Góður sigur Þórs í frábærum leik
Þórsarar unnu í kvöld mjög góðan sigur á Grindvíkingum í Iceland Expressdeild karla í körfubolta. Leikurinn fór fram í Íþróttahúsi Síðuskóla og var æsispennandi allan tímann þar sem barátta og ákveðni var í fyrirrúmi.
Leikurinn hófst fjörlega og var skemmtilegur sóknarleikur aðalsmerki hjá báðum liðum, eilítið á kostnað varnarleiksins. Hvorki fleiri né færri en 66 stig voru skoruð í 1. leikhluta og skiptu liðin þeim bróðurlega á milli sín því að staðan eftir hann var 33-33.
Í öðrum leikhluta virtist sem Grindvíkingar væru að ná yfirhöndinni í leiknum því að þeir skoruðu nokkrar auðveldar körfur á meðan að Þórsarar gerðu sig seka um nokkur klaufaleg mistök. Einnig létu þeir dómara leiksins aðeins fara í taugarnar á sér enda féllu mörg vafaatriði gestunum í vil. Staðan í hálfleik var þannig að Grindavík leiddi með tíu stiga mun 57-47.
Í þriðja leikhluta gerðu Þórsarar gestum sínum strax ljóst að þeir myndu ekki fara heim með stigin auðveldlega. Þeir komu til leiks með gríðarlega baráttu að vopni og tókst að minnka muninn niður í sex stig áður en flautað var til loka leikhlutans í stöðunni 76-70.
Fjórði og síðasti leikhluti var gríðarlega spennandi og hin mesta skemmtun. Grindvíkingar leiddu framan af leikhlutanum en þegar um sex mínútur lifðu leiks jöfnuðu Þórsarar 85-85 og allt ætlaði um koll að keyra hjá áhorfendum, raunar var stemmningin frábær á þessum leik mestallan tímann.
Eftir að hafa jafnað leikinn litu Þórsarar aldrei um öxl. Þegar um 2 mínútur voru eftir var staðan 96-93 fyrir Þór og spennan rosalega hjá bæði leikmönnum og áhorfendum. Sem betur fer þó fyrir Þórsara náðu þeir að halda haus og lönduðu að lokum feykilega sætum sigri 104-98.
Nýjast
-
Ótryggt sjúkraflug frá Húsavík
Á fundi byggðaráðs Norðurþings á dögunum Óskaði Rebekka Ásgeirsdóttir S-lista eftir umræðu sjúkraflug frá Húsavíkurflugvelli. -
Erum hætt að deyja ung!
Þessi rúmlega miðaldra sem þetta skrifar sat nýlega málstofu sem fjallaði um gervigreind í umönnun eldra fólks. Fram að því hafði hún ekki mikið leitt hugann að gervigreind og hvernig best er að nýta hana. Sú greinda hafði til þessa notað mig til að sýna mér endalaust í viðbót ef ég hafði til dæmis verið að skoða mér skó á netinu. -
Landinn heimsækir lögreglufræðinámið á Akureyri
Á dögunum var hægt að horfa á þegar Landinn á RÚV heimsótti lögreglufræðinámið við Háskólann á Akureyri. Okkur lék forvitni á að vita hvernig þetta kom til og kynnast stemmningunni í slíkri heimsókn. Andrew Paul Hill, lektor við lögreglufræðina, varð fyrir svörum. Hann segir að það hafi ekki verið nein formleg kynning sem varð til þess að Landinn heimsótti þau heldur þvert á móti hafi það verið heppileg tilviljun og jákvætt viðhorf áhugasamra aðila sem leiddi þetta spennandi verkefni af sér. -
Kisukot áfram á einkaheimili
Fyrir liggja drög að þjónustusamningi til eins árs um tímabundna meðhöndlun á köttum þar sem gert er ráð fyrir að Kisukot verði áfram starfrækt við Löngumýri á Akureyri svo sem verið hefur í rúman áratug. -
Steingrímur Birgisson forstjóri Hölds Bílaleigu Akureyrar Örlítil aukning sjáanleg í sumar en haustið alveg tómt
„Það er örlítil aukning þegar horft er til komandi sumars, en svo er lítið sem ekki neitt að gerast þegar kemur inn á haustið. Frá september til áramóta er bara varla hreyfing,“ segir Steingrímur Birgisson forstjóri Hölds Bílaleigu Akureyrar. Hann bætir við að ef allt fer á versta veg varðandi upptöku kílómetra gjalds í sumar megi gera ráð fyrir gríðarmiklu tjóni hjá bílaleigum, sem í tilviki Bílaleigu Akureyrar nemur hundruðum milljóna. -
Málefni verksmiðju PCC á Bakka - Óskað eftir fundi í atvinnuveganefnd Alþingis
,,Ég óskaði eftir því fyrir helgi við formann atvinnuveganefndar að forsvarsmenn sveitarfélagsins Norðurþings, PCC á Bakka og Samtökum iðnaðarins færu yfir stöðuna með okkur í atvinnuveganefnd þingsins sem allra fyrst." -
„Stóra markmiðið að auka fæðuöryggi“
-segir Haukur Marteinsson nautgripabóndi á Kvíabóli en þingeyskir bændur eru stórtækir í kornrækt -
Dreptu mig …. Þú ert svo leiðinlegur röflari
Listin að rýna til gagns Listin að rýna til gagns, eða gagnrýna með uppbyggilegum hætti er eitthvað sem við ættum að temja okkur og ekki forðast. Það má vissulega oft finna leiðir til að gera misgóða hluti enn betri, benda á það sem betur mætti fara. Koma með lausnir og hugmyndir um betri leiðir, það flokkast undir að vera lausnamiðaður og framsýnn. -
Lóðir við Hofsbót 1-3 boðnar út í þessum mánuði
Stefnt er að því að bjóða lóðir við Hofsbót 1 – 3 út á ný síðar í maí. Lóðirnar voru boðnar út í fyrravor. Engar umsóknir bárust um þær þá.