Gjörgæslan er meira en vinna - þetta verður hluti af okkur og lífi okkar
Ásdís Skúladóttir, gjörgæsluhjúkrunarfræðingur á SAk Mynd SAk.is
„Þú veist aldrei hvernig dagurinn verður,“ segir Ásdís Skúladóttir, gjörgæsluhjúkrunarfræðingur á SAk, þegar hún lýsir starfinu sínu. „Við erum alltaf að læra eitthvað nýtt og verkefnin eru síbreytileg. Þetta starf heldur manni á tánum – og það er einmitt það sem heillar.“
Ásdís hóf feril sinn á SAk árið 1992 sem sjúkraliðanemi. Hún starfaði á lyfjadeild og í heimahjúkrun áður en hún fór í hjúkrunarnám við Háskólann á Akureyri. „Ég ætlaði reyndar að verða ljósmóðir,“ segir hún og brosir, „en eftir að hafa verið beðin um að vinna á gjörgæslunni eitt sumar varð ekki aftur snúið. Þar hef ég starfað síðan.“
Krefjandi og gefandi starf
Á gjörgæsludeild SAk er unnið með alvarlega veika sjúklinga – eftir slys, skurðaðgerðir, sýkingar, hjarta- og blóðrásarvandamál, eitranir og öndunarerfiðleika o.fl. „Við erum með fjölbreyttan sjúklingahóp, ef ekki væri fyrir gjörgæsluna gætum við ekki veitt nauðsynlega þjónustu eins og skurðaðgerðir og fæðingar hér á spítalanum,“ útskýrir Ásdís. „Við erum varasjúkrahús fyrir landið – það er mikilvægt öryggisatriði, ekki bara fyrir Norðurland heldur allt landið.“ Starfið er bæði tæknilegt og krefjandi. Á gjörgæslunni eru notaðar öndunarvélar, nýrnavélar og fjölbreyttur tækjabúnaður sem krefst sérhæfðrar þekkingar. „Góður búnaður og aðstaða skiptir miklu máli, bæði fyrir sjúklinga og starfsfólk. Unnið er í að endurbæta deildina og við höfum fengið nýjan búnað að hluta og bíðum eftir meir. En við þurfum stöðugt að bæta aðstæður og halda áfram að þróa starfsemina.“
Teymisvinna, aðlögun og stuðningur
Ásdís leggur mikla áherslu á mikilvægi teymisvinnu og trausts milli starfsstétta. „Við vinnum öll saman – hjúkrunarfræðingar, sjúkraliðar, læknar, sjúkraþjálfarar, iðjuþjálfarar, aðstoðarfólk o.fl. Þetta er teymisvinna frá grunni og allir skipta máli.“ Einnig er mikil áhersla lögð á samstarfi við aðrar deildar og á vel skipulagða aðlögun fyrir nýtt starfsfólk. „Við viljum taka vel á móti fólki og tryggja að það fái stuðning frá byrjun. Starfið krefst mikillar ábyrgðar og þekkingar – en við byggjum upp öryggi og færni saman.“
Fagmennska og fjölskylduhjúkrun hjartað í starfinu
Fjölskylduhjúkrun er stór hluti af starfi gjörgæsluhjúkrunarfræðinga, enda oft langir legutímar og erfiðar aðstæður. „Við höfum stundum líf fólks í okkar höndum í langan tíma. Þegar við sjáum sjúkling rísa upp eftir vikur eða mánuði – þá er það það sem gefur manni mest. Það er ólýsanleg tilfinning að sjá árangurinn.“
Aðspurð hvað haldi henni í starfinu öll þessi ár, svarar Ásdís: “Mér þykir gaman að takast á við áskoranir, láta gott af mér leiða, læra nýja hluti og svo á ég frábært samstarfsfólk.”
Það var heimasíða SAk, sem fyrst birti
Nýjast
-
Sýningin „Úr fullkomnu samhengi“ í Verksmiðjunni á Hjalteyri
Myndlistarsýningin „Úr fullkomnu samhengi“ verður opnuð í Verksmiðjunni á Hjalteyri á morgun, fimmtudaginn 3. júlí kl. 16. Þar sýna þau Julie Tremble, Philippe- Aubert Gauthier og Tanya Saint- Pierre , kanadískt kvikmynda og Vídeólistafólk. Aukalega verður sérstök vídeódagskrá á opnun, með verkum eftir 7 listamenn. -
Forseti Íslands sló í gegn í Vísindaskóla unga fólksins
Forseti Íslands, frú Halla Tómasdóttir og eiginmaður hennar Björn Skúlason, slógu í gegn við útskrift Vísindaskóla unga fólksins sem lauk föstudaginn 27. júní. Þau svöruðu fjölda spurninga sem nemendur höfðu sent embættinu, allt frá spurningum um uppáhaldslit hennar til þess hvort henni þætti Alþingi starfa vel. Alls 85 börn útskrifuðust að þessu sinni og er þetta ellefta starfsár skólans. Vísindaskólinn er rekinn af Rannsóknamiðstöð HA. -
Gjörgæslan er meira en vinna - þetta verður hluti af okkur og lífi okkar
„Þú veist aldrei hvernig dagurinn verður,“ segir Ásdís Skúladóttir, gjörgæsluhjúkrunarfræðingur á SAk, þegar hún lýsir starfinu sínu. „Við erum alltaf að læra eitthvað nýtt og verkefnin eru síbreytileg. Þetta starf heldur manni á tánum – og það er einmitt það sem heillar.“ -
Getur þú bætt í þekkingarbrunn um íslenska náttúru?
Jóhann Helgi Stefánsson, sérfræðingur hjá Landi og skógi skrifar -
Kærkomin gjöf Hollvina SAk til endurhæfingardeildar
Hollvinir Sjúkrahússins á Akureyr hafa fært SAki enn eina mikilvæga gjöf – að þessu sinni til endurhæfingardeildar SAk. -
Zipline Akureyri gengur mjög vel
„Það hefur gengið mjög vel hjá okkur og samkvæmt þeim væntingum sem við höfðum,“ segir Jón Heiðar Rúnarsson sem ásamt Anitu Hafdísi Björnsdóttur rekur félagið Zipline Akureyri. Þau hófu starfsemi um mitt sumar árið 2022 og eru því á sínu fjórða sumri. Zipline Akureyri rekur ævintýra ferðaþjónustu í Glerárgili, er með alls fimm sviflínur þar sem farið er yfir Glerá. -
Ferðfólk sem sækir í kælifrí þykir svalt að koma til Akureyrar
Það er ansi heitt niður i Evrópu og hitamet sleginn eða við það að vera sleginn daglega má segja. Þeim hópi ferðafólks sem þykir norðanátt og rigning mjög eftirsóknarverð horfir í vaxandi mæli hingað ,,upp eftir" og er Akureyri svo dæmi sé tekið er efst á óskalista þeirra erlendu ferðalanga sem vilja komast í svalara loftslag. Óhætt er að fullyrða að þessi gerð af ferðafólki fengi helling fyrir sinn snúð á Akureyri í dag. -
Að byggja upp á Bakka
Hjálmar Bogi Hafliðason skrifar um atvinnuuppbyggingu á Bakka á Húsavík. -
Bíladagar
Dýrleif Skjóldal átti Lokaorðið í blaðinu s.l. fimmtudag.
