Elstu leikskólabörnin í heimsókn hjá Slökkviliði Akureyrar

16. maí, 2008 - 14:15
Elstu leikskólabörnin í heimsókn hjá Slökkviliði Akureyrar
Elstu börnin á leikskólum Akureyrar heimsóttu slökkviliðsmenn á Akureyri í morgun, alls um 300 börn auk starfsfólks og var mikið líf og fjör á athafnasvæði slökkviliðsins. Þessi barnahópur hafði tekið þátt í verkefninu um Loga og Glóð í vetur, þar sem slökkviliðsmenn heimsóttu leikskóla bæjarins og fóru yfir eldvarnir, fræddu börnin um staðsetningu slökkvitækja í skólunum, útgönguleiðir og sitthvað fleira. Þorbjörn Haraldsson slökkviliðsstjóri sagði að börnin hefðu staðið sig mjög vel í þessu verkefni og að ákveðið hefði verið að bjóða þeim í heimsókn á stöðina í viðurkenningarskyni. Hann sagði að slökkviliðið hefði notið stuðnings SBA Norðurleiðar við flutning barnanna á staðinn og heim aftur í morgun. Þorbjörn sagði að þessi aldurshópur hefði jafnframt starfað sem aðstoðarmenn slökkviliðsins í sínum leikskólum og fylgst reglulega með því að allt sem snéri að eldvörnum væri í lagi. Þorbjörn sagði að einnig hefði verið farið í rýmingaræfingar í sumum skólunum. Á athafnasvæði slökkviliðsins í morgun fengu börnin að spreyta sig í þrautabraut, þar sem ýmislegt tengt starfi slökkviliðsmanna kom við sögu. Þau fengu m.a. að sprauta vatni út í loftið, hlaupa undir vatnsbunu og kunnu svo sannarlega vel að meta það. Einnig var þeim boðið upp á grillaðar pyslur og eitthvað að drekka með. Sum barnanna voru orðin vel blaut þegar þau héldu í leikskólanna á ný en öll skemmtu þau sér hið besta.

Slökkviliðsmenn á Akureyri heimsóttu í vetur elstu börnin í öllum leikskólum á starfssvæði slökkviliðsins, alls um 350 börn í 18 leikskólum. Þessar heimsóknir voru hluti af samstarfi elstu barnanna í leikskólunum, Slökkviliðs Akureyrar og Eignarhaldsfélags Brunabótafélags Íslands. Fram kemur á vefsíðu slökkviliðsins að hver heimsókn hafi tekið um klukkustund. Alls staðar hafi verið mjög vel tekið á móti slökkviliðsmönnunum og sýndu börnin þessu verkefni mikinn áhuga.  Farið var yfir verkefnið með börnunum í heild sinni.  Einnig var þeim var kennt hvert þau eigi að leita eftir aðstoð ef eitthvað kemur upp á þ.e. að hringja í 112 og hvernig  þau eigi að bregðast við ef eldur kemur upp.  Börnin fengu að sjá hvernig slökkviliðsmaður lítur út þegar að hann er klæddur í fullan skrúða, þ.e. í slökkvigalla og með reykköfunartæki á sér.  Eftir að hafa rætt við börnin inni þá var haldið út og slökkviliðsbifreið skoðuð.  Öll börnin fengu afhentar möppur með verkefnum og viðurkenningarskjal um þátttöku þeirra í þessu verkefni.   Tveir starfsmenn slökkviliðsins, einn starfsmaður eldvarnareftirlits og einn slökkviliðsmaður,  fóru í þessar heimsóknir í hvert skipti.

Til baka

Nýjast

  • Nýtt diplómanám við HA fyrir fólk með fjölþættar stuðningsþarfir

    • 13.05.2025
    Háskólinn á Akureyri leitar að brautryðjendum sem langar að taka þátt í spennandi þróunarverkefni og hefja nám við skólann.

