Lokaorðið - Ertu iðnaðarmaður ?
Tryggvi Gunnarsson
Í síðustu viku þurfti ég að skottast suður til Reykjavíkur í mörg mismunandi verkefni. Allt frá því að láta sérfræðing skoða mig, heimsækja vini og vandamenn og ekki síst að hitta börn mín og barnabörn sem búa á Suðurlandinu. Ég fór vel undirbúinn og skipulagði ferðina þannig að tíminn myndi nýtast sem best.
Það var margt fallegt og skemmtilegt sem gerðist í þessi ferð. Hún var eiginlega frábær og enn einu sinni sannast það að eiga góða vini sem standa með manni í blíðu og stríðu er ómetanlegt. Gleðistundir með æskufélögum þar sem hlátur er í aðalhlutverki, sagðar ófár sögur í léttum dúr frá æskuárunum sem fengu tárin til að streyma niður kinnarnar. Yndislegt.
Það er þó tvennt sem stendur upp úr sem gerði það verkum að ég hef ofurtrú á fólkinu sem kemur til með erfa landið. Fyrra atvikið átti sér stað þegar ég var á leiðinni að hitta einn góðan félaga, hann hringdi í mig og bað mig að koma við í búð og kaupa fyrir sig sígarretttur. Ég skottaðist inn Bónus fór beint á kassann þar sem beið mín heldur hress afgreiðslustúlka með bros á vör og ánægð með lífið.
Ég bar upp erindið, ég ætla að fá þrjá bláa Winston. Haldið þið ekki að þessi snaggaralega og hressa afgreiðslustúlka skelli ekki bara upp úr og horfir á mig þennan rúmlega sextuga kall og spyr, ertu að byrja að reykja?
Segir svo í gegnum hláturinn að það séu ca 15 ár síðan Bónus hætti að selja tóbak.
Hitt atvikið var heimsókn í sundlaugina í heimabæ afastrákana sem stóð svo sannarlega upp úr. Það var þó ekki sjálf sundferðin sem stóð uppúr þar sem við köfuðum, fórum í rennibrautir, kalda pottinn og heitu pottana heldur þegar ég var að borga mig inn, ég er nefnilega pínu gamaldags, vill alltaf vera með peningaseðla á mér bara svona ef eitthvað kemur upp á.
Ég rétti ungum hressum síbrosandi afgreiðslumanni einn bláann seðil, hann horfir á mig og spyr sposkur, ertu iðnaðarmaður?
Framtíðin er björt.
Nýjast
-
Lokaorðið - Ertu iðnaðarmaður ?
Í síðustu viku þurfti ég að skottast suður til Reykjavíkur í mörg mismunandi verkefni. Allt frá því að láta sérfræðing skoða mig, heimsækja vini og vandamenn og ekki síst að hitta börn mín og barnabörn sem búa á Suðurlandinu. Ég fór vel undirbúinn og skipulagði ferðina þannig að tíminn myndi nýtast sem best. -
Hugbúnaður til heilsu
Tólf stúdentar á öðru ári í hjúkrunarfræði við Háskólann á Akureyri lögðu land undir fót á dögunum til að taka þátt í alþjóðlegu námskeiði í Lissabon. Námskeiðið var dagana 28. september til 2. október og ásamt íslensku stúdentunum voru á því hjúkrunarnemar frá Portúgal og Noregi. Með í för voru einnig Þórhalla Sigurðardóttir, Anna Karen Sigurjónsdóttir og Kolbrún Sigurlásdóttir, sem allar starfa við Hjúkrunarfræðideild, auk Valgeirs Árnasonar kerfisstjóra. -
Alþjóðlegt samstarf í hjúkrunarfræði heldur áfram í Lissabon
Tólf stúdentar á öðru ári í hjúkrunarfræði við Háskólann á Akureyri lögðu land undir fót á dögunum til að taka þátt í alþjóðlegu námskeiði í Lissabon. Námskeiðið var dagana 28. september til 2. október og ásamt íslensku stúdentunum voru á því hjúkrunarnemar frá Portúgal og Noregi. Með í för voru einnig Þórhalla Sigurðardóttir, Anna Karen Sigurjónsdóttir og Kolbrún Sigurlásdóttir, sem allar starfa við Hjúkrunarfræðideild, auk Valgeirs Árnasonar kerfisstjóra. -
Gerði upp húsið og fann sjálfa sig á ný
Endurbygging Mela hjálpaði Hildi Óladóttur að ná heilsu á ný. Barry Laker kom fyrst að húsinu sem gestur og hélt að verkinu yrði aldrei lokið. Nú eru þau hjón, hafa tekið á móti yfir þúsund gestum í litlu kaffihúsi og bíða þess að einhver taki við keflinu. -
Eyjafjarðarsveit verður með landbúnaðarsveitarfélögum
Eyjafjarðarsveit hefur haft frumkvæði að því að kanna grundvöll fyrir stofnun Samtaka landbúnaðarsveitarfélaga, að fyrirmynd sambærilegra hagsmunasamtaka. Markmiðið er að skapa sameiginlegan vettvang sveitarfélaga þar sem landbúnaður er mikilvægur þáttur í atvinnulífi og samfélagi, til hagsmunagæslu í málefnum eins og skipulagsmálum, tekjustofnum og samskiptum við ríkisvaldið. Þreifingar hafa farið fram meðal sveitarfélaga og eru viðbrögð jákvæð. Sveitarstjórn Eyjafjarðarsveitar hefur samþykkt samhljóða þátttöku sveitarfélagsins í samtökunum. -
Mikilvægt að hefjast handa við nýja skammtíma- og frístundaþjónustu
„Nú þarf að hafa hraðar hendur, finna staðsetningu og hefjast handa við hönnun,“ segir Katrín Árnadóttir sem vakti athygli á málefnum Brekkukots í viðtalstíma bæjarfulltrúa nýverið. Katrín er móðir Ídu Anton, 10 ára stelpu með Downs heilkenni sem nýtir sér þjónustu Brekkukots. -
Kalla eftir ábendingum um hættustaði í Norðurþingi
Norðurþing vinnur að nýrri umferðaröryggisáætlun sem á að nýtast við að forgangsraða úrbótum í sveitarfélaginu. Íbúasamráð stendur nú yfir og geta íbúar komið á framfæri ábendingum og athugasemdum um umferðaröryggi til 22. október -
Brák Jónsdóttir - listamanns spjall um verkin fyrir Sigurhæðir
Á sunnudaginn komandi 11. október kl 13-13.30 er boðið í samtal með Brák Jónsdóttur myndlistarmanni í Flóru menningarhúsi í Sigurhæðum. Rætt verður um verk Brákar sem hún vann í ár sérstaklega fyrir Sigurhæðir, tilurð verkanna, hugmyndir, áferði og áhrif. -
Ný og rúmgóð fræhöll tekin í notkun í Vaglaskógi
Stórt gróðurhús er nú risið í starfsstöð Lands og skógar í Vaglaskógi. Húsið er viðbót við eldra hús nýtt hefur verið undanfarna áratugi í kynbótastarf á vegum stofnunarinnar og fyrirrennara hennar.
