Aldís Kara og Viktor Samúelsson íþróttafólk Akureyrar 2019
Viktor Samúelsson og Aldís Kara Bergsdóttir. Mynd/Þórir Tryggvason.
Kjöri íþróttamanns Akureyrar 2019 var lýst í Menningarhúsinu Hofi í kvöld. Þetta var í 41. skipti sem íþróttamaður Akureyrar er heiðraður. Í ár varð sú breyting á að stjórn afrekssjóðs fer yfir allar tilnefningar frá aðildafélögum ÍBA og tilnefnir 10 einstaklinga af hvoru kyni sem kosið er um.
Á athöfninni veitti Frístundaráð viðurkenningar fyrir Íslandsmeistara á árinu og sérstaka heiðursviðurkenningu auk þess sem Afrekssjóður Akureyrarbæjar veitti afreksstyrki til afreksefna ÍBA.
Íþróttakona Akureyrar 2019 var kjörin Aldís Kara Bergsdóttir listhlaupakona frá Skautafélagi Akureyrar. Segir í umsögn að Aldís Kara sé frábær íþróttakona og flott fyrirmynd í sinni íþrótt jafnt á ís og utan íss. Hún sé félaginu sínu til mikils sóma.
Aldís Kara er að sýna stökk element sem ekki hafa sést áður hjá íslenskum skautara og var hún til að mynda með þrjú ólík þreföld stökk auk tvöfalds Axels í prógrömmunum sínum á tveimur síðustu mótum ársins auk þess að vera með spor og spinna á háum levelum.
Helstu afrek á árinu:
- Skautakona Akureyrar 2019.
- Reykjavíkurleikarnir 2019 (ISU mót) 2. sæti í Junior á nýju Íslandsmeti 108,45 stig (efst íslenskra skautara)
- Norðurlandamótið í Linköping 2019 12. sæti 103,52 stig hæstu stig íslensk skautara á Norðurlandamóti
- Vormót ÍSS 1.sæti í Junior á nýju Íslandsmeti 112,81 stig
- Junior Grand Prix í Lake Placid 106,48 stig, hæstu stig íslensks skautara á Junior GrandPrix mótaröðinni.
- Haustmót ÍSS 1.sæti á nýju Íslandsmeti 116,09 stig
- Halloween Cup 2019 í Búdapest 108,61 stig, hæstu stig íslensks skautara á erlendri grundu auk þess sem hún náði lágmörkum í stutta prógramminu inn á Heimsmeistaramót unglinga.
- Vetrarmót ÍSS 1.sæti á nýju Íslandsmeti 127,69 stig
- Íslandsmeistaramót ÍSS árið 2019 Íslandsmeistari í listhlaupi í Junior flokki.
Í 2. sæti varð Sóley Margrét Jónsdóttir í Kraftlyftingafélagi Akureyrar. í 3. sæti Hulda Elma Eysteinsdóttir í blakdeild KA. í 4. sæti Hafdís Sigurðardóttir í UFA og í 5. sæti Hulda B. Waage í Kraftlyftingafélagi Akureyrar.
Íþróttakarl Akureyrar 2019 var kjörinn Viktor Samúelsson í Kraftlyftingafélagi Akureyrar.
Helstu afrek á árinu:
- Íslandsmeistari karla í kraftlyftingum 2019
- 4.sæti í -120 kg flokki á EM í kraftlyftingum
- Stigahæsti kraftlyftingamaður Íslands frá upphafi
Hans besti árangur 2019:
- 372.5 kg hnébeygju
- 290 kg bekkpressu
- 340 kg í réttstöðulyftu
- 992,5 kg í samanlögðu
Í 2. sæti varð Miguel Mateo Castrillo í blakdeild KA. í 3. sæti varð Þorbergur Ingi Jónson í UFA. í 4. sæti varð Hafþór Andri Sigrúnarson í Íshokkídeild SKA og í 5. sæti Alexander Heiðarsson í júdódeild KA
Heiðursviðurkenningu Frístundaráðs fékk Jóhannes Kárason fyrir mikið og óeigingjarn starf í þágu íþrótta- og félagsmála á Akureyri.
