Kann vel við sig í sveitinni þó svo að skuldbindingin sé mikil
Stefán Sævarsson hefur verið í kringum búskap nær alla ævi. Hann er bóndi á Syðri-Grund í Grýtubakka, þar sem hann býr ásamt eiginkonu sinni, Steinunni Hörpu Jónsdóttur. Undirritaður ræddi við Stefán um lífið í sveitinni, bæði í hversdagsleikanum og á jólunum sem senn ganga í garð.
„Alla mína ævi, nema tvö eða þrjú ár. Ég fór tvítugur til Akureyrar, annars er ég alla tíð búinn að vera í þessu,“ sagði Stefán er hann var spurður út í það hversu lengi hann hefur starfað við búskap. Hann verður 59 ára gamall skömmu fyrir jól.
Sem bóndi er Stefán sinn eigin yfirmaður og það kann hann að meta. „Maður ræður því sjálfur, ákveður hvenær þú vilt fara að vinna.“ Það var ófátt sem hann gat nefnt er hann var spurður út í það hvað væri það besta við hans starf. Hann hefur til að mynda gaman að öllum árstíðunum. Þá hefur Stefán mikinn áhuga á skepnunum. Hann er með um 50 kýr á Syðri-Grund. ,,Að vera í kringum þær og sjá þær dafna. Maður sér árangur þess sem maður brasar í,“ sagði Stefán.
„Þú ert negldur í báða skó í þessu“
Skuldbindingin er mikil í starfi Stefáns og þarf sjálfsaginn að vera í lagi svo að hlutirnir gangi smurt fyrir sig. „Þú þarft alltaf að vera klár. Maður fer ekkert í helgarfrí eða neitt. Það er ekkert hægt að fá mann fyrir sig, maður fer ekkert í burtu. Þú ert ekki bara bundinn í báða skó, þú ert negldur niður í báða skó í þessu.“ Skuldbindingunni og aganum fylgir það að vakna snemma. „Ég er nú vanur að vakna klukkan sex. Svo geturðu líka bara breytt þessu.“
En er mikilvægt að kýrnar séu einnig í rútínu? ,,Þær rúlla sér nú sjálfar. Jú, það þarf að vera rútína á því að gefa kúnum heyið og þetta. Maður fer þrisvar, fjórum sinnum á dag, yfirleitt á svipuðum tímum. Það er auðvitað mjög gott að hafa rútínu á hlutunum,“ svaraði Stefán.
Sem fyrr segir þekkir Stefán lítið annað en að starfa við búskap. Hefur annar starfsvettvangur aldrei heillað hann? „Ég sá nú í hillingum þegar ég var ungur að vinna á þungavinnuvélum, jarðýtum og þess háttar. Ég sat bara heilu dagana og var að horfa þegar þeir voru að vinna hérna. En ég hef svo sem aldrei hugsað út í að gera eitthvað annað. Manni líður það vel í þessu.“
„Maður verður latari“
Nú líður senn að jólum og var Stefán spurður út í jólin í sveitinni. „Maður skreytir fjósið að utan, set jólaseríu á það. Ég gef kúnum gott hey, besta heyið sem maður á,“ sagði Stefán. Hann hélt áfram og grínaðist aðeins í undirrituðum; „Svo syngur maður auðvitað jólabænina fyrir þær,“ sagði hann léttur.
Í starfi Stefáns er það eins með jólin og hversdagsleikann, það er ekki í boði að taka sér frí. Hann viðurkennir þó að bregða út af vananum að einhverju leyti. „Maður verður latari, fer seinna út. Það er kannski alvöru jólaandi.“
„Það verður að hafa einhverja spennu í þessu“
En eru einhverjar sérstakar hefðir sem Stefán og Steinunn halda við í sveitinni? ,,Maður borðar þennan mat, hangikjöt, á jóladag. Svo reynum við að fara í kirkjugarðinn eins og maður er vanur að gera. Svo er það auðvitað jólagrauturinn. Hann er í hádeginu oft.“ Eins og gengur og gerist á mörgum heimilum þá er mandla í grautnum hjá honum og hans fólki. „Það verður að hafa einhverja spennu í þessu,“ sagði Stefán.
Á aðfangadagskvöldið sjálft er svo ekki verið að flækja hlutina mikið er kemur að matseld. Það verður hamborgarhryggur á boðstólum.
HFS
Nýjast
-
Mikil aukning á hótunum og beitingu á ofbeldi gagnvart lögreglu á Norðurlandi eystra.
