Á leikskólanum Iðavelli ræður margbreytileikinn ríkjum
Á leikskólanum Iðavelli er hlutfallið af tvítyngdum og fjöltyngdum börnum það hæsta á Akureyri. Myndin er aðsend.
Leikskólinn Iðavöllur á Akureyri hlaut nýverið styrk úr Sprotasjóði mennta- og menningarmálaráðuneytisins eins og komið hefur fram hér á dagskráin.is. Um er að ræða styrk sem nemur 2,3 milljónum króna til að koma í framkvæmd verkefninu: „Það er leikur að læra íslensku – Að koma til móts við nemendur af erlendum uppruna.“
Á leikskólanum Iðavelli er hlutfallið af tvítyngdum og fjöltyngdum börnum það hæsta á Akureyri. Með tvítyngi og fjöltyngi er átt við að ef barn lærir tvö eða fleiri tungumál samtímis verða þau öll að móðurmál, þó aðeins ef bæði tungumálin eru notuð regulega og nægilegt innlegg fæst úr málumhverfinu. „Við erum með rosalega hátt hlutfall eða 24% eins og staðan er í húsinu í dag,“ segir Iris Rún Andersen sérkennslustjóri á Iðavöllum í samtali við dagskrána.is. 
Iris segir að verkefnið sé í takt við þá vakningu sem hefur verið í samfélaginu undanfarið um stöðu læsis barna á Íslandi. „Okkur langaði að gera þetta aðeins markvissara, vinnuna með þessum fjöltyngdu börnum. Við erum að sjá núna á börnum sem eru komin lengra eins og í grunnskóla og framhaldsskóla, að þessum málaflokki hefur ekki verið almennilega sinnt. Markmið okkar með þessu þróunarverkefni er að efla orðaforðann og þá erum við að hugsa um íslenskuna. Tjáningu og skilning, gera þetta allt í bland við leikinn, efla félagsþroskann með tilliti til margbreytileikans. Enda má segja að við séum fjölþjóðlegur leikskóli,“ segir Iris.
Verkefnið leggst mjög vel í Irisi sem segir að vinnan við það fari fljótlega af stað. Hólmfríður Árnadóttir kemur að verkefninu sem utanaðkomandi fagaðili hjá Miðstöð skólaþróunar við Háskólann á Akureyri.
„Þetta er skóli fyrir alla þannig að við viljum að allir upplifi sig sem hluta af barnahópnum og það auðveldar öll tjáskipti,“ Segir Iris að lokum. /EPE
Nýjast
-
Styttri skóladagur og skráningardagar skila meiri ró og betri líðan í leikskólum
Ný rannsókn sýnir að gjaldfrjáls sex tíma leikskóli og skráningardagar hafa jákvæð áhrif á velferð barna og gæði leikskólastarfs á Akureyri og í Kópavogi. -
Björg EA 7 vígði endurbyggða Torfunefsbryggju á Akureyri
Endurbyggð Torfunefsbryggju við Pollinn á Akureyri var í dag vígð við hátíðalega athöfn. Togari Samherja, Björg EA 7, lagðist að bryggjunni og vígði þar með hið nýja mannvirki. -
Heilabrot – Nýsköpun fyrir betra samfélag
Heilabrot - vinnustofa í nýsköpun á sviði heilbrigðis- og velferðarmála á Norðurlandi - fór fram í síðustu viku í samvinnu Drift EA og Háskólans á Akureyri. Markmið verkefnisins var að skapa vettvang þar sem unnið er að þverfaglegum lausnum á áskorunum sem samfélagið á Norðurlandi stendur frammi fyrir í heilbrigðis- og velferðarmálum. Áskoranirnar komu frá breiðum hópi stofnana og fyrirtækja sem sýndu verkefninu mikinn áhuga. Þá var aðsókn lausnarmiðaðra þátttakenda einnig mikil og ekki vantaði útsjónarsemina. -
Benedikt Barðason skipaður skólameistari Verkmenntaskólans á Akureyri
Guðmundur Ingi Kristinsson, mennta- og barnamálaráðherra, hefur skipað Benedikt Barðason í embætti skólameistara Verkmenntaskólans á Akureyri til fimm ára frá 1. ágúst næstkomandi. -
Halldór Jón nýr skólameistari FSH
Halldór hefur starfað við skólann frá árinu 2017 sem aðstoðarskólameistari og áfangastjóri. -
Norðurþing og Björgunarsveitin Garðar efla samstarf
Með samningnum eru tengslin efld í því skyni að almannavarna- og æskulýðsstarf verði áfram þróttmikið -
Nýr áningarstaður í Hrísey – Lumar þu á nafni?
Ný gönguleið hefur verið tekin í notkun meðfram vesturströnd Hríseyjar. Á þeirri leið er gömul aflögð steypustöð sem nú hefur verið breytt í áningarstað. Áningarstaðurinn líkist einhvers konar ramma af húsi – þó það sé ekki hús í eiginlegri merkingu. -
Vilja nýta glatvarma til sniglaræktar
Sniglarækt hefur víða í Evrópu sannað sig sem vistvæn og arðbær búgrein með fjölbreyttum afurðum – allt frá lúxusmatvöru til hráefna í snyrtivöruiðnað. Nýnæmi verkefnisins felst í að aðlaga slíka ræktun að íslenskum aðstæðum með áherslu á sjálfbæra auðlindanýtingu og kolefnislágan rekstur. -
Laugardagur á Listasafninu á Akureyri
Laugardaginn 28. júní verður mikið um að vera á Listasafninu á Akureyri þar sem boðið verður upp á listamannaspjall við Þóru Sigurðardóttur kl. 15 undir stjórn Ann-Sofie N. Gremaud, en klukkan 14 sýnir Katrin Hahner gjörning í tengslum við þátttöku hennar í samsýningu norðlenskra listamanna, Mitt rými.
