Ýsa, hlunkar og bóndakökur
Drífa Mattíhasdóttir.
Drífa Matthíasdóttir sér um matarkrókinn að þessu sinni og kemur hér með girnilegar uppskriftir þar sem ýsa, hlunkar og bóndakökur verða á borðstólnum.
Ýsa í raspi að hætti Hannesar og Hlunkar
3-4 ýsuflök
2 dl hveiti
2-3 egg
3 dl Bónus rasp
Sítrónupipar
Aromat krydd
Hvítur pipar
Salt
Heima smjörl.
Aðferð: Takið þrjá djúpa diska, setjið hveiti í einn, egg í annan og raspinn í þriðja. Kryddið raspinn með salti og pipar, aromat og sítrónupipar. Það er líka bráðnauðsynlegt að setja sítrónupipar í hveitið og eggin. Skerið fiskinn í þunnar sneiðar og veltið honum fyrst upp úr hveitinu, síðan egginu og loks raspinum. Steikið fiskinn upp úr smjörlíki á pönnu við meðalhita. Strákunum mínum finnst fiskurinn alltaf miklu betri þegar pabbi þeirra gerir hann því hann bætir alltaf ómældri ást og umhyggju við.
Meðlæti: Soðnar kartöflur, kokteilsósa og laukur steiktur á pönnu (ég set alltaf smá sykur á laukinn þegar hann er alveg að verða steiktur).
Ef kvöldmaturinn er borðaður á réttum tíma sem gerist að vísu ekki oft á mínu heimili, vegna fótboltaæfinga, þá er alveg upplagt að fá sér kvöldkaffi eins og var í sveitinni í gamla daga. Þá mæli ég með nýbökuðum Hlunkum og ískaldri nýmjólk.
Hlunkar
250 gr. smjörl
2 dl. sykur
2 dl púðursykur
2 egg
5 dl hveiti
1 tsk natron (matarsódi)
1 tsk salt
1 tsk vanillusykurr eða vanilludropar
300 gr. suðusúkkulaði - brytjað
Bakað við 180°c í c.a 10 mín
Smjörlíkið er hálf brætt, sykur og púðursykur hrært saman við og síðan eggin. Því næst þurrefni og súkkulaðið í restina. Sett með matskeið á plötu klædda bökunarpappír, gott bil á milli því kökurnar renna út.
Best er að borða þá heita með ískaldri nýmjólk.
Bóndakökur eru líka góðar með kvöldkaffinu
9 dl hveiti
3 dl haframjöl
1 ½ tsk lyftiduft
300 gr. smjörl
3 dl sykur
3 msk síróp
1 egg
Aðferð: Allt hnoðað saman og velt í lengjur sem eru svo skornar í bita, síðan hnoða ég kúlur og set á plötu með bökunarpappír, þrýsti ofaná með buffhamri til að fá skemmtilegt munstur. Bakað í 8-10 mín við 200°c í blæstri.
Ég skora á frænda minn Jóhann Kristinn Gunnarsson þjálfara íslandsmeistara Þórs/KA að koma með einhverjar gómsætar uppskriftir í næstu viku.
Nýjast
-
Sjómannadagur.
Àrlega hőldum við sjómannadaginn hátíðlegan. Við hugsum til sjómanna, sem finnast í flestöllum ef ekki öllum íslenskum fjölskyldum, heiðrum þá og gleðjumst með þeim. Það er misjafnt hve mikinn þátt fólk tekur í þessum hátíðarhöldum. Sumir fylgjast vel með dagskrá hátíðarhaldanna, á meðan aðrir láta sér nægja eitthvað betra með kaffinu. -
Norðurslóðir, stríð og hnattræn hlýnun
Aukin spenna í alþjóðamálum hefur haft mikil áhrif á þróun mála á Norðurslóðum. Ríki sem þar eiga hagsmuna að gæta þurfa að fylgjast vel með og vera reiðubúin að bregðast við öðrum vendingum á svæðinu. Á meðan hnattræn hlýnun ógnar umhverfi, samfélögum og opnun skipaleiða – þá hefur innrásarstríð Rússa í Úkraínu leitt til þess að vonir um friðsæl samskipti á Norðurslóðum hafa dvínað verulega. -
Bakþankar bæjarfulltrúa Í guðanna bænum
Ég er enn í sjokki. Taugaáfalli. Og tilefnið, Jú, í gær varð ég barni að bana – næstum því. Veit ekki enn hvaða kraftaverk kom í veg fyrir þá miklu óhamingju. Öskur eða eitthvað sem undirmeðvitundin skynjaði - þótt augað sæi ekki. Tildrögin. Ég var að koma niður Krákustíg hjá Amtsbókasafninu þegar eitthvað skaust á örskotshraða fyrir steyptan garðvegginn, niður gangstéttina með fram Oddeyrargötu. -
Að efla þéttbýli eða vinna gegn því
Á síðustu 20 árum hefur íbúum á Íslandi fjölgað um tæp 100 þúsund eða um þriðjung (33%). Langstærstur hluti þessar fjölgunar hefur átt sér stað á suðvesturhorni landsins. Ef skoðuð er íbúaþróun í þeim sveitarfélögum sem í dag mynda sveitarfélagið Þingeyjarsveit, en voru fyrir aldarfjórðung 6 hreppir, kemur upp ólík mynd. Þann 1. janúar 2005 töldu sveitarfélögin (þá þrjú) 1.399 manns en þann 1. janúar sl. bjuggu 1.453 Þingeyjarsveit. Því hefur íbúum fjölgað hér um tæp 4% á sama tíma og landsmönnum fjölgaði um þriðjung. -
Framkvæmdasjóður ferðamannastaða Verkefni í Glerárdal og Hlíðarfjalli fá 46 milljónir
Tveir styrkir komu í hlut Akureyrarbæjar við úthlutun úr Framkvæmdasjóði ferðamanna, samtals um 46 milljónir króna. -
GeoSilica hefur framleiðslu á Þeistareykjum
GeoSilica færir út kvíarnar og hefur starfsemi í nýju húsi á fjölnýtingarlóð Landsvirkjunar á Þeistareykjum komandi haust. Fyrirtækið hefur samið við Landsvirkjun um leigu á húsinu, afhendingu auðlindastrauma á Þeistareykjum og samstarf til næstu áraSamstarfið markar upphaf fjölnýtingar á Þeistareykjum til framtíðar. -
Bjargvættir framtíðarinnar á Húsavík
Unglingadeild Björgunarsveitarinnar Garðars er afar öflug -
Rausnarleg gjöf frá nemendum Síðuskóla til barnadeildar SAk
Barnadeild Sjúkrahússins á Akureyri fékk á dögunum einstaka gjöf þegar nemendur í 5., 6. og 7. bekk Síðuskóla ákváðu að leggja 550.000 krónur inn á styrktarreikning deildarinnar. Upphæðin safnaðist með sölu á handverki og veitingum sem nemendur stóðu fyrir á Barnamenningarhátíð í apríl. -
Metár umsókna við Háskólann á Akureyri
Umsóknir í Háskólann á Akureyri hafa aldrei í sögu skólans verið fleiri, en alls bárust um 2.340 umsóknir að þessu sinni. Þetta er um 15% aukning frá síðasta ári og rúmlega 8% aukning frá árinu 2018, sem var fyrra metár umsókna við háskólann.
