Félag eldri borgara á Akureyri sækir um lóðir við Þursaholt Hafnað því ekki er búið að ákveða hvernig á að úthluta lóðunum
Akureyrarbær hefur ekki tekið ákvörðun um hvernig lóðum við Þursaholt verður úthlutað. Umsókn Félags eldri borgara á Akureyri, EBAK sem sótti um lausar lóðir á svæðinu var því hafnað. Hreyfing er komin á uppbyggingu hjúkrunarheimilis á svæðinu en Inga Sæland félags- og húsnæðisráðherra var norðan heiða á dögunum og skrifaði undir saming um 80 rýma hjúkrunarheimili við Þursaholt 2. Hér er hún m.a. með Ásthildi Sturludóttur bæjarstjóra, Pétri Inga Haraldssyni skipulagsfulltrúa og að baki þeim má sjá í Karl Erlendsson formann Félags eldri borgara á Akureyri og Björn Snæbjörnsson formann Landssambands eldri borgara.
Akureyrarbær hefur ekki tekið ákvörðun um hvernig lóðum við Þursaholt verður úthlutað. Umsókn Félags eldri borgara á Akureyri, EBAK sem sótti um lausar lóðir á svæðinu var því hafnað.
Félag eldri borgara sótti um lóðir númer 1, 3, 8, 10 og 12 til 16 til að byggja þar fjölbýlishús í svonefndum lífsgæðakjarna. Þetta eru allar lóðir sem lausar eru við Þursaholt ef frá er talin sú sem nýtt verður undir hjúkrunarheimili og þær sem þegar hefur verið byggt á. Ebak óskaði eftir að fá lóðirnar án auglýsingar og á listaverði hvað varðar byggingarétt og gatnagerðargjöld, en afsláttur væri vel þegin eins og það er orðað í umsókninni.
Mikil þörf á íbúðum fyrir eldra fólk
Fram kemur í greinargerð með umsókn félagsins að mikil þörf sé fyrir íbúðir fyrir eldra fólk í bænum. Alls séu slíkar íbúðir 230 talsins. Ekkert hafi verið byggt með þarfir eldra fólks í huga frá árinu 2013 þegar húsið við Undirhlíð 3 var reist.
Samkæmt húsnæðiskönnun sem gerð var í fyrravor meðal eldri borgara er þörf fyrir íbúðir fyrir eldri borgara ríflega 550 á næstu 10 árum og þegar horft er 20 ár fram í tímann séu þær 918 talsins.
Léttir álagi af hjúkrunarheimilum
Félagið hyggst bygga íbúðir í samvinnu við félagið ÍBA+55 sem er þekkingar- og þróunar- og framkvæmdafélag sem hefur það markmið að byggja íbúðir sem eiga að nýtast fólki frá miðjum aldri og út lífið. Þannig geti það styrkt stöðuna til að takast á við heilsufarsáskoranir þegar aldurinn færist yfir með búsetu í sérhönnuðu húsnæði. Fólki sé þannig gert kleift að búa sem lengst heima hjá sér. Fyrirkomulagið sé líka liður í að létta álagi af hjúkrunarheimilium og fækka innlögnum á sjúkrahús.
Það er stefna Akureyrarbæjar að á að minnsta kosti hluta af óbyggðum lóðum við Þursaholt verði reistar íbúðir fyrir aldraða. Skipulagsráð metur það svo að mikilvægt sé að sú
uppbygging verði í samhengi við uppbyggingu hjúkrunarheimilisins á lóð númer 2 og að tilvonandi lóðarhafar hafi fjárhagslega burði og reynslu til að koma að uppbyggingunni.
Nýjast
-
Kjarnafæði Norðlenska kaupa B Jensen
Kjarnafæði Norðlenska gekk frá kaupum á sláturhúsi, kjötvinnslu og verslun B. Jensen í seinustu viku. -
Framkvæmdir að hefjast við nýtt svæði á Torfunefsbryggju Samið um fyrstu bygginguna
Samningur milli HN og verktakafyrirtækisins Húsheildar/Hyrnu um byggingu fyrsta hússins á Torfunefssvæðinu hefur verið undirritaður og markar ákveðin skref í uppbyggingu svæðisins. -
Hinsegin hátíð á Norðurlandi eystra
Hinsegin hátíð á Norðurlandi eystra verður haldin í fyrsta skiptið dagana 18.–22. júní 2025. Öll sveitarfélög á Norðurlandi eystra standa að hátíðinni og stefnt er að því að viðburðir fari fram sem víðast í öllum landshlutanum. -
Magnaði Mendelssohn
Felix Mendelssohn (Bartholdy) er talinn hafa verð einn mesti tónsnillingur allra tíma. Undrabarn sem á sinni stuttu 38 ára æfi samdi eina fallegustu tónlist veraldar. Jafnvel önnur tónskáld kölluð hann "hinn nýja Bach" m.a. Liszt, Schumann og Berlioz. -
Glæsileg A-álma tekin í notkun í Glerárskóla
Ný og endurbætt A-álma hefur verið tekin í notkun í Glerárskóla. Gestum bauðst að líta á þær heilmiklu breytingar sem gerðar hafa verið á álmunni, en húsnæðið hefur verið endurnýjað á þann hátt að miklar breytingar hafa verið gerðar á vinnuumhverfi nemenda og starfsfólks. -
Fiskur frá smábátum dregur úr afköstum landvinnslunnar og bónusar starfsfólks lækka
Afköst í fiskvinnsluhúsum Samherja dragast verulega saman þegar keyptur er afli af strandveiðibátum til vinnslu. Starfsmaður sem hefur unnið í tæpa fimm áratugi hjá Útgerðarfélagi Akureyringa segir sláandi mun á gæðum hráefnis frá smábátum og togurum sem veiða á djúpslóð. Bónusar fiskvinnslufólks lækka þegar unninn er afli frá smábátum því mun tímafrekara er að verka fiskinn. -
Af slúbbertum og svörtum sauðum
Vísir birti nýlega frétt um nýútkomna skýrslu Viðskiptaráðs þar sem fjallað er um uppsagnarvernd opinberra starfsmanna. Sá sem fréttina ritar kýs að reyna að fá fleiri „smelli“ með því að leggja skýrsluhöfundi orð í munn eins og að kalla opinbera starfsmenn „slúbberta“. -
Félag eldri borgara á Akureyri sækir um lóðir við Þursaholt Hafnað því ekki er búið að ákveða hvernig á að úthluta lóðunum
Akureyrarbær hefur ekki tekið ákvörðun um hvernig lóðum við Þursaholt verður úthlutað. Umsókn Félags eldri borgara á Akureyri, EBAK sem sótti um lausar lóðir á svæðinu var því hafnað. -
Ofurþéttingarárátta samtímans
Skipulagsráð Akureyrarbæjar hefur lagt til að bæjarstjórn samþykki tillögu að breytingu á aðalskipulagi 2018-2030. Í greinargerð segir að gert sé ráð fyrir að uppbygging hefjist fyrst á svokölluðum Tjaldsvæðisreit auk þess sem unnið verði að undirbúningi uppbyggingar til blandaðrar landnotkunar á Akureyrarvelli.