,,Það er ljóst að það að hér er um grafalvarlega stöðu að ræða. Svar dómsmálaráðherra við fyrirspurninni sýnir okkur að þróunin á starfssvæði lögreglustjórans á Norðurlandi eystra er með þeim hætti að það er nauðsynlegt að bregðast við. Það er mikilvægt að greina þessa stöðu. Hver er ástæðan fyrir þessari miklu fjölgun á brotum gegn lögreglumönnum og opinberum starfsmönnum á þessu landsvæði það er Norðurlandi eystra“ segir Njáll Trausti Friðbertsson þingmaður og oddviti Sjálfstæðisflokksins í Norðausturkjördæmi. -
Boðskapur frá forsetaframbjóðanda
Það hafa kannski margir klórað sér í hausnum yfir þátttöku minni í forsetakosningunum þar sem ég stíg nú eins og landkönnuður á nýjum slóðum og tek með mér ný og fersk sjónarhorn, smá húmor og djúpstæða trú á mátt hins ómögulega. Ég er eflaust ekki hinn hefðbundni frambjóðandi en ég er án efa ferskur blær inn í flokk frambjóðenda og það er einmitt það sem gerir þetta stóra verkefni svo skemmtilegt og hvetjandi. -
Líf að færast í Holtahverfi
Líf er að færast í nýtt Holtahverfi norður, svæði á milli Krossanesbrautar og smábátahafnar í Sandgerðisbót. Húsin rísa hvert á fætur öðru og fyrstu íbúarnir hafa komið sér fyrir í nýjum íbúðum. Enn er eitthvað eftir af lóðum og er Akureyrarbær um þessar mundir að auglýsa par- og raðhúsalóðir lausar til úthlutunar, en m.a. eru nokkrar lóðir lausar við Álfaholt, Hulduholt og Þursaholt. -
Frú Ragnheiður - Færri í nálaskiptaþjónustu en fleiri komu í bílinn
Fjöldi einstaklinga sem leitaði til Frú Ragnheiðar árið 2023 var 51 í 584 heimsóknum en árið 2022 voru einstaklingarnir 46 í 412 heimsóknum. Af þessum fjölda voru 10 viðbragðsaðilar og einstaklingar sem leituðu til verkefnisins til að fá Nyxoid nefúðann. Ekki er því um fjölgun skjólstæðinga í nálaskiptaþjónustu að ræða en þeim fækkaði um fimm milli ára, úr 46 í 41. -
Götuhornið - Gamlingi á villigötum
Mig hefur lengi langað til að senda bréf til Götuhornsins. Mér hefur legið ýmislegt á hjarta og fannst það eiga fullt erindi til lesenda. Þetta hefur þó ekki getað orðið fyrr en nú vegna vandræða sem ég lenti í og þurfti að greiða úr. -
Fyrsta alþjóðlega hótelið á landsbyggðinni mun opna á Akureyri árið 2025
Fyrirhugað er að fyrsta alþjóðlega hótelið á landsbyggðinni mun opna á Akureyri 2025 undir merkjum Curio Collection by Hilton. Framkvæmdin verður í samvinnu við Bohemian Hotels. „Bohemian Hotels ehf., í samstarfi við Hilton, tilkynnir með stolti undirritun tímamótasamnings um byggingu og rekstur tveggja hágæða hótela á Íslandi. Þessir samningar marka ákveðin tímamót í hótelgeiranum á Íslandi og færa Akureyri gistingu og þægindi á heimsmælikvarða til jafns við Reykjavík" segir i tilkynningu frá Bohemian Hotels. -
Kuldatíð seinkar vorverkum
Talsverðar líkur er á að kal verði í túnum í Svarfaðardal en sennilega sleppa önnur svæði í héraðinu betur þó ekki sé það fullvíst. Kuldatíð seinkar vorverkum bænda og gæti í versta falli orðið til þess að spretta fari seinna af stað en vanalega, snjór er yfir öllum túnum og því ekki hægt að bera á. -
Goblin opnar á Glerártorgi
„Eins leitt og okkur þykir að yfirgefa fallega miðbæinn okkar, erum við afar spennt fyrir þessum flutningum og hlökkum til að bjóða viðskiptavini okkar velkomna á Glerártorgi,“ segja þau Þorsteinn Marinósson og Ásta Hrönn sem eiga Goblin. Starfsemin hefur verið við Brekkugötu undanfarin ár en flyst nú í rýmra húsnæði á Glerártorgi. -
Lystigarðurinn - Kostar meira að pissa
Gjald fyrir afnot af salernisaðstöðu í Lystigarðinum á Akureyri hækkar 1. maí næstkomandi, út 150 krónum eins og áður var í 300 krónur. Gjaldið verður endurskoðað við gerð gjaldskrár Umhverfis- og mannvirkjaráðs Akureyrarbæjar árlega.
Athugasemdir