Ný vinátta og mikil sviðsvinna að baki Mean Girls
Hrefna er þrátt fyrir ungan aldur ekki allskostar óvön sviðlistakona. Hún hefur nánast frá frumbernsku nýtt hvert tækifæri til að stíga á stokk, ýmist sem söngkona leikkona, nú eða hreinlega bæði. Mynd/LH.
Það er í mörg horn að líta þegar stór sýning er sett á svið samhliða skólagöngu. Hjá leikfélaginu Píramus & Þispu hefur undirbúningur að uppsetningu Mean Girls þó líka orðið tilefni til nýrra kynna og vináttu. Hrefna Ósk Davíðsdóttir, sem fer með hlutverk Reginu George, segir hópinn hafa þést jafnt og þétt og nýja félaga þegar orðna mikilvægan hluta af starfinu. Glæný leikgerð verður frumsýnd í Samkomuhúsinu á Húsavík á miðvikudagskvöld klukkan 20.
„Stemningin er mjög góð og allir að standa sig mjög vel,“ segir Hrefna. Það eigi bæði við um þau sem standa á sviðinu og fólkið sem vinnur baksviðs. Margir hafi bæst í hópinn í haust, bæði nemendur á fyrsta ári og aðrir sem ekki hafi áður tekið þátt í sýningum P&Þ.
Að hennar mati er samveran einn skemmtilegasti hluti verkefnisins.
„Það skemmtilegasta er að fá að vera þarna öll saman og eignast nýja vini, kynnast fólki betur sem maður var ekkert endilega að spjalla mikið við áður. Þetta verkefni er búið að vera mjög skemmtilegt og búið að líða alltof hratt að mínu mati.“
Mikil vinna hefur farið í að laga svið og tæknibúnað að sýningunni. Þar þurfti að breyta umgjörðinni frá Rocky Horror og færa hana yfir í heim Mean Girls. Hrefna segir tæknina og sviðsmyndina hafa verið meðal stærstu áskorana í undirbúningnum, auk þess að samræma æfingar og skólanám.
Fjórir dagar fóru í tæknivinnu og á þeim síðasta var komin góð mynd á þann þátt sýningarinnar. Hrefna hrósar tæknimönnum hópsins, Karen Erludóttur leikstjóra og öðru hjálparfólki fyrir framlagið.
Sviðsmyndin kallaði einnig á talsverða vinnu. Kastalinn úr Rocky Horror þurfti að taka miklum breytingum og mikið var málað til að skapa nýja umgjörð. Helga Sveinbjörnsdóttir formaður LH og maður hennar, Heiðar Smári lögðu hópnum lið við þá vinnu, auk foreldra.
„Fyrir það erum við virkilega þakklát,“ segir Hrefna.
Karen leikstjóri hefur líka sett sterkan svip á efni sýningarinnar. Að sögn Hrefnu var ekki til handrit sem hópurinn gat notað við uppsetninguna og tók Karen því að sér að skrifa það. Hún valdi jafnframt lög, aðallega ensk lög frá aldamótunum, og samdi við þau nýja íslenska texta.
„Karen er alveg mögnuð í sínu starfi og er að standa sig mjög vel,“ segir Hrefna.
Sjálf tekst Hrefna á við Reginu George, leiðtoga stúlknahópsins The Plastics. Hún lýsir Reginu sem stórum og miklum karakter sem vilji ráða öllu og öllum.
Utan sviðsins er það hins vegar samvinnan sem einkennir hópinn. Hrefna segir leikfélagsstarfið gegna mikilvægu hlutverki í félagslífi skólans. Nemendur kynnist upp á nýtt og þau sem áður hafi varla heilsast séu nú orðin góðir vinir.
„Ég er rosalega stolt af þessum hóp því ef eitthvað kemur upp þá hjálpumst við að við að finna út úr því saman,“ segir Hrefna að lokum.
Frumsýning á miðvikudag n.k. klukkan 20:00
Nýjast
-
Ný vinátta og mikil sviðsvinna að baki Mean Girls
Það er í mörg horn að líta þegar stór sýning er sett á svið samhliða skólagöngu. Hjá leikfélaginu Píramus & Þispu hefur undirbúningur að uppsetningu Mean Girls þó líka orðið tilefni til nýrra kynna og vináttu. Hrefna Ósk Davíðsdóttir, sem fer með hlutverk Reginu George, segir hópinn hafa þést jafnt og þétt og nýja félaga þegar orðna mikilvægan hluta af starfinu. -
Sex félagar í Ferðafélagi Akureyrar sæmd gullmerki Ferðafélags Íslands á afmælisári FA
Síðastliðinn laugardag var hin árlega Sviðamessa Ferðafélags Akureyrar haldin í Ljósvetningabúð. -
Í námi í VMA og spilar með KA og þremur yngri landsliðum í blaki
Auk náms á íþrótta- og lýðheilsubraut VMA er heldur betur nóg að gera hjá Ingu Björgu Brynjúlfsdóttur í blakinu. Hún æfir og spilar á fullu sem kantspilari með meistaraflokki KA og er þar að auki í þremur yngri landsliðum Íslands í blaki, U-17, U-18 og U-20. -
Lokaorðið - Ertu iðnaðarmaður ?
Í síðustu viku þurfti ég að skottast suður til Reykjavíkur í mörg mismunandi verkefni. Allt frá því að láta sérfræðing skoða mig, heimsækja vini og vandamenn og ekki síst að hitta börn mín og barnabörn sem búa á Suðurlandinu. Ég fór vel undirbúinn og skipulagði ferðina þannig að tíminn myndi nýtast sem best. -
Hugbúnaður til heilsu
Tólf stúdentar á öðru ári í hjúkrunarfræði við Háskólann á Akureyri lögðu land undir fót á dögunum til að taka þátt í alþjóðlegu námskeiði í Lissabon. Námskeiðið var dagana 28. september til 2. október og ásamt íslensku stúdentunum voru á því hjúkrunarnemar frá Portúgal og Noregi. Með í för voru einnig Þórhalla Sigurðardóttir, Anna Karen Sigurjónsdóttir og Kolbrún Sigurlásdóttir, sem allar starfa við Hjúkrunarfræðideild, auk Valgeirs Árnasonar kerfisstjóra. -
Alþjóðlegt samstarf í hjúkrunarfræði heldur áfram í Lissabon
Tólf stúdentar á öðru ári í hjúkrunarfræði við Háskólann á Akureyri lögðu land undir fót á dögunum til að taka þátt í alþjóðlegu námskeiði í Lissabon. Námskeiðið var dagana 28. september til 2. október og ásamt íslensku stúdentunum voru á því hjúkrunarnemar frá Portúgal og Noregi. Með í för voru einnig Þórhalla Sigurðardóttir, Anna Karen Sigurjónsdóttir og Kolbrún Sigurlásdóttir, sem allar starfa við Hjúkrunarfræðideild, auk Valgeirs Árnasonar kerfisstjóra. -
Gerði upp húsið og fann sjálfa sig á ný
Endurbygging Mela hjálpaði Hildi Óladóttur að ná heilsu á ný. Barry Laker kom fyrst að húsinu sem gestur og hélt að verkinu yrði aldrei lokið. Nú eru þau hjón, hafa tekið á móti yfir þúsund gestum í litlu kaffihúsi og bíða þess að einhver taki við keflinu. -
Eyjafjarðarsveit verður með landbúnaðarsveitarfélögum
Eyjafjarðarsveit hefur haft frumkvæði að því að kanna grundvöll fyrir stofnun Samtaka landbúnaðarsveitarfélaga, að fyrirmynd sambærilegra hagsmunasamtaka. Markmiðið er að skapa sameiginlegan vettvang sveitarfélaga þar sem landbúnaður er mikilvægur þáttur í atvinnulífi og samfélagi, til hagsmunagæslu í málefnum eins og skipulagsmálum, tekjustofnum og samskiptum við ríkisvaldið. Þreifingar hafa farið fram meðal sveitarfélaga og eru viðbrögð jákvæð. Sveitarstjórn Eyjafjarðarsveitar hefur samþykkt samhljóða þátttöku sveitarfélagsins í samtökunum. -
Mikilvægt að hefjast handa við nýja skammtíma- og frístundaþjónustu
„Nú þarf að hafa hraðar hendur, finna staðsetningu og hefjast handa við hönnun,“ segir Katrín Árnadóttir sem vakti athygli á málefnum Brekkukots í viðtalstíma bæjarfulltrúa nýverið. Katrín er móðir Ídu Anton, 10 ára stelpu með Downs heilkenni sem nýtir sér þjónustu Brekkukots.
