vestursíðu samkvæmt samningi við Sjúkratryggingar Íslands. -
Lóð við Vestursíðu aftur til bæjarins
Lóðinni við Vestursíðu 13 á Akureyri fellur á ný til bæjarins, en henni hafði verið úthlutað fyrir þremur árum, í apríl árið 2023 til Framkvæmdasýslu - Ríkiseigna (FSRE) til uppbyggingar 80 rýma hjúkrunarheimilis. -
Tækifæri vestan Hagahverfis
Vestan við Hagahverfi liggur eitt áhugaverðasta uppbyggingarsvæði Akureyrarbæjar til framtíðar. Þar eru raunveruleg tækifæri til að mæta vaxandi íbúðaþörf, styrkja innviði og byggja upp fjölbreytt og gott umhverfi. -
Orka til Akureyrar
Bæjarstjórn Akureyrar samþykkti samhljóða á dögunum að auglýsa aðalskipulag vegna nýrrar Blöndulínu 3 sem Landsnet hyggst reisa og reka á 220 kV spennu. Eftir margra ára togstreitu við Landsnet náðist viðunandi samkomulag um útfærslu á línunni sem tryggir að hún verði lögð í jörð næst þéttbýlinu á Akureyri eins fljótt og tæknilegar forsendur leyfa. Línan mun tryggja flutning á raforku frá Blönduvirkjun til Eyjafjarðarsvæðisins. Úr hinni áttinni færir Hólasandslína 3 okkur raforku frá hinu öfluga Þeistareykjasvæði í Þingeyjarsýslum, en sú lína var tekin í notkun árið 2022. -
Borgarhólsskóli sigurvegari í Fiðringi 2026
Í gærkvöldi fór Fiðringur á Norðurlandi fram í fimmta sinn og er óhætt að segja að hann sé að festa sig í sessi betur og betur. Það er reyndar umhugsunarefni af hverju bara fjórir af sjö Akureyrarskólunum taki þátt í ár þar sem þeir eru flestir mjög fjölmennir en það er einlæg von okkar sem stöndum að verkefninu að þeir taki allir þátt að ári! -
Félagslegt húsnæði og ójöfnuður á Akureyri
Frá lokum 20. aldar hefur framboð á félagslegu húsnæði á Íslandi dregist saman samhliða aukinni áherslu á markaðslausnir. Með afnámi verkamannabústaðakerfisins á árunum 1998–1999 dró úr beinni ábyrgð hins opinbera á uppbyggingu húsnæðis og aðgengi að húsnæði fór í auknum mæli að ráðast af greiðslugetu. Þrátt fyrir tilkomu almenna íbúðakerfisins árið 2016 hefur framboð félagslegs og óhagnaðardrifins húsnæðis ekki haldið í við eftirspurn. Hlutfall óhagnaðardrifinna íbúða er um 5% á Íslandi og eru þá talin með félög eins og Bjarg íbúðafélag. -
Framkvæmdastjóraskipti hjá Höldi – Bílaleigu Akureyrar
Pálmi Viðar Snorrason hefur verið ráðinn framkvæmdastjóri Hölds-Bílaleigu Akureyrar frá og með 1. maí síðastliðnum. Pálmi tekur við starfinu af Bergþóri Karlssyni. -
1 maí hlaup 2026 - úrslit og myndir
Mikið fjölmenni var í 1. maí hlaupi UFA. Ríflega 600 hlauparar á öllum aldri hlupu af stað og þá eru ótaldir þeir foreldrar sem tóku sprettinn sem fylgdarmenn barna sinna, á svæðinu hafa klárlega verið um þúsund manns. Veðrið var svalt og nokkur snjókorn féllu en hlauparar létu það ekki á sig fá og sprettu úr spori.
