Heilabrot – Nýsköpun fyrir betra samfélag
Alls tóku 27 þátttakendur þátt í vinnustofunni. Þeir hófu daginn á að kortleggja raunverulegar áskoranir innan heilbrigðis- og velferðargeirans og skiptu sér í fimm þverfagleg teymi sem völdu sér áskorun til að vinna með. Hóparnir unnu svo allan daginn að þróun lausna sem þeir kynntu fyrir dómnefnd í lok dags.
Heilabrot - vinnustofa í nýsköpun á sviði heilbrigðis- og velferðarmála á Norðurlandi - fór fram í síðustu viku í samvinnu Drift EA og Háskólans á Akureyri. Markmið verkefnisins var að skapa vettvang þar sem unnið er að þverfaglegum lausnum á áskorunum sem samfélagið á Norðurlandi stendur frammi fyrir í heilbrigðis- og velferðarmálum. Áskoranirnar komu frá breiðum hópi stofnana og fyrirtækja sem sýndu verkefninu mikinn áhuga. Þá var aðsókn lausnarmiðaðra þátttakenda einnig mikil og ekki vantaði útsjónarsemina.
Öflug þátttaka og samvinna
Heilabrot fékk góðan meðbyr og fjölmargir aðilar komu að verkefninu sem samstarfs- og bakhjarlar. Þetta voru Sjúkrahúsið á Akureyri (SAk), Heilbrigðisstofnun Norðurlands (HSN), Læknastofur Akureyrar, Heilsuvernd, Veltek, SSNE, Þula, Pharmartica, Arctic Therapeutics og Embætti landlæknis.
Alls tóku 27 þátttakendur þátt í vinnustofunni. Þeir hófu daginn á að kortleggja raunverulegar áskoranir innan heilbrigðis- og velferðargeirans og skiptu sér í fimm þverfagleg teymi sem völdu sér áskorun til að vinna með. Hóparnir unnu svo allan daginn að þróun lausna sem þeir kynntu fyrir dómnefnd í lok dags.
Markviss og skapandi nálgun
Ferlið var vel skipulagt undir stjórn Svövu Bjarkar Ólafsdóttur, verkefnastjóra frumkvöðla og nýsköpunnar við HA og Sesselju Ingibjargar Barðdal Reynisdóttur, framkvæmdastýru Drift sem leiddu þátttakendur í gegnum hnitmiðað nýsköpunarferli. Þátttakendur fengu innsýn í áskoranir, unnu hugmyndavinnu með hugarflugi og fengu þjálfun í kynningartækni áður en þeir kynntu hugmyndirnar fyrir dómnefnd.
„Heilabrot var bæði þarft, gagnlegt og skemmtilegt ferli og það var svo gaman að sjá ólíka hópa koma að borðinu til að taka þátt í skapandi samvinnu, allir með það sameiginlega markmið að bæta heilbrigðisþjónustu og velferð í okkar samfélagi,“ segir Inga Berglind Birgisdóttir, framkvæmdastjóri Læknastofa Akureyrar.
Verðlaun og framtíðin
Veitt voru verðlaun fyrir bestu hugmyndina og að þessu sinni var það hópur sem kallaði sig Taktur. Þau kynntu hugmynd um tengslamyndunarapp fyrir fólk sem upplifir einmanaleika og félagslega einangrun. Markmiðið með appinu er að auka lífsgæði fólks með því að minnka einmanaleika og byggja sterkari samfélög. Hópurinn fékk gjafabréf í Skógarböðin, aðild að Messanum og merktan taupoka með merki Driftarar sem þakklætisvott fyrir vinnuna.
„Heilabrot er fyrsta skrefið af röð sem við ætlum að setja í loftið reglulega hér í Drift í öflugu samstarfi við HA. Það er okkur hjartans mál að tengja saman fleiri geira samfélagsins við ólíka aðila, hugmyndir og krafta. Markmiðið er að halda áfram að skapa rými fyrir þverfaglega nýsköpun með samfélagslegum tilgangi,” segir Sesselja Ingibjörg Barðdal Reynisdóttir, framkvæmdastýra Drift.