Frístundaráð veitti viðurkenningar til 13 aðildarfélaga vegna 311 Íslandsmeistara á síðasta ári og Afrekssjóður veitti 8 einstaklingum afreksstyrki.
Nýjast
-
Heiðra Hjalta og vekja athygli á úrræðaleysi fyrir ungt fólk með geðrænan vanda
Viðburður til heiðurs Hjalta Snæ Árnasyni verður í Freyvangi í kvöld, föstudagskvöldið 9. maí og hefst hann kl. 20. Hjalti Snær hefði orðið 23 ára í dag. Hann fór í sína daglegu morgungöngu frá Laugarási í Reykjavík fyrir 7 vikum síðan, gekk þar í sjóinn og hefur enn ekki fundist. -
Enduruppbygging fram undan í Fálkafelli
Skipulagsráð Akureyrarbæjar hefur samþykkt að stækka lóðina við Fálkafell til samræmis við óskir Skátafélagsins Klakks en með því skilyrði að aðgengi almennings að lóðinni verði tryggt. -
Sammála um að þetta er græjan sem breytir lífinu
„Við höfum prófað alls konar græjur og erum sammála um að þetta er tækið sem breytir lífi okkar til batnaðar,“ segir Jón Gunnar Benjamínsson sem hóf fyrir skemmstu að flytja inn rafmagnsfjórhjól sem nýtast fötluðum og þeim sem ekki eiga gott með gang sérlega vel til að njóta útivistar og náttúru. Hann vísar í Jón Heiðar Jónsson sem var fyrsti Akureyringurinn til að kaupa slíkt hjól en þau nefnast Exoquad. -
Norðurorka heiðrar starfsfólk
Starfsmannavelta er lítil hjá Norðurorku og starfsreynsla mikil og góð. Erla Björg Guðmundsdóttir Valgerðardóttir mannauðsstjóri kallaði upp á svið á aðalfundi Norðurorku á dögunum, það starfsfólk sem lætur af störfum hjá fyrirtækinu fyrir aldurs sakir og þakkaði fyrir gifturík störf í þágu þess. -
Listnáms- og hönnunarbraut VMA Lokaverkefni sýnd í Hofi
Sýningar á lokaverkefnum nemenda á listnáms- og hönnunarbraut Verkmenntaskólans á Akureyri verður opin í Hofi fram á sunnudag, 11 maí. Þetta er í fyrsta sinn sem lokaverkefnin eru sýnd í Menningarhúsinu Hofi. -
Súpufundur atvinnulífsins – Hvernig er hagsmuna okkar gætt?
Akureyrarbær og Samtök sveitarfélaga og atvinnuþróunar á Norðurlandi eystra (SSNE) standa fyrir Súpufundi atvinnulífsins miðvikudaginn 14. maí kl. 11:30 á Múlabergi, Hótel KEA. Á fundinum verður sjónum beint að hagsmunagæslu atvinnulífsins og mikilvægi hennar fyrir stöðu og þróun svæðisins. -
Íslandsmet tryggði Alex silfur á EM í kraftlyftingum
,,EM í kraftlyftingum er lokið og er ég virkilega ánægður međ árangurinn og fullur jákvæðni eftir mótiđ. Ég varđ í öđru sæti í hnébeygju međ 357.5kg, sem var 10kg bæting á mínu eigin Íslandsmeti. Þetta var í fyrsta skiptið sem ég hef staðið á verđlaunapalli á alþjóđlegu stórmóti, sem fyllti mig stolti varðandi þá vinnu sem ég hef lagt í sportið og þann árangur sem náðist" -
Forustugimbur fædd
Sauðburður er að hefjast þessa dagana í sveitum landsins og í mörg horn að líta. Þannig er það í Höfða í Grýtubakkahreppi þar sem eru tæplega 600 fjár. -
Jaðarsvöllur að verða tilbúinn
Það styttist í að kylfingar taki gleði sína því hagstæð tíð gerir það að stefnt er að þvi að opna Jaðarsvöll fyrir spilamennsku n.k. mánudag 12 maí.