Framboðslisti L-listans til sveitastjórnarkosninga á Akureyri árið 2022
L-lista fólk
Framboðslisti L-listans á Akureyri hefur verið samþykktur en það er Gunnar Líndal Sigurðsson sem leiðir listann.
„L-listinn býður fram öflugan hóp af fólki til starfa fyrir bæjarfélagið í sveitastjórnarkosningunum í vor. Þrjú af sex efstu sætum eru skipuð kraftmiklu nýju fólki sem verða studd af reynsluboltum fyrri ára. Eins og alltaf stendur L-listinn fyrst og fremst fyrir hag bæjarbúa og styrkur listans liggur í að virkja gott fólk til góðra verka," segir í tilkynningu sem send var fjölmiðlum í dag.
„Á síðasta kjörtímabili hefur L-listinn átt frumkvæðið að djörfum breytingum á starfsháttum bæjarstjórnar á erfiðum tímum og við teljum að bæjarfélagið sé að sjá afraksturinn af því nú. Skilyrði til endurbóta og bættrar þjónustu við bæjarbúa eru mun betri en mátti eiga von á og er það samstilltu átaki að þakka. Framboðslistinn fyrir kosningarnar 2022 endurspeglar þá stefnu L-listans að byggja á árangri síðustu ára á sama tíma og nýjum og ferskum hugmyndum er gefið brautargengi,“ segir jafnframt í tilkynningunni.
Framboðslisti L-listans til sveitastjórnarkosninga árið 2022 er eftirfarandi:
- Gunnar Líndal Sigurðsson Forstöðumaður
- Hulda Elma Eysteinsdóttir ÍAK Einkaþjálfari
- Halla Björk Reynisdóttir Bæjarfulltrúi
- Andri Teitsson Bæjarfulltrúi
- Brynja Hlíf Þorsteinsdóttir Lífeindafræðingur
- Geir Kristinn Aðalsteinsson Mannauðsstjóri
- Birna Baldursdóttir Íþróttafræðingur
- Jón Þorvaldur Heiðarsson Lektor HA
- Sigríður María Hammer Viðskiptafræðingur
- Hjálmar Pálsson Sölumaður
- Ýr Aimée Gautadóttir Presburg Stjórnmálafræði nemandi
- Víðir Benediktsson Skipstjóri
- Ólöf Inga Andrésdóttir Skólastjóri
- Arnór Þorri Þorsteinsson Verkefnastjóri
- Brynhildur Pétursdóttir Framkvæmdastjóri
- Helgi Haraldsson Tæknifræðingur
- Anna Fanney Stefánsdóttir Sjúkraliði
- Sæbjörg Sylvía Kristjánsdóttir Rekstrarfræðingur
- Preben Jón Pétursson Frv. bæjarfulltrúi
- Anna Hildur Guðmundsdóttir Frv. bæjarfulltrúi
- Matthías Rögnvaldsson Frv. bæjarfulltrúi
- Oddur Helgi Halldórsson Frv. bæjarfulltrúi
Nýjast
-
Batnandi manni er best að lifa.
