Forsætisráðherra fékk ekki heimild til þingrofs
Fréttin hefur verið uppfærð:
Sigmundur Davíð Gunnlaugsson forsætisráðherra óskaði eftir því við Ólaf Ragnar Grímsson, forseta Íslands, að hann veitti honum heimild til að rjúfa þing. Ólafur Ragnar sagðist ekki tilbúinn til að veita heimild til þess að svo stöddu þar sem forsætisráðherra náði ekki að sannfæra hann um að Sjálfstæðisflokkurinn væri samþykkur því að rjúfa þing. Þetta kom fram á skyndilegum blaðamannafundi sem lauk á Bessastöðum fyrir skemmstu.
Uppfært:
Ólafur Ragnar Grímsson sagði að Sigmundur Davíð hefði verið að kanna afstöðu hans og óska eftir því að hann veitti honum heimild til að rjúfa þing nú eða síðar. Með Sigmundi Davíð í för voru embættismenn forsætisráðuneytisins en þeir höfðu í sínum fórum bréf sem óskað var eftir að forseti undirritaði.
Ólafur Ragnar sagðist hafa rætt málið nokkuð lengi við forsætirráðherra og að hann hefði útskýrt afstöðu sína. „Forseti hlýtur að meta hvort stuðningur sé við þá ósk hjá ríkisstjórnarflokkunum og hvort líklegt sé að þingrof leiði til farsællar niðurstöðu, bæði fyrir þjóðina og stjórnarfarið í landinu,“ sagði Ólafur Ragnar.
Forsætisráðherra náði ekki að fullvissa Ólaf Ragnar um afstöðu Sjálfstæðisflokksins til að verða við þingrofsbeiðninni. Í ljósi þess sagði forsetinn Sigmundi Davíð að hann væri ekki reiðubúinn til þess á þessari stundu. Hann vildi ræða fyrst við formann Sjálfstæðisflokksins eða jafnvel formenn annarra flokka, að veita honum heimild til að rjúfa þing.
Forseti mun funda með Bjarna Benediktssyni, fjármálaráðherra og formanns Sjálfstæðisflokksins, eftir nokkrar klukkustundir.Að loknum þeim fundi ætlar forseti að óska eftir fundi með forseta Alþingis og meta stöðuna í framhaldinu hvort hann muni óska eftir fundi með formönnum annarra flokka.
Nýjast
-
Vegagerðin vill ekki sjá rauð hjörtu í þeirra umferðarljósum
Á fundi skipulagsráðs Akureyrar í gær var tekið fyrir bréf sem ráðinu barst þann 11 júní s.l. frá Vegagerðinni þar sem þess er farið ákveðið leik við skipulagsyfirvöld að hjörtun verði fjarlægð úr umferðarljósunum sem Vegagerðin á. -
Hvatningastyrkur Félags íslenskra hjúkrunarfræðinga
Fimm hjúkrunarfræðingar fengu hvatningastyrk á aðalfundi Félags íslenskra hjúkrunarfræðinga sem haldinn var í Reykjavík þann 15. maí, ein þeirra var Elma Rún Ingvarsdóttir, sérfræðingur í barnahjúkrun á Sjúkrahúsinu á Akureyri. -
Tímabært að lækka fasteignaskatt
-segja fulltrúar S- og B-lista, en íbúar og fyrirtæki hafi tekið á sig miklar skattahækkanir í gegnum fasteignaskatt -
Samherji - Baldvin Þorsteinsson tekur við stýrinu
Baldvin Þorsteinsson hefur tekið við sem forstjóri Samherja hf. Þorsteinn Már Baldvinsson, faðir Baldvins, hefur látið af störfum eftir að hafa gegnt starfi forstjóra í 42 ár eða frá stofnun félagsins árið 1983. -
Styttri skóladagur og skráningardagar skila meiri ró og betri líðan í leikskólum
Ný rannsókn sýnir að gjaldfrjáls sex tíma leikskóli og skráningardagar hafa jákvæð áhrif á velferð barna og gæði leikskólastarfs á Akureyri og í Kópavogi. -
Björg EA 7 vígði endurbyggða Torfunefsbryggju á Akureyri
Endurbyggð Torfunefsbryggju við Pollinn á Akureyri var í dag vígð við hátíðalega athöfn. Togari Samherja, Björg EA 7, lagðist að bryggjunni og vígði þar með hið nýja mannvirki. -
Heilabrot – Nýsköpun fyrir betra samfélag
Heilabrot - vinnustofa í nýsköpun á sviði heilbrigðis- og velferðarmála á Norðurlandi - fór fram í síðustu viku í samvinnu Drift EA og Háskólans á Akureyri. Markmið verkefnisins var að skapa vettvang þar sem unnið er að þverfaglegum lausnum á áskorunum sem samfélagið á Norðurlandi stendur frammi fyrir í heilbrigðis- og velferðarmálum. Áskoranirnar komu frá breiðum hópi stofnana og fyrirtækja sem sýndu verkefninu mikinn áhuga. Þá var aðsókn lausnarmiðaðra þátttakenda einnig mikil og ekki vantaði útsjónarsemina. -
Benedikt Barðason skipaður skólameistari Verkmenntaskólans á Akureyri
Guðmundur Ingi Kristinsson, mennta- og barnamálaráðherra, hefur skipað Benedikt Barðason í embætti skólameistara Verkmenntaskólans á Akureyri til fimm ára frá 1. ágúst næstkomandi. -
Halldór Jón nýr skólameistari FSH
Halldór hefur starfað við skólann frá árinu 2017 sem aðstoðarskólameistari og áfangastjóri.