Nýjast
-
Björg EA 7 vígði endurbyggða Torfunefsbryggju á Akureyri
Endurbyggð Torfunefsbryggju við Pollinn á Akureyri var í dag vígð við hátíðalega athöfn. Togari Samherja, Björg EA 7, lagðist að bryggjunni og vígði þar með hið nýja mannvirki. -
Heilabrot – Nýsköpun fyrir betra samfélag
Heilabrot - vinnustofa í nýsköpun á sviði heilbrigðis- og velferðarmála á Norðurlandi - fór fram í síðustu viku í samvinnu Drift EA og Háskólans á Akureyri. Markmið verkefnisins var að skapa vettvang þar sem unnið er að þverfaglegum lausnum á áskorunum sem samfélagið á Norðurlandi stendur frammi fyrir í heilbrigðis- og velferðarmálum. Áskoranirnar komu frá breiðum hópi stofnana og fyrirtækja sem sýndu verkefninu mikinn áhuga. Þá var aðsókn lausnarmiðaðra þátttakenda einnig mikil og ekki vantaði útsjónarsemina. -
Benedikt Barðason skipaður skólameistari Verkmenntaskólans á Akureyri
Guðmundur Ingi Kristinsson, mennta- og barnamálaráðherra, hefur skipað Benedikt Barðason í embætti skólameistara Verkmenntaskólans á Akureyri til fimm ára frá 1. ágúst næstkomandi. -
Halldór Jón nýr skólameistari FSH
Halldór hefur starfað við skólann frá árinu 2017 sem aðstoðarskólameistari og áfangastjóri. -
Norðurþing og Björgunarsveitin Garðar efla samstarf
Með samningnum eru tengslin efld í því skyni að almannavarna- og æskulýðsstarf verði áfram þróttmikið -
Nýr áningarstaður í Hrísey – Lumar þu á nafni?
Ný gönguleið hefur verið tekin í notkun meðfram vesturströnd Hríseyjar. Á þeirri leið er gömul aflögð steypustöð sem nú hefur verið breytt í áningarstað. Áningarstaðurinn líkist einhvers konar ramma af húsi – þó það sé ekki hús í eiginlegri merkingu. -
Vilja nýta glatvarma til sniglaræktar
Sniglarækt hefur víða í Evrópu sannað sig sem vistvæn og arðbær búgrein með fjölbreyttum afurðum – allt frá lúxusmatvöru til hráefna í snyrtivöruiðnað. Nýnæmi verkefnisins felst í að aðlaga slíka ræktun að íslenskum aðstæðum með áherslu á sjálfbæra auðlindanýtingu og kolefnislágan rekstur. -
Laugardagur á Listasafninu á Akureyri
Laugardaginn 28. júní verður mikið um að vera á Listasafninu á Akureyri þar sem boðið verður upp á listamannaspjall við Þóru Sigurðardóttur kl. 15 undir stjórn Ann-Sofie N. Gremaud, en klukkan 14 sýnir Katrin Hahner gjörning í tengslum við þátttöku hennar í samsýningu norðlenskra listamanna, Mitt rými. -
Ertu ekki örugglega að fylgjast með?
Rauði krossinn á Íslandi hefur hleypt af stokkunum fræðslu- og forvarnarátaki um öryggi barna í sundi. Átakið er unnið í samstarfi við Reykjavíkurborg og Samtök forstöðumanna sundstaða á Íslandi (SFSÍ) og er því beint að öllu landinu. Árlega drukkna yfir 300 þúsund manns í heiminum eða um 30 manneskjur á hverjum einasta klukkutíma. Á Íslandi drukknuðu 68 manns á tíu ára tímabili frá 2013-2023. „Drukknun er algengari en flestir halda og stundum er því talað um hinn þögla faraldur,“ segir Hildur Vattnes Kristjánsdóttir, teymisstjóri skyndihjálpar hjá Rauða krossinum.
