Glæsileg A-álma tekin í notkun í Glerárskóla
Breytingarnar eru mjög vel heppnaðar Myndir MÞÞ
Ný og endurbætt A-álma hefur verið tekin í notkun í Glerárskóla. Gestum bauðst að líta á þær heilmiklu breytingar sem gerðar hafa verið á álmunni, en húsnæðið hefur verið endurnýjað á þann hátt að miklar breytingar hafa verið gerðar á vinnuumhverfi nemenda og starfsfólks.
Eyrún Skúladóttir skólastjóri sagði í ávarpi að markmið framkvæmdanna við Glerárskóla hafi verið að hanna og endurgera skólahúsnæðið þannig að það sé heilsusamlegt og þjóni starfseminni eins og best verður á kosið. Skólinn uppfyllir nú allar þær kröfur sem gerðar eru til skólahúsnæðis þegar kemur að hljóðvist, eldvörnum, loftgæðum og tæknimálum í kennslu, svo eitthvað sé nefnt.
Þau Hrafn Leví Þórðarson, Torfhildur Elva Friðbjargar Tryggvadóttir og Kristófer Aron Jónsson fluttu skólasöng Glerárskóla en þau eru öll í 9. bekk.
Öll verknámskennsla á neðri hæð
Áhersla var lögð á að nýta neðri hæð A-álmu mun betur en verið hefur með því að lækka jarðveg á milli álma skólans og koma fyrir stórum gluggum og aðgengi að görðum frá rýmum á neðri hæðinni. Þessar breytingar og viðbygging við tengigang milli álmanna gerðu mögulegt að koma fyrir allri verknámskennslu á neðri hæðinni.
Á efri hæðinni er öll starfsmannaðstaða, móttaka skólans, funda og sérkennslurými auk kennslurýma.
Heildarendurbætur á húsnæði
Framkvæmdin var 3. áfangi heildarendurbóta húsnæðis Glerárskóla. Fyrsta áfanga lauk í september 2019 þegar B-álma var tekin aftur í notkun. Annar áfangi fólst í endurbótum á D-álmu sem var tekin í notkun í ágúst 2020 og neðri hæðin þar um áramótin 2020-2021. A-álman var tilbúin til skólahalds haustið 2024 en áfram var unnið við ýmsan frágang framvæmda.
Framkvæmdin fól í sér heildarendurbætur á A-álmu skólans. hluta tengigangs og inngarða á milli A- og C-álmu og austan A-álmu, einnig var byggð nýbygging á milli A- og C-álmu.
Gómsæt kaka rann ljúflega niður.
Nýjast
-
Kjarnafæði Norðlenska kaupa B Jensen
Kjarnafæði Norðlenska gekk frá kaupum á sláturhúsi, kjötvinnslu og verslun B. Jensen í seinustu viku. -
Framkvæmdir að hefjast við nýtt svæði á Torfunefsbryggju Samið um fyrstu bygginguna
Samningur milli HN og verktakafyrirtækisins Húsheildar/Hyrnu um byggingu fyrsta hússins á Torfunefssvæðinu hefur verið undirritaður og markar ákveðin skref í uppbyggingu svæðisins. -
Hinsegin hátíð á Norðurlandi eystra
Hinsegin hátíð á Norðurlandi eystra verður haldin í fyrsta skiptið dagana 18.–22. júní 2025. Öll sveitarfélög á Norðurlandi eystra standa að hátíðinni og stefnt er að því að viðburðir fari fram sem víðast í öllum landshlutanum. -
Magnaði Mendelssohn
Felix Mendelssohn (Bartholdy) er talinn hafa verð einn mesti tónsnillingur allra tíma. Undrabarn sem á sinni stuttu 38 ára æfi samdi eina fallegustu tónlist veraldar. Jafnvel önnur tónskáld kölluð hann "hinn nýja Bach" m.a. Liszt, Schumann og Berlioz. -
Glæsileg A-álma tekin í notkun í Glerárskóla
Ný og endurbætt A-álma hefur verið tekin í notkun í Glerárskóla. Gestum bauðst að líta á þær heilmiklu breytingar sem gerðar hafa verið á álmunni, en húsnæðið hefur verið endurnýjað á þann hátt að miklar breytingar hafa verið gerðar á vinnuumhverfi nemenda og starfsfólks. -
Fiskur frá smábátum dregur úr afköstum landvinnslunnar og bónusar starfsfólks lækka
Afköst í fiskvinnsluhúsum Samherja dragast verulega saman þegar keyptur er afli af strandveiðibátum til vinnslu. Starfsmaður sem hefur unnið í tæpa fimm áratugi hjá Útgerðarfélagi Akureyringa segir sláandi mun á gæðum hráefnis frá smábátum og togurum sem veiða á djúpslóð. Bónusar fiskvinnslufólks lækka þegar unninn er afli frá smábátum því mun tímafrekara er að verka fiskinn. -
Af slúbbertum og svörtum sauðum
Vísir birti nýlega frétt um nýútkomna skýrslu Viðskiptaráðs þar sem fjallað er um uppsagnarvernd opinberra starfsmanna. Sá sem fréttina ritar kýs að reyna að fá fleiri „smelli“ með því að leggja skýrsluhöfundi orð í munn eins og að kalla opinbera starfsmenn „slúbberta“. -
Félag eldri borgara á Akureyri sækir um lóðir við Þursaholt Hafnað því ekki er búið að ákveða hvernig á að úthluta lóðunum
Akureyrarbær hefur ekki tekið ákvörðun um hvernig lóðum við Þursaholt verður úthlutað. Umsókn Félags eldri borgara á Akureyri, EBAK sem sótti um lausar lóðir á svæðinu var því hafnað. -
Ofurþéttingarárátta samtímans
Skipulagsráð Akureyrarbæjar hefur lagt til að bæjarstjórn samþykki tillögu að breytingu á aðalskipulagi 2018-2030. Í greinargerð segir að gert sé ráð fyrir að uppbygging hefjist fyrst á svokölluðum Tjaldsvæðisreit auk þess sem unnið verði að undirbúningi uppbyggingar til blandaðrar landnotkunar á Akureyrarvelli.