  • Krúttlegasta hjólamót árins haldið á Akureyri á sunnudaginn

    • 13.05.2025
    Krónan, Akureyrardætur og Hjólreiðafélag Akureyrar standa fyrir hjólamóti fyrir krakka á aldrinum 2 til 12 ára og fer mótið fram í Kjarnaskógi sunnudaginn 18. maí næstkomandi. Um er að ræða fyrsta hjólamótið sem Krónan heldur á Akureyri en mótið er haldið að fyrirmynd Krónumótsins í Öskjuhlíð sem er orðinn árlegur viðburður í september ár hvert. Skráning á mótið er hafin og eru öll börn velkomin.

  • JÖKLABLÁMI opnun í Verksmiðjunni á Hjalteyri 17 maí 2025, kl. 14:00

    • 13.05.2025
    Sýningin Jöklablámi opnar í Verksmiðjunni á Hjalteyri 17 maí kl. 14:00 Sýningin stendur til og með 22 júní. Opið alla daga nema mánudaga frá 14:00 til 17:00

  • Ótryggt sjúkraflug frá Húsavík

    • 12.05.2025
    Á fundi byggðaráðs Norðurþings á dögunum Óskaði Rebekka Ásgeirsdóttir S-lista eftir umræðu sjúkraflug frá Húsavíkurflugvelli.

  • Erum hætt að deyja ung!

    • 12.05.2025
    Þessi rúmlega miðaldra sem þetta skrifar sat nýlega málstofu sem fjallaði um gervigreind í umönnun eldra fólks. Fram að því hafði hún ekki mikið leitt hugann að gervigreind og hvernig best er að nýta hana. Sú greinda hafði til þessa notað mig til að sýna mér endalaust í viðbót ef ég hafði til dæmis verið að skoða mér skó á netinu.

  • Landinn heimsækir lögreglufræðinámið á Akureyri

    • 12.05.2025
    Á dögunum var hægt að horfa á þegar Landinn á RÚV heimsótti lögreglufræðinámið við Háskólann á Akureyri. Okkur lék forvitni á að vita hvernig þetta kom til og kynnast stemmningunni í slíkri heimsókn. Andrew Paul Hill, lektor við lögreglufræðina, varð fyrir svörum. Hann segir að það hafi ekki verið nein formleg kynning sem varð til þess að Landinn heimsótti þau heldur þvert á móti hafi það verið heppileg tilviljun og jákvætt viðhorf áhugasamra aðila sem leiddi þetta spennandi verkefni af sér.

  • Kisukot áfram á einkaheimili

    • 12.05.2025
    Fyrir liggja drög að þjónustusamningi til eins árs um tímabundna meðhöndlun á köttum þar sem gert er ráð fyrir að Kisukot verði áfram starfrækt við Löngumýri á Akureyri svo sem verið hefur í rúman áratug.

  • Steingrímur Birgisson forstjóri Hölds Bílaleigu Akureyrar Örlítil aukning sjáanleg í sumar en haustið alveg tómt

    • 11.05.2025
    „Það er örlítil aukning þegar horft er til komandi sumars, en svo er lítið sem ekki neitt að gerast þegar kemur inn á haustið. Frá september til áramóta er bara varla hreyfing,“ segir Steingrímur Birgisson forstjóri Hölds Bílaleigu Akureyrar. Hann bætir við að ef allt fer á versta veg varðandi upptöku kílómetra gjalds í sumar megi gera ráð fyrir gríðarmiklu tjóni hjá bílaleigum, sem í tilviki Bílaleigu Akureyrar nemur hundruðum milljóna.

  • Málefni verksmiðju PCC á Bakka - Óskað eftir fundi í atvinnuveganefnd Alþingis

    • 11.05.2025
    ,,Ég óskaði eftir því fyrir helgi við formann atvinnuveganefndar að forsvarsmenn sveitarfélagsins Norðurþings, PCC á Bakka og Samtökum iðnaðarins færu yfir stöðuna með okkur í atvinnuveganefnd þingsins sem allra fyrst."  
Sjá meira