Það er að renna upp fyrir mér þessa dagana hvernig ég hlýt að koma öðru fólki fyrir sjónir. Einkum á það við þegar ég lít gleraugnalaus í spegil. Þá stend ég andspænis manni sem ég kannast lítið við. Skin og skúrar tilverunnar hafa markað andlitið og þau fáu hár sem eftir eru á höfðinu eru hvít að lit. Og ef ég geri þau reginmistök að snúa mér í kvart-hring fyrir framan spegilinn, þá sé ég að engu líkara en að maginn á mér hafi þjófstartað deginum og hafi náð að vera aðeins á undan mér fram úr svefnherberginu. Hann er ekki ósvipaður stefninu á nýju Samherjatogurunum og þótt svona stefni fari togskipum vel þá er þau ófögur sjón framan á mér. Ég þarf að horfast í augu við það að ég hef orðið að holdgervingi alls hins illa í mannlegri tilveru. Þó andlit mitt sé að mestu rautt og appelsínugult þá telst ég hvítur. Og þegar ég lít niður sé ég gripinn sem lætur lítið yfir sér en dugði þó til þess að þegar ég fæddist ákváðu færustu sérfræðingar að ég væri karlkyns. Ég er hvítur, miðaldra karlmaður. Ég fullkomna svo verkið með því að klæða mig í jakkafötin og luntast í vinnuna. -
Kórfélagi með klarínett í annarri og leikgleði í hinni
Vísindafólkið okkar – Hólmdís Freyja Methúsalemsdóttir „Vísindafólkið okkar er mánaðarleg kynning á vísindafólkinu okkar. Hólmdís Freyja Methúsalemsdóttir, aðjúnkt við Iðjuþjálfunardeild er vísindamanneskja júnímánaðar“ Hólmdís kemur frá austfirsku náttúruparadísinni Vopnafirði, þar sem hún fæddist árið 1979, en á líka sterkar rætur í Aðaldalnum þar sem móðurforeldrar hennar bjuggu. Hún ólst upp í nálægð við sjó, kletta og fjörur og undi sér vel í náttúrunni en hvort sem var inni eða úti var bók yfirleitt við höndina. „Þrátt fyrir að vera alin upp í sjávarþorpi þá var sveitin ekki langt undan og á hverju vori fór ég í sauðburð í Aðaldalinn og frá 11 ára aldri var ég í sveit hjá föðursystur minni og vann meðal annars við að sýna Minjasafnið á Bustarfelli í nokkur sumur.“ -
Sjúkrahúsið á Akureyri Jákvæð rekstrarniðurstaða þrátt fyrir áskoranir
Rekstur Sjúkrahússins á Akureyri, SAk skilaði jákvæðri niðurstöðu upp á 189 milljónir króna árið 2024, þrátt fyrir uppsafnaðan halla við upphaf ársins. Þetta kom fram í erindi fjármálastjóra á ársfundi sjúkrahússins og greint er frá á vefsíðu SAk. -
Fasteignamat hækkar mest milli ára í Hörgársveit
„Það er ánægjulegt að sjá að fólk er tilbúið að greiða hærra verð fyrir íbúðarhúsnæði í sveitarfélaginu og greinilegt er að Hörgársveit dregur að sér nýja íbúa,“ segir Snorri Finnlaugsson sveitarstjóri í Hörgársveit. -
Aðalfundur hverfisráðs Hríseyjar og vel sóttur íbúafundur
Aðalfundur hverfisráðs Hríseyjar var haldinn nýverið í húsnæði sveitarfélagsins í Hlein. -
Fyrsta leikverk LA á næsta leikári: Elskan er ég heima?
Fyrsta verk næsta leikárs hjá Leikfélagi Akureyrar er leikverkið Elskan er ég heima? eftir breska leikskáldið Laura Wade, í fyrsta sinn sett upp í íslensku leikhúsi. -
Ráðhústorg fær andlitslyftingu
Undanfarnar vikur hafa framkvæmdir staðið yfir á Ráhústorgi á Akureyri. Um töluverða andlitslyftingu er að ræða fyrir þetta hjarta miðbæjarins. Hönnuður framkvæmdanna er Teiknistofa Norðurlands og Arnar Birgir Ólafsson, landslagsarkitekt en Garðvík ehf. á Húsavík hefur annast verkið. -
200 þúsund krónur söfnuðust í sveinsprófi matreiðslu í VMA
Veitingageirinn á Akureyri tók sig saman og sló til góðgerðarkvöldverðar sl. miðvikudag og safnaði til styrktar matargjafa Akureyrar og nágrennis í leiðinni -
Mikil uppbygging og þróun í gangi í Eyjafjarðarsveit
Stjórn SSNE hélt fund á dögunum í Eyjafjarðarsveit. Stjórnin fundar almennt með aðstoð Teams, en tvisvar á ári hittist stjórnin á staðfundum og er þá reynt að heimsækja ólík sveitarfélög innan landshlutans.
