Djúp lægð stefnir á landið á miðvikudag
Það mun blása vel á okkur ásamt því sem úrkoma verður mikil n.k miðvikudag Mynd Veðurstofa Íslands
Óli Þór Árnason veðurfræðingur á Veðurstofu Íslands segir mjög djúpa lægð vera á leið til landsins. Gera spár ráð fyrir að loftþrýstingur í lægðinni verði kominn niður í 937 millibör þegar hún nálgast landið á miðvikudagsmorgun. Útlit er fyrir að lægðin gangi á land skammt austan Mýrdalsjökuls og haldi þaðan til norðausturs.
,,'Það má búast má við rigningu um allt land þegar lægðin fer yfir austanvert landið. Vindhraði gæti náð 25 m/s þar sem hvassast verður og hviður farið vel yfir 40 m/s við fjöll þar sem slíkarvindhviður eru algengar. Þótt rigning verði á láglendi er jafnframt líklegt að snjói til fjalla.
Á norðanverðu landinu gæti byrjað að rigna fyrir hádegi. Seinni part miðvikudags fara skil lægðarinnar yfir norðausturhornið og ætti veður þá að ganga niður þar. Á norðvestanverðu landinu snýst vindur hins vegar til norðlægrar áttar og kólnar. Þá má búast við slyddu eða snjókomu niður undir sjávarmál, og er útlit fyrir að veðrið verði verst þar á miðvikudagskvöld" segir Óli Þór ennfremur.
Óli Þór Árnason
Kólnar á Norðurlandi þegar skilin fara yfir
Aðfaranótt fimmtudags færast skil lægðarinnar yfir Norðurland og síðar Norðausturland. Kólnar því heldur seinna þar en á norðvestanverðu landinu, þar sem slydda og snjókoma gætu náð niður að sjávarmáli fyrr.
Á fimmtudagsmorgun er síðan útlit fyrir að vindur lægi hratt og að stytt verði upp víðast hvar. Ekki er þó búist við að hlýni að ráði fyrr en á föstudag, svo snjórinn gæti setið áfram um tíma eftir að versta veðrið gengur yfir.
Að sögn Óla Þórs er búið að gefa út gular og appelsínugular veðurviðvaranir á stórum hluta landsins. Mikilvægt er að fylgjast vel með nýjustu spám og viðvörunum, enda getur breytt braut lægðarinnar haft í för með sér að veður versni eða batni á einstökum svæðum.
Vegfarendur eru hvattir til að sýna sérstaka aðgát og leggja ekki af stað á vanbúnum bílum við þessar aðstæður.
Ekki búist við miklum áhrifum á sjávarstöðu
Þótt svo djúp lægð geti haft áhrif til hækkunar sjávarborðs er ekki talið líklegt að sjávarstaða hafi veruleg áhrif á byggð að þessu sinni. Stórstreymi var í gær, sunnudag, og því er nú minnkandi straumur.
,,Þó þarf að hafa í huga að djúpur loftþrýstingur getur hækkað sjávarborð og því er ástæða til að fylgjast með aðstæðum þegar lægðin nálgast landið. Kvöldflóðið á miðvikudag verður nærri miðnætti á norðanverðu landinu" sagði Óli Þór Árnason veðurfræðingur.
