Byggðarráð Norðurþings Vill fjölga störfum embættis sýslumanns
Húsavík
Byggðarráð Norðurþings hvetur nýjan sýslumann til að fjölga störfum embættisins í sveitarfélaginu þegar ný lög um sýslumenn taka gildi 1. janúar 2027. Samkvæmt lögunum skal að minnsta kosti 65% starfa sýslumanna vera staðsett á landsbyggðinni.
Ráðið bendir á að góð aðstaða sé fyrir hendi bæði á Húsavík, þar sem starfsstöð sýslumanns er þegar starfandi, og í fjarvinnuklösum sveitarfélagsins á Raufarhöfn og Kópaskeri. Þar sé svigrúm til að bæta við starfsfólki án sérstakra framkvæmda.
Í bókun ráðsins kemur jafnframt fram að ríkisstörfum hafi fækkað í Norðurþingi frá árinu 2023 samkvæmt nýlegri skýrslu Byggðastofnunar. Telur ráðið að fjölgun starfa hjá sýslumanni gæti verið mikilvægt skref til að snúa þeirri þróun við og styrkja opinbera þjónustu á svæðinu.
Nýjast
-
Háskólinn á Akureyri opnar fyrir nám í kennslu íslensku sem annars máls
Háskólaráð Háskólans á Akureyri samþykkti á fundi sínum 26. september að setja á laggirnar nýtt nám í Kennslu íslensku sem annars máls við Kennaradeild. Námið svarar vaxandi þörf fyrir sérhæfingu kennara í fjöltyngdu skólasamfélagi. -
Brúin fjölskyldusetur Auðveldar börnum og fjölskyldum leið um þjónustukerfið
Brúin fjölskyldusetur, samstarfsverkefni 11 sveitarfélaga á Norðurlandi eystra, hóf formlega starfsemi í vor. Markmið Brúarinnar er að einfalda leið barna og fjölskyldna í gegnum þjónustukerfið með því að tengja saman þá þjónustu sem þau þurfa á að halda. -
Skipulögð rjúpnaveiði á Þeistareykjum
Atvinnu- og nýsköpunarnefnd Þingeyjarsveitar hefur samþykkt að fyrirkomulag rjúpnaveiði á Þeistareykjum verði óbreytt frá því sem verið hefur frá árinu 2021. Veiði verður áfram heimil á ákveðnum veiðidögum gegn gjaldi og verða veiðileyfi seld í gegnum vefsíðuna Hlunnindi.is. Óheimilt verður að stunda rjúpnaveiði á svæðinu án leyfis. -
Byggðarráð Norðurþings Vill fjölga störfum embættis sýslumanns
Byggðarráð Norðurþings hvetur nýjan sýslumann til að fjölga störfum embættisins í sveitarfélaginu þegar ný lög um sýslumenn taka gildi 1. janúar 2027. Samkvæmt lögunum skal að minnsta kosti 65% starfa sýslumanna vera staðsett á landsbyggðinni. -
Matargjafir Akureyri og nágrenni - Jólasöfnun 2026
Sigrún Steinarsdóttir Ellertsen forsvarskona Matargjafa á Akureyri birtir i dag á Fbvegg hennar ákall til fólks um stuðning við jólasöfnun Matargjafa. Sigrún gaf góðfúslegt samþykkir fyrir birtingu hennar skrifa:. -
Gæði hjúkrunarheimila eru mælikvarði á velmegun
Þegar foreldri eða maki flytur á hjúkrunarheimili breytist margt í lífi fjölskyldunnar. Aðstandendur þurfa að geta treyst því að manneskjan sem þeim þykir vænt um fái góða umönnun. Sá sem flytur þarf að finna að hlustað sé á hann, að óskir hans skipti máli og að hann geti áfram haft áhrif á eigið líf. -
Víðavangshlaup Íslands í Kjarnaskógi á morgun laugardag
Á morgun, laugardaginn 17. október, verður Víðavangshlaup Íslands hlaupið í Kjarnaskógi. Víðavangshlaup Íslands var fyrst haldið árið 1948 og á hverju ári frá 1978. Hlaupin eru oftast á bilinu 1,5-10 km. -
Þingeyjarsveit - Áhyggjur af fyrirhugaðri hækkun virðisaukaskatts
Fyrirhuguð hækkun virðisaukaskatts á baðlón úr 11% í 24% í byrjun árs 2027 hefur vakið áhyggjur innan ferðaþjónustunnar og víðar. Hækkunin er hluti af áformum ríkisstjórnarinnar og gæti haft veruleg áhrif á rekstrarforsendur baðlóna víða um land, þar á meðal Jarðbaðanna við Mývatn. -
Utan vega með Ragnari Hólm
Laugardaginn 17. október kl. 14 opnar Ragnar Hólm Ragnarsson sýningu á nýjum olíumálverkum í Mjólkurbúðinni á Akureyri. Sýningin verður opin næstu tvær helgar frá kl. 14-17.
