Fyrsta græna stóriðjan á Íslandi gangsett í Krossanesi
Tvær vélasamstæður voru gangsettar í síðustu viku en alls verða tuttugu vélar komnar af stað um áramótin. Undir lok næsta árs er stefnt að því að fullum afköstum verði náð með 64 vélasamstæðum. „Við vorum einkum að fagna því að allt er á áætlun, við gagnsettum fyrstu vélina og undirbúningur er í fullum gangi varðandi framhaldið," segir Gauti Hallsson framkvæmdastjóri Becromal á Íslandi, en fyrsta vélin var formlega ræst fyrir liðna helgi.
Aflþynnur eru aðalhráefnið í rafþéttum en þar er orka geymd í þeim vörum sem þurfa að halda spennu. Dæmi um það eru orkulausnir til orskuspörunar, til að mynda rafbílar og ýmislegt fleira. Becromal er leiðandi framleiðandi í slíkum aflþynnum í heiminum með um 16% markaðshlutdeild en verksmiðjan verður sú lang stærsta sinnar tegundar í Evrópu. Verksmiðjan er græn stóriðja en engin mengun fylgir verksmiðjunni og engin spilliefni.
Eina losunin frá verksmiðjunni er sjór sem er endurnýttur til að kæla vélarnar.
Nú starfa rúmlega 20 manns hjá Bercomal og mun starfsfólki fjölga smám saman og verða um eða yfir 80 talsins í lok næsta árs að sögn Gauta. Meirihluti starfsmanna verður Íslendingar.
Heildarfjöldi starfa þegar allt verður komið í fullan gang - ásamt afleiddum störfum - er talinn verða nærri þrjú hundruð.
Verksmiðjan notar um 640 Gígawattstundir af rafmagni á ári sem er um fimm sinnum meira rafmagn en Eyjafjarðarsvæðið notar árlega. Aflþynnurnar verða aðallega fluttar út til Evrópu en jafnframt til Bandaríkjanna, Kóreu og Japan. Útflutningsverðmæti verksmiðjunnar verður um 14 milljarðar á ári. Gauti segir menn bjartsýna nú þegar verksmiðjan er komin í gang. Of snemmt sér að segja fyrir um það nú hvort hún muni stækka á komandi árum, en möguleikarnir séu fyrir hendi, lóð og samningar, en efnahagsþrengingar í heiminum hafi eins og annað áhrif á markað með aflþynnur.
Nýjast
-
Alþjóðaflugvöllur á Akureyri verði byggður upp
Sveitarfélögin á Norðurlandi vestra og Norðurlandi eystra skora á ríkisstjórn Íslands og Alþingi að koma rekstri, uppbyggingu og markaðssetningu Akureyrarflugvallar fyrir hjá sérstakri stjórn eða félagi, sem hefur það að markmiði að alþjóðaflugvöllurinn sé byggður upp og kynntur sem ein af gáttum Íslands -
Grafalvarleg staða í rekstri PCC Bakka rædd í atvinnuveganefnd Alþingis.
Atvinnuveganefnd Alþingis hefur verið upplýst um grafalvarlega stöðu í rekstri PCC Bakka við Húsavík, þar sem stefnt gæti í rekstrarstöðvun undir lok sumars ef ekki tekst að snúa vörn í sókn. -
Listasafnið á Akureyri Nýjar sýningar opnaðar
Sýningar Heimis Hlöðverssonar, Samlífi, og Þóru Sigurðardóttur,Tími – Rými – Efni, verða opnaðar í Listasafninu á Akureyri á laugardag 17. maí kl. 15. Á opnunardegi verður leiðsögn með Heimi kl. 15.45. -
Orkey fyrst á Íslandi með sjálfbærni- vottaða framleiðslu á lífeldsneyti
Orkey hefur fengið alþjóðlega kolefnis- og sjálfbærnivottun, ISCC EU, á lífdísilframleiðslu sína á Akureyri fyrst fyrirtækja sem framleiða lífeldsneyti hérlendis. -
Heyrn er ekki munaður – hún er þátttaka
Það var ánægjulegt að sækja fund hjá Félagi eldri borgara á Akureyri (EBAK) síðastliðinn föstudag. Rétt rúmlega hundrað manns mættu – áhugasamir, upplýstir og málefnalegir. Þar skapaðist gott samtal um þau mál sem brenna mest á eldra fólki í dag. Ábendingar komu víða að og spurningarnar voru margar og skýrar. Það var sérstaklega áberandi að umræðan snerist ítrekað að sömu kjarnamálunum: skerðingum, lífeyrissjóðum en einnig að heilbrigðisþjónustu. -
Sundlaug Akureyrar lokuð 18.-22. maí – opið lengur í Glerárlaug 18. maí
Sundlaug Akureyrar verður lokuð dagana 18.-22. maí eða frá sunnudegi til fimmtudags í næstu viku. -
Byggingaréttur á lóðum á Torfunefsbryggju boðin út í maí
Byggingaréttur á tveimur lóðum við Torfunefsbryggju þar sem eru til staðar fimm byggingareitir verður boðin út nú síðar í maí. -
Sumarið er komið!
Þetta dásamlega veður sem landsmenn njóta er gleðiefni og er þá vægt tekið til orða, á heimasíðu Þingeyjarsveitar er þessari blíðu fagnað. -
Skýr og lausnamiðuð afstaða Framsóknar til veiðigjalda
Framsókn hefur tekið skýra og málefnalega afstöðu í umræðunni um veiðigjöld. Við styðjum heilshugar réttmæta kröfu samfélagsins um að sameiginleg sjávarauðlind þjóðarinnar skili arði sem gagnast samfélaginu öllu. Hins vegar skiptir máli hvernig það er gert. Óvönduð skattheimta getur skaðað atvinnulíf, dregið úr nýsköpun og veikt byggðir sem byggja afkomu sína á sjávarútvegi.