Nýjast
-
Djúp lægð stefnir á landið á miðvikudag
Óli Þór Árnason veðurfræðingur á Veðurstofu Íslands segir mjög djúpa lægð vera á leið til landsins. Gera spár ráð fyrir að loftþrýstingur í lægðinni verði kominn niður í 937 millibör þegar hún nálgast landið á miðvikudagsmorgun. Útlit er fyrir að lægðin gangi á land skammt austan Mýrdalsjökuls og haldi þaðan til norðausturs. -
Ný vinátta og mikil sviðsvinna að baki Mean Girls
Það er í mörg horn að líta þegar stór sýning er sett á svið samhliða skólagöngu. Hjá leikfélaginu Píramus & Þispu hefur undirbúningur að uppsetningu Mean Girls þó líka orðið tilefni til nýrra kynna og vináttu. Hrefna Ósk Davíðsdóttir, sem fer með hlutverk Reginu George, segir hópinn hafa þést jafnt og þétt og nýja félaga þegar orðna mikilvægan hluta af starfinu. -
Sex félagar í Ferðafélagi Akureyrar sæmd gullmerki Ferðafélags Íslands á afmælisári FA
Síðastliðinn laugardag var hin árlega Sviðamessa Ferðafélags Akureyrar haldin í Ljósvetningabúð. -
Í námi í VMA og spilar með KA og þremur yngri landsliðum í blaki
Auk náms á íþrótta- og lýðheilsubraut VMA er heldur betur nóg að gera hjá Ingu Björgu Brynjúlfsdóttur í blakinu. Hún æfir og spilar á fullu sem kantspilari með meistaraflokki KA og er þar að auki í þremur yngri landsliðum Íslands í blaki, U-17, U-18 og U-20. -
Lokaorðið - Ertu iðnaðarmaður ?
Í síðustu viku þurfti ég að skottast suður til Reykjavíkur í mörg mismunandi verkefni. Allt frá því að láta sérfræðing skoða mig, heimsækja vini og vandamenn og ekki síst að hitta börn mín og barnabörn sem búa á Suðurlandinu. Ég fór vel undirbúinn og skipulagði ferðina þannig að tíminn myndi nýtast sem best. -
Hugbúnaður til heilsu
Tólf stúdentar á öðru ári í hjúkrunarfræði við Háskólann á Akureyri lögðu land undir fót á dögunum til að taka þátt í alþjóðlegu námskeiði í Lissabon. Námskeiðið var dagana 28. september til 2. október og ásamt íslensku stúdentunum voru á því hjúkrunarnemar frá Portúgal og Noregi. Með í för voru einnig Þórhalla Sigurðardóttir, Anna Karen Sigurjónsdóttir og Kolbrún Sigurlásdóttir, sem allar starfa við Hjúkrunarfræðideild, auk Valgeirs Árnasonar kerfisstjóra. -
Alþjóðlegt samstarf í hjúkrunarfræði heldur áfram í Lissabon
Tólf stúdentar á öðru ári í hjúkrunarfræði við Háskólann á Akureyri lögðu land undir fót á dögunum til að taka þátt í alþjóðlegu námskeiði í Lissabon. Námskeiðið var dagana 28. september til 2. október og ásamt íslensku stúdentunum voru á því hjúkrunarnemar frá Portúgal og Noregi. Með í för voru einnig Þórhalla Sigurðardóttir, Anna Karen Sigurjónsdóttir og Kolbrún Sigurlásdóttir, sem allar starfa við Hjúkrunarfræðideild, auk Valgeirs Árnasonar kerfisstjóra. -
Gerði upp húsið og fann sjálfa sig á ný
Endurbygging Mela hjálpaði Hildi Óladóttur að ná heilsu á ný. Barry Laker kom fyrst að húsinu sem gestur og hélt að verkinu yrði aldrei lokið. Nú eru þau hjón, hafa tekið á móti yfir þúsund gestum í litlu kaffihúsi og bíða þess að einhver taki við keflinu. -
Eyjafjarðarsveit verður með landbúnaðarsveitarfélögum
Eyjafjarðarsveit hefur haft frumkvæði að því að kanna grundvöll fyrir stofnun Samtaka landbúnaðarsveitarfélaga, að fyrirmynd sambærilegra hagsmunasamtaka. Markmiðið er að skapa sameiginlegan vettvang sveitarfélaga þar sem landbúnaður er mikilvægur þáttur í atvinnulífi og samfélagi, til hagsmunagæslu í málefnum eins og skipulagsmálum, tekjustofnum og samskiptum við ríkisvaldið. Þreifingar hafa farið fram meðal sveitarfélaga og eru viðbrögð jákvæð. Sveitarstjórn Eyjafjarðarsveitar hefur samþykkt samhljóða þátttöku sveitarfélagsins í samtökunum.
