Fundað með forsætisráðherra um stöðu Norðurlands eystra
Frá fundinum með Kristrúnu Frostadóttur, forsætisráðherra. Mynd ssne.is
Sveitarstjórar sveitarfélaga innan SSNE og framkvæmdastjóri samtakanna áttu í morgun fund með Kristrúnu Frostadóttur forsætisráðherra, þar sem þau lýstu áhyggjum af stöðu flutningskerfis raforku á svæðinu. Fundurinn var haldinn að frumvæði sveitarfélaganna sem vilja tryggja að raforkuinnviðir hamli ekki áframhaldandi atvinnuuppbyggingu á Norðurlandi eystra.
Í ávarpi fulltrúa Norðurlands eystra kom fram að skortur á flutningsgetu geti sett fjölmörg verkefni í uppnám, en einnig var komið inn á stöðu atvinnulífs í Norðurþingi, og alvarlega stöðu raforkumála á Langanesi sem hefur haft verulega hamlandi áhrif á uppbyggingu atvinnulífs þar. Það var þó ekki aðeins barlómur, heldur var einnig komið inn á þau fjölmörgu tækifæri sem búa á svæðinu, m.a. með áframhaldandi uppbyggingu svæðisborgarinnar Akureyri og fjárfestingum á svæðinu, þ.á.m. Dysnesi við Eyjafjörð, Bakka við Húsavík og í Finnafirði í Langanesbyggð.
Fundurinn þótti bæði upplýsandi og gagnlegur fyrir þátttakendur fundarins og skein í gegn trú á tækifærunum, atvinnulífi og íbúum á Norðurlandi eystra. Á Norðurlandi eystra eru þróuð og öflug samfélög með hátt menntunarstig og einstaklingar og fyrirtæki sem hafa þekkingu úr allskyns iðnaði og getu til að vinna dýrmæt störf sem leggja mikið til þjóðarbúsins. Sveitarfélögin á Norðurlandi eystra eru tilbúin til sóknar.
Frá þessu er sagt á heimasíðu SSNE
Nýjast
-
Réttlæti næst ekki með ranglæti
Í umræðum á Alþingi spurði ég hæstvirtan dómsmálaráðherra, Þorbjörgu Sigríði Gunnlaugsdóttur einfaldrar, en mikilvægrar spurningar: Telur hún sem dómsmálaráðherra að það standist stjórnarskrá að skerða áunnin réttindi tugþúsunda sjóðfélaga í lífeyrissjóðum? Þetta eru réttindi sem fólk hefur unnið sér inn með áratugalangri þátttöku í atvinnulífinu – réttindi sem njóta verndar samkvæmt 72. gr. stjórnarskrárinnar. -
Friðar og samstöðustund með íbúum á Gasa á Ráðhústorgi i dag
Í dag kl 16:15 verður á Ráðhústorgi á Akurreyri friðar og samstöðustund með íbúum á Gasa. Það eru frænkur tvær sem fyrir þessum viðburði standa en þær eiga afmæli í dag og vilja láta gott af sér leiða í tilefni dagsins. -
Mitt á milli nálægðar og endalausrar fjarlægðar
Listaverkið Mitt á milli nálægðar og endalausrar fjarlægðar eftir Kristinn E. Hrafnsson hefur verið hreinsað og lagað en verkið hefur staðið við inngang fiskvinnsluhúss Útgerðarfélags Akureyringa í þrjátíu ár og var farið að láta á sjá. -
Súlur 2025 eru komnar út
Ársrit Sögufélags Eyfirðinga er komið út og færir alls 12 greinar er varða ýmist fortíð eða nútíð. -
Skemmtileg hefð
Þann 10. júní síðastliðinn komu skemmtiferðaskipin Emerald Princess (Princess Cruises) og Viking Vela (Viking Ocean Cruises) í sínar fyrstu heimsóknir til Akureyrar. -
Bíladagar eru að hefjast á Akureyri
Bíladagar á Akureyri hefjast á morgun, föstudaginn 13. júní. Öll formleg dagskrá fer fram á aksturssvæði Bílaklúbbs Akureyrar við Hlíðarfjallsveg, fyrir utan bílasýninguna 17. júní í Boganum. -
Fundað með forsætisráðherra um stöðu Norðurlands eystra
Sveitarstjórar sveitarfélaga innan SSNE og framkvæmdastjóri samtakanna áttu í morgun fund með Kristrúnu Frostadóttur forsætisráðherra, þar sem þau lýstu áhyggjum af stöðu flutningskerfis raforku á svæðinu. Fundurinn var haldinn að frumvæði sveitarfélaganna sem vilja tryggja að raforkuinnviðir hamli ekki áframhaldandi atvinnuuppbyggingu á Norðurlandi eystra. -
Penninn á Akureyri 25 ára
„Verslun okkar á Akureyri er með vinsælli verslunum okkar,“ segir Ingimar Jónsson forstjóri Pennans. Nú eru 25 ár liðin frá því Penninn Eymundsson opnaði verslun sína á Akureyri og af því tilefni verða allar vörur á 25% afslætti fimmtudag, föstudag og laugardag. -
Heilbrigðiskerfið í bakkgír
Velferðarnefnd hefur haft til umfjöllunar nú í vor frumvarp til laga um breytingar á lögum um sjúkratryggingar. Yfirlýst markmið þessa frumvarps er að stytta þann tíma sem tekur að bjóða upp á nauðsynlega heilbrigðisþjónustu og þar með tiltekna meðferð. Á meðal þeirra breytinga sem lagðar eru til er að fest verði í lög ákvæði um greiðsluþátttöku fyrir læknismeðferð erlendis vegna biðtíma hér á landi.
