Breytt aldurssamsetning kallar á nýja hugsun
Thea Rut Jónsdóttir skurðhjúkrunarfræðingur 6. sæti og Sunna Hlín Jóhannesdóttir oddviti Framsóknar á Akureyri
Framsókn á Akureyri vill byggja upp samfélag þar sem eldri borgarar njóta öryggis og góðra lífsgæða. Breytt aldurssamsetning samfélagsins kallar á nýja hugsun þar sem færri aðstandendur standa að hverjum einstaklingi. Þess vegna leggjum við fram skýra sýn sem byggir á fjórum samverkandi þáttum: Lífsgæðakjarna, þjónustuíbúðum, samþættri þjónustu og Heilsueflandi heimsóknum. Markmiðið er að skapa heildstætt samfélag þar sem búseta, þjónusta og stuðningur fara saman.
Lífsgæðakjarni
Lífsgæðakjarni á Akureyri getur orðið mikilvægur þáttur í betri þjónustu við eldri borgara. Horft hefur verið til svæðisins vestan Kjarnagötu í Hagahverfi. Þar er gott rými, nálægð við útivistarsvæði og almenningssamgöngur. Slík staðsetning gæti einnig nýst íbúum Nausta- og Hagahverfis. Lífsgæðakjarni snýst ekki aðeins um byggingar, heldur um að skapa samfélag eldri borgara með þjónustu við hæfi.
Þjónustuíbúðir
Þjónustuíbúðir í tengslum við hjúkrunarheimilin okkar eru ekki síður mikilvægur þáttur í þessari sýn. Með því má tryggja meiri samfellu í þjónustu og bregðast fyrr við þegar stuðningsþörf eykst. Slík uppbygging gerir fólki kleift að búa lengur í sjálfstæðri búsetu, án þess að öryggi eða nauðsynleg þjónusta sé langt undan. Horfa mætti til þess konar íbúða í nálægð við hjúkrunarheimili í Þursaholti og Lögmannshlið.
Samþætt þjónusta
Samþætt þjónusta er þriðji lykilþátturinn og forsenda þess að heildin gangi upp. Framsókn á Akureyri vill stofna samstarfsvettvang allra sem koma að þjónustu við eldri borgara og samþætta félagsþjónustu, dagþjónustu og heilbrigðisþjónustu betur. Með skýrari samvinnu og einfaldara aðgengi getum við bætt þjónustuna.
Heilsueflandi heimsóknir
Framsókn á Akureyri vill beita sér fyrir því að Heilsueflandi heimsóknir til allra eldri borgara verði endurvaktar. Slíkar heimsóknir hafa mikilvægt forvarnargildi, draga úr félagslegri einangrun og geta hjálpað til við að greina snemma hvort þörf sé á frekari stuðningi eða þjónustu.
Hér má svo sjá áherslur okkar í málefnum eldri borgara í heild sinni:
Nýjast
-
Ég styð Sjálfstæðisflokkinn
Og af hverju kýs ég Sjálfstæðisflokkinn ? Hann kýs lýðræði umfram einræði. Hann vill sjálfstæði einstaklingsins en ekki of mikil ríkisafskipti. -
Veljum samfélag þar sem enginn er skilinn eftir
Kæri kjósandi. Á morgun hefur þú kost á að kjósa samheldinn og kraftmikinn hóp Akureyringa sem hefur einsett sér að vinna að jöfnu og sterku samfélagi þar sem enginn er skilinn eftir. -
Dagskrá Óskars Þórs um Helenu söngkonu
Viðburður verður í salnum í Lögmannshlíð, Vestursíðu 9, Akureyri föstudaginn 15. maí, kl. 13:30. Akureyrarakademían stendur fyrir honum og er hann hluti af viðburðarröð fyrir íbúa hjúkrunarheimilanna sem og aðra bæjarbúa. -
Breytt aldurssamsetning kallar á nýja hugsun
Framsókn á Akureyri vill byggja upp samfélag þar sem eldri borgarar njóta öryggis og góðra lífsgæða. Breytt aldurssamsetning samfélagsins kallar á nýja hugsun þar sem færri aðstandendur standa að hverjum einstaklingi. Þess vegna leggjum við fram skýra sýn sem byggir á fjórum samverkandi þáttum: Lífsgæðakjarna, þjónustuíbúðum, samþættri þjónustu og Heilsueflandi heimsóknum. Markmiðið er að skapa heildstætt samfélag þar sem búseta, þjónusta og stuðningur fara saman. -
Verksmiðjan á Hjalteyri Sýningin Sýni opnuð
Sýningin SÝNI verður opnuð í Verksmiðjunni á Hjalteyri á laugardag, 16. maí kl. 14. Sýningin er afrakstur alþjóðlegs samstarfsverkefnis sem hófst árið 2022 og fjallar um tengsl Íslands, Kalaallit Nunaat (Grænlands) og Jamaíku í gegnum álframleiðslu og nýtingu náttúruauðlinda. Hún verður opin frá 16.maí til 30. Ágúst 2026 -
Svalbarðsströnd Stækkun á leikskóla
Til stendur að stækka leikskólann Álfaborg á Svalbarðsströnd og hefur hreppurinn óskað eftir tilboðum í verklegar framkvæmdir. Ný bygging verður reist norðan við núverandi húsnæði og er heildar stærð 547,4 fermetrar. Verklok eru 31. október 2027. Frestur til að skila inn tilboðum í verkið er til kl. 11 þann 4. júní 2026 -
Af hverju Viðreisn?
Viðreisn býður fram krafta sína í fyrsta sinn á Akureyri í komandi sveitarstjórnarkosningum. Á listanum eru ólíkir einstaklingar sem deila þó mörgu sameiginlegu. Ástríða fyrir Akureyri er eitt af því sem sameinar okkur. -
Svifrykið - hin falda vá
Svifryksmengun hefur töluvert verið til umræðu á Akureyri. Hvað er til ráða spyrja margir sig og hvað getur bærinn gert í baráttunni við þessa örlitlu, földu vá? -
Af svifryki, strætó og sjálfstæðum krökkum
Ef Akureyrarbæ ber gæfa til að koma á almennilegu strætókerfi á næstu árum væri hægt að slá margar flugur í einu höggi. Betri strætó hefði í för með sér minna skutl, sjálfstæðari börn, hreinni lungu, minni losun og einfaldari hversdag fyrir fjölda íbúa.
