Gullæð fannst fannst í Höfðagöngum! – Verður göngunum breytt í gullnámu?
Það leynir sér ekki gullið í þessum grjótmola úr Höfðagöngum á dulkóðavörðu myndinni sem send var til Doctor Schickelgruber í Jóhannesarborg og okkur tókst að afkóða rétt í þessu. Sýnishorn af grjótinu eru til sýnis í Bókaverslun Þórarins á Húsavík - í glugganum sem snýr út að Garðarsbraut.
Samkvæmt áreiðanlegum heimildum dagskrain.is, hefur framkvæmdum í jarðgöngunum í Húsavíkurhöfða verið hætt í kjölfar þess að í gær fannst þar eftir síðustu sprengingatörn grjót, og raunar æð í berginu, sem hefur að geyma gull í að menn telja vinnanlegu magni.
Mikil leynd hvílir yfir þessum fundi og starfsfólk allt er bundið þagnareiði. En þegar liggur fyrir að bergsýni hafa verið send til virtra sérfræðinga víða um heim og umsagnir þeirra hafa verið afar jákvæðar. Doctor Schickelgruber, hinn háaldraði en heimsfrægi prófessor í jarðfræði við Háskólann í Jóhannesarborg í Suður-Afríku, sendi Norðurþingi dulkóðuð SMS skilaboð sem okkur tókst að afkóða, þar sem fram kemur að hann hafi ekki séð betri sýnishorn frá því hann skoðaði námur Salómons konungs á sínum tíma.
Gary Goldfinger, bandarískur gullgrafari frá Klondyke, tók í sama streng. Gaukur Hjartarson, skipulags- og byggingarfulltrúi Norðurþings, vildi ekkert tjá sig um málið. En sagði að fræðilega séð gætu prótólýtasetlög frá tertiertímanum sem einkenna berglög Húsavíkurhöfða myndað gull við samruna við hægfara brennnisteinsútfellingar á milljónum ára. „Að öðru leiti veit ég ekkert um þetta mál.“ Sagði Gaukur.
Samkvæmt heimildum okkar eru ýmsir á því að hér sé um að ræða svokallað misfellingagull, sem hefur raunar víða fundist hérlendis áður, en hingað til í það litlu magni að það hefur yfirleitt verið flokkað sem glópagull. En í Höfðagöngum er þéttleikaprósenta gullsins í berginu mun hærri en áður hefur þekkst.
Þegar munu vera hafnar viðræður milli PCC og Norðurþings um að hætta við jarðgangagerðina og opna þess í stað gullnámu í Húsavíkurhöfða. Þetta mun ekki hafa áhrif á framkvæmdir á Bakka, en í stað jarðganganna munu þungaflutningar frá höfn og að verksmiðja fara eftir þjóðvegi og um heljarmikið hringtorg sem gert verður á hlaðinu hjá Sigrúnu á Héðinshöfa, og hlaðið tekið eignarnámi í því skyni, vegna fyrirfram áætlaðra mótmæla hennar – eða Sigrúnu mútað með gulli úr göngunum, ef það reynist hagkvæmara.
Við hringdum í Kristján Þór Magnússon, sveitarstjóra Norðurþings, til að forvitnast um málið: Hann tók bara sóló á saxafóninn og söng síðan í símann við raust: „Mamma geymir gullin þín, gamla leggi og völuskrín.“
Eins og áður sagði, eru þessar fréttir enn óstaðfestar, en byggja á áræðanlegum heimildum. Eða alla vega umræðanlegum. Eða í það minnsta illviðráðanlegum. JS
Nýjast
-
Gamla verslunin í Vaglaskógi jöfnuð við jörðu
„Það eiga margir góðar minningar um þessa verslun,“ segir Helen Jónsdóttir en gamla góða búðin í Vaglaskógi var jöfnuð við jörðu nýverið. Allt var tekið nema hellan fékk að vera og væntir Helen þess að eitthvað verði gert á staðnum. „Vonandi verður settur upp fallegur áningarstaður þarna, með borðum og bekkjum og jafnvel skilti sem greinir frá sögu verslunarinnar.“ -
Hamrastígur og Kirkjugarðsstígur Finnur ehf bauð lægst í stígagerðina
Gengið verður til samninga við lægstbjóðenda, Finn ehf í gerð tveggja stíga á Akureyri, Hamrastígs og Kirkjugarðsstígs, en fyrirtækið átti lægsta boð í bæði verkin. -
Alþjóðaflugvöllur á Akureyri verði byggður upp
Sveitarfélögin á Norðurlandi vestra og Norðurlandi eystra skora á ríkisstjórn Íslands og Alþingi að koma rekstri, uppbyggingu og markaðssetningu Akureyrarflugvallar fyrir hjá sérstakri stjórn eða félagi, sem hefur það að markmiði að alþjóðaflugvöllurinn sé byggður upp og kynntur sem ein af gáttum Íslands -
Grafalvarleg staða í rekstri PCC Bakka rædd í atvinnuveganefnd Alþingis.
Atvinnuveganefnd Alþingis hefur verið upplýst um grafalvarlega stöðu í rekstri PCC Bakka við Húsavík, þar sem stefnt gæti í rekstrarstöðvun undir lok sumars ef ekki tekst að snúa vörn í sókn. -
Listasafnið á Akureyri Nýjar sýningar opnaðar
Sýningar Heimis Hlöðverssonar, Samlífi, og Þóru Sigurðardóttur,Tími – Rými – Efni, verða opnaðar í Listasafninu á Akureyri á laugardag 17. maí kl. 15. Á opnunardegi verður leiðsögn með Heimi kl. 15.45. -
Orkey fyrst á Íslandi með sjálfbærni- vottaða framleiðslu á lífeldsneyti
Orkey hefur fengið alþjóðlega kolefnis- og sjálfbærnivottun, ISCC EU, á lífdísilframleiðslu sína á Akureyri fyrst fyrirtækja sem framleiða lífeldsneyti hérlendis. -
Heyrn er ekki munaður – hún er þátttaka
Það var ánægjulegt að sækja fund hjá Félagi eldri borgara á Akureyri (EBAK) síðastliðinn föstudag. Rétt rúmlega hundrað manns mættu – áhugasamir, upplýstir og málefnalegir. Þar skapaðist gott samtal um þau mál sem brenna mest á eldra fólki í dag. Ábendingar komu víða að og spurningarnar voru margar og skýrar. Það var sérstaklega áberandi að umræðan snerist ítrekað að sömu kjarnamálunum: skerðingum, lífeyrissjóðum en einnig að heilbrigðisþjónustu. -
Sundlaug Akureyrar lokuð 18.-22. maí – opið lengur í Glerárlaug 18. maí
Sundlaug Akureyrar verður lokuð dagana 18.-22. maí eða frá sunnudegi til fimmtudags í næstu viku. -
Byggingaréttur á lóðum á Torfunefsbryggju boðin út í maí
Byggingaréttur á tveimur lóðum við Torfunefsbryggju þar sem eru til staðar fimm byggingareitir verður boðin út nú síðar í maí.