Ætla að kenna íslensku úti á velli
Uppkast af borðspili sem notað verður við kennslu til að íslenskunemarnir læri á sama tíma helstu leiðir barna sinni í íþrótta,- skóla,- og frístundastarfi. Mynd/aðsend.
Þekkingarnet Þingeyinga hefur í samstarfi við Norðurþing og Völsung hrundið af stað nýju þróunarverkefni þar sem íslenskunám er tengt beint við íþrótta- og frístundastarf barna. Markmiðið er að færa íslenskuna út úr hefðbundinni kennslustofu og inn í þær aðstæður sem foreldrar mæta í daglegu lífi – á íþróttavellinum, í Frístund og í samskiptum við skóla og þjálfara.
Námskeiðið nefnist Saman í málinu og byggir hugmyndin að því meðal annars á rannsókn Þekkingarnets Þingeyinga á reynslu erlendra íbúa á Norðurlandi eystra.
„Ég hef verið mikið í verkefnum tengdum innflytjendamálum og út frá reynslu fólksins sem við ræddum við í rannsókninni kviknaði þessi hugmynd,“ segir Ingibjörg Benediktsdóttir, verkefnastjóri og ráðgjafi hjá Þekkingarneti Þingeyinga.
Rannsóknin, Í átt að inngildingu, byggir á viðtölum við 30 erlenda íbúa á Norðurlandi eystra. Þar var meðal annars rætt um íslenskunám, félagslega þátttöku og tengsl við nærsamfélagið. Tungumálahindranir reyndust vera ein helsta hindrunin fyrir meiri þátttöku í félagsstarfi og fram kom að fólk vildi meðal annars meiri þjálfun í töluðu máli.
Orðaforði sem nýtist í daglegu lífi
Þekkingarnetið hefur áður unnið eftir svipaðri hugmyndafræði í verkefninu Farkennaranum, þar sem íslenskukennslan var færð inn á vinnustaði og lögð áhersla á þann orðaforða sem starfsfólk þurfti þar.
„Þar notuðum við orðaforðann sem fólk notar á vinnustaðnum. Nú erum við að vinna með orðaforðann sem tengist íþróttum og frístundastarfi,“ segir Ingibjörg.
Hún segir rannsóknina hafa sýnt að margir vilji bæði læra meira af töluðu máli og öðlast kjark til að byrja sjálfir að tala íslensku. Þá geti verið erfitt fyrir fólk sem ekki þekkir íslenskt samfélag að átta sig á því hvernig íþrótta- og frístundastarf barna er uppbyggt og hvert hlutverk foreldranna er.
„Fólk þekkir ekki endilega menninguna okkar. Sums staðar í heiminum fer fólk til dæmis ekki einu sinni inn á skólalóð hjá börnunum sínum. Okkur vantaði verkfæri til að ná betri tengingu.“
Þess vegna verður kennslan ekki bundin við eina kennslustofu. Hugmyndin er meðal annars að fara með þátttakendur í Vallarhúsið og vinna þar með þjálfurum, heimsækja Frístund og tengja íslenskunámið beint við þær aðstæður sem fólk þarf að takast á við.
Abler kennt á íslensku
Eitt af því sem verður tekið fyrir er abler, kerfið sem mikið af íþrótta- og frístundastarfi barna fer í gegnum.
„Við ætlum að kenna fólki á abler og nota tækifærið um leið til að kenna íslenskuna í gegnum raunveruleg dæmi,“ segir Ingibjörg.
Einnig er unnið að námsefni sem þátttakendur geta nýtt heima. Kennaranemi sem starfað hefur með Þekkingarnetinu í sumar vinnur að því ásamt Ingibjörgu og samstarfsfólki.
„Við erum búnar að taka upp myndbönd inni á vellinum, í Frístund og víðar. Við höfum líka búið til borðspil og fengum drónamynd þar sem farið er frá skólanum yfir í Frístund, sundið og á fótboltavöllinn. Nú erum við að útfæra hvernig við getum nýtt þetta allt saman í kennslunni.“
Saman í málinu hefst 1. september og stendur í tíu vikur, alls 40 kennslustundir. Kennt verður á þriðjudögum og fimmtudögum frá klukkan 17 til 18.30 og er Berglind Ólafsdóttir kennari námskeiðsins. Það er ætlað bæði byrjendum og lengra komnum og foreldrum, þjálfurum, kennurum og öðrum sem tengjast íþrótta- og frístundastarfi barna.
Námskeiðið er ókeypis og er verkefnið styrkt af mennta- og barnamálaráðuneytinu og unnið í samstarfi við Norðurþing og Völsung.
Nýjast
-
Ætla að kenna íslensku úti á velli
-Nýtt íslenskunámskeið á Húsavík sem byggir á reynslu erlendra íbúa -
Ný verslun Parka opnuð á Akureyri
Parki Interiors opnaði í dag nýja afar rúmgóða og glæsilega verslun við Sjafnargötu 1b á Akureyri. Parki er eitt stærsta fyrirtæki sinnar tegundar á Íslandi og hefur á undanförnum árum byggt upp öflugt vöruúrval og sérþekkingu á sviði innréttinga og hönnunar. -
Vegleg bókagjöf til minningar um Ásgeir H Ingólfsson
Leikskólanum Lundarseli-Pálmholti hefur borist einstaklega vegleg bókagjöf frá Hrefnu Hjálmarsdóttur leikskólakennara til minningar um son hennar Ásgeir H Ingólfsson. -
Orkan hefur safnað 83 tonnum af garðúrgangi
Síðastliðin fimm ár hefur Orkan boðið viðskiptavinum sínum upp á að losa garðúrgang sér að kostnaðarlausu á völdum Orkustöðvum í sérstökum móttöku gámum og hafa gámarnir notið mikilla vinsælda. Í upphafi voru gámar á fjórum staðsetningum á suðvesturhorninu en í fyrra bættist Orkustöðin á Mýrarvegi á Akureyri við. Frá árinu 2021 hefur 83,1 tonn af garðúrgangi safnast í móttökugámunum á fimm Orkustöðvum. -
Jón Þór Kristjánsson ráðinn verkefnastjóri upplýsingamiðlunar hjá Samherja
Jón Þór Kristjánsson hefur verið ráðinn verkefnastjóri upplýsingamiðlunar hjá Samherja. -
Kvíði frá sjónarhorni barna.
Kvíðinn passar upp á sjálfan sig: Eðluheilinn Kvíði er eðlilegt ástand sem flestir upplifa reglulega. Í grunninn er eini tilgangur kvíðans að passa upp á öryggi okkar. Það má segja að kjarni kvíðans sé óttaviðbragðið sem er rótgróið í taugakerfinu og birtist í líkama okkar, hegðun og hugsunum. Það svæði í heilanum sem stjórnar óttaviðbragðinu er stundum kallað eðluheilinn vegna þess að talið er að þessi hluti hefur haldist meira og minna óbreyttur síðan við vorum eðlur í þróunarsögunni. Það fer engin flókin hugsun eins og rökhugsun fram í eðluheilanum og þess vegna lærir hann á mjög einfaldan hátt hvað sé hættulegt og hvað ekki og að bregðast við með því að flýja, frjósa eða berjast. Lærdóminn byggir þessi hluti heilans að mestu á minningum sem tengdar eru skynjunum okkar og ósjálfráðum líkamlegum viðbrögðum t.d auknum hjartslætti, köldum svita, magaverk og skjálfta í líkamanum. Eðluheilinn rýnir í viðbrögð okkar við því sem gerist í kringum okkur og hvað virkar til þess að minnka óttann innra með okkur. -
Starfsemi Heilbrigðiseftirlits Norðurlands eystra verði óskert til áramóta
Stjórn SSNE leggur áherslu á mikilvægi þess að starfsemi Heilbrigðiseftirlits Norðurlands eystra verði óskert til loka þessa árs, 2026 og að hagsmunir starfsfólks verði tryggðir. Einnig að skýrt liggi fyrir hvaða verkefni verða áfram á ábyrgð sveitarfélaga. Fyrirhugað er að leggja HNE í núverandi mynd um komandi áramót eða frá og með1. janúar 2027. -
Beint frá býlidagurinn haldinn í Syðra Holti í Svarfaðardal
Það verður líf og fjör í Syðra Holti í Svarfaðardal á sunnudaginn, 23. Ágúst en frá kl. 13 til 16 taka ábúendur á móti gestum í tilefni af Beint frá býli deginum sem haldin verður hátíðlegum um land allt. Eitt býli í hverjum landsfjórðungi opnar dyr sínar fyrir gestum og gangandi og kynnir framleiðslu sína. -
Fullfermi í fyrsta túr sem skipstjóri
Togari Samherja, Harðbakur EA 3, landaði í gærkvöld fullfermi sem fer til vinnslu í landvinnslum félagsins á Akureyri og Dalvík. Skipstjóri var Lýður Valgeir Jóhannesson og var þetta hans fyrsta veiðiferð sem skipstjóri. Lýður útskrifaðist frá Stýrimannaskólanum í Reykjavík árið 2010 og hefur flest árin eftir nám starfað hjá Samherja, þar af undanfarin fimm ár sem fyrsti stýrimaður á Harðbak